ສູນກາງແນວລາວສ້າງຊາດ

Lao Front For National Development

ສະຫະພັນແມ່ຍິງ ສນຊ ສ້າງຂະບວນການຕ້ອນຮັບ ວັນທີ 20 ກໍລະກົດ

ເພື່ອ​ເປັນ​ການ​ສ້າງ​ຂະ​ບວນການ​ຂໍ່ານັບ​ຊົມ​ເຊີຍ ເນື່ອງໃນໂອກາດວັນສ້າງຕັ້ງສະຫະພັນແມ່ຍິງລາວ ຄົບຮອບ 62 ປີ (20 ກໍລະກົດ 1955-20 ກໍລະ​ກົດ 2017).

ວັນທີ 14 ກໍລະກົດ 2017 ນີ້, ສະຫະພັນແມ່ຍິງ ສູນກາງແນວລາວສ້າງຊາດ (ສນຊ) ໄດ້ໄປທັດສະນະຢ້ຽມຢາມ ຫໍມູນເຊື້ອສະ ຫະພັນແມ່ຍິງລາວ ນໍາໂດຍທ່ານ ນາງ ຄໍາຕຸ່ນ ໄຊຍະສີງ ຮອງປະທານສະຫະພັນແມ່ຍິງ ສູນກາງແນວລາວສ້າງຊາດ ເຊິ່ງໄດ້ຮັບ ຟັງການລາຍງານຫວນຄືນປະຫວັດຄວາມ​ເປັນ​ມາ; ແມ່ຍິງລາວຍາມໃດກໍ່ໄດ້ຄຽງບ່າຄຽງໄຫຼ່ປະຕິບັດເຮັດໜ້າທີ່ປົດປ່ອຍຊາດ ຄຽງຄູ່ກັບເພດຊາຍ ທັງເປັນຜູ້ທີ່ມີຫົວຄິດປະດິດສ້າງເປັນຄົນດຸໝັ່ນຂະຫຍັນພຽນ, ມີສີມືທາງດ້ານການຕໍ່າຫຸກທໍໄໝ, ຫຍິບ ຖັກປັກສຽວທີ່ເປັນເອກະລັກສະເພາະຂອງແມ່ຍິງລາວບັນດາເຜົ່າ, ມີນໍ້າໃຈອັນເດັດດ່ຽວ ຮັກສາມູນເຊື້ອອັນດີງາມຂອງຊາດ. ພ້ອມກັນນີ້, ແມ່ຍິງລາວມີຜົນງານອັນພົ້ນເດັ່ນໃນການເຂົ້າຮ່ວມພາລະກິດຕໍ່ສູ້ປົດປ່ອຍຊາດໃນເມື່ອກ່ອນ ມູນເຊື້ອການຕໍ່ ສູ້ອັນພິລະອາດຫານຈົນສາມາດຍາດໄດ້ໄຊຊະນະອັນຍິ່ງໃຫຍ່, ເປັນຂີດໝາຍສໍາຄັນຂອງ ສປປ ລາວ ກ້າວເຂົ້າໄປສູ່ໃນການ ປົກປັກຮັກສາ ແລະ ສ້າງສາພັດທະນາປະເທດຊາດໃນປະຈຸບັນ. ຜ່ານມາ ແມ່ຍິງໄດ້ພະຍາຍາມຕິດພັນກັບແຜນພັດທະນາ ເສດຖະກິດ-ສັງຄົມຂອງປະເທດເຮົາ ໂດຍສະເພາະແມ່ນພະນັກງານເພດຍິງ ຫຼືສະມາຊິກແມ່ຍິງ ແລະ ແມ່ຍິງລາວບັນດາເຜົ່າ ໄດ້ຮັບການພັດທະນາທຸກດ້ານ ເປັນຕົ້ນ: ທິດສະດີການເມືອງ, ວິຊາສະເພາະນັບມື້ນັບຫຼາຍຂຶ້ນ, ການສົ່ງເສີມຄວາມສະເໝີ ພາບ ລະຫວ່າງ ຍິງ-ຊາຍ ໃນຄອບຄົວໄດ້ເປັນຮູບປະທໍາ.

ນອກຈາກ​ທັດສະນະ​ຢ້ຽມຢາມ ຫໍ​ມູນ​ເຊື້ອ​ແມ່​ຍິງ, ສະຫະພັນ​ແມ່ຍິງ ສນຊ ຍັງ​ໄດ້​ຈັດ​ກິດຈະກຳ​ແຂ່ງຂັນກິລາ ​ເປ​ຕັງ ມິດຕະ ພາບ ລະຫວ່າງ ບັນດາ​ໜ່ວຍ​ແມ່ຍິງ ພາຍ​ໃນສຳນັກງານ​ ສນຊ ​ໂດຍ​ມີ​ບັນດາ​ທ່ານການນຳ ພ້ອມດ້ວຍພະນັກງານ-ລັດ ຖະ ກອນ ​ເຂົ້າ​ຮ່ວມ​ຢ່າງ​ເປັນ​ຂະ​ບວນຟົດ​ຟືນ.

info@lfnd.org.la | 021 213754 | (856-21) 453191