ສູນກາງແນວລາວສ້າງຊາດ

Lao Front For National Development

ສະຫະພັນແມ່ຍິງ ສນຊ ມອບເຄື່ອງຊ່ວຍເຫຼືອຜູ້ປະສົບໄພນ້ຳຖ້ວມ

ວັນທີ 31 ກໍລະກົດ 2018 ທີ່ສູນກາງສະຫະພັນແມ່ຍິງລາວ, ສະຫະພັນແມ່ຍິງ ສູນກາງແນວລາວສ້າງຊາດ(ສນຊ) ນໍາໂດຍທ່ານ ສີພະຈັນ ນັນທະວົງສາ ຄະນະປະຈໍາ, ປະທານສະຫະພັນແມ່ງຍິງ ສນຊ ພ້ອມດ້ວຍຄະນະ ໄດ້ນຳເອົາວັດຖຸປັດໄຈຈຳນວນໜຶ່ງ ໄປມອບໃຫ້ສູນກາງສະຫະພັນແມ່ຍິງລາວ ເພື່ອນຳໄປມອບຕໍ່ໃຫ້ປະຊາຊົນລາວບັນດາເຜົ່າໃນຂອບເຂດທົ່ວປະເທດ ທີ່ຖືກຜົນກະທົບຈາກໄພພິບັດທຳມະຊາດ.

ເຄື່ອງທີ່ນຳມາມອບໃນຄັ້ງນີ້ມີນ້ຳດື່ມ 100 ແກັດ, ໝີ່ 100 ແກັດ, ເກີບ 3 ເປົາ, ເຂົ້າໜົມ 5 ແກັດ, ກະທິງແດງ 24 ແກັດ, ເຂົ້າໜົມໄດໂນເສົາ 10 ແກັດ, ຄິດເປັນມູນຄ່າ 14,590,000 ກີບ ແລະ ມີເງີນສົດຈຳນວນ 1,000,000 ກີຍ ລວມມູນຄ່າທັງ ໝົດ 15,590,000 ກີບ, ກ່າວມອບໂດຍທ່ານ ນາງ ສີພະຈັນ ນັນທະວົງສາ ແລະ ກ່າວຮັບໂດຍ ທ່ານ ນາງ ດຣ ອິນລາວັນ ແກ້ວບຸນພັນ ກຳມະການສູນກາງພັກ, ປະທານສູນກາງສະຫະພັນແມ່ຍິງລາວ ໂດຍມີຮອງປະທານສະຫະພັນແມ່ຍິງສອງອົງການ ແລະ ພະນັກງານທີ່ກ່ຽວຂ້ອງເຂົ້າຮ່ວມ.

ທ່ານ ປະທານ ສສຍລ ໄດ້ກ່າວສະແດງຄວາມຂອບໃຈທີ່ທຸກພາກສ່ວນ ແລະ ບຸກຄົນໄດ້ປະກອບສ່ວນບິແບ່ງນ້ຳໃຈ ເພື່ອຊ່ວຍ ເຫຼືອເຊິ່ງກັນ ແລະກັນໃນຍາມຫຍຸ້ງຍາກ ແລະ ຈະນຳເອົາວັດຖຸປັດໄຈດັ່ງກ່າວໄປມອບຕໍ່ໃຫ້ປະຊາຊົນທີ່ໄດ້ຮັບຜົນກະທົບດັ່ງກ່າວ.

info@lfnd.org.la | 021 213754 | (856-21) 453191