ສູນກາງແນວລາວສ້າງຊາດ

Lao Front For National Development

ສະຫະພັນແມ່ຍິງ ສນຊ ຮັບເຄ່ື່ອງຊ່ວຍເຫຼືອມູນຄ່າ 14 ລ້ານກວ່າກີບ

ໃນວັນທີ 28 ພະຈິກ 2017 ນີ້, ທີ່ສະມາຄົມການຄ້າລາວ-ເກົາຫຼີ, ໄດ້ຈັດພິທີ ມອບ-ຮັບ ເຄື່ອງຊ່ວຍເຫຼືອ ໝີ່ ຈໍານວນ 57 ແກັດ ລວມມູນຄ່າທັງໝົດ 14 ລ້ານກວ່າກີບ ກ່າວມອບໂດຍ ທ່ານ ຈອງອູຊັງ ທີ່ປຶກສາສະສະມາຄົມການຄ້າລາວ-ເກົາຫຼີ ແລະ ກ່າວຮັບໂດຍ ທ່ານ ນາງ ສີພະຈັນ ນັນທະວົງສາ ຄະນະປະຈໍາ ສນຊ, ຫົວໜ້າກົມກວດກາ, ພ້ອມຄະນະ ໂດຍມີພະນັກງານທີ່ກ່ຽວຂ້ອງທັງສອງຝ່າຍເຂົ້າຮ່ວມ.

ທ່ານ ນາງ ສີພະຈັນ ນັນທະວົງສາ ໄດ້ຕາງໜ້າຄະນະສະຫະພັນແມ່ຍິງ ສູນກາງແນວລາວສ້າງຊາດ ໄດ້ສະແດງຄວາມຂອບໃຈເປັນຢ່າງຍິ່ງ ຕໍ່ກັບທ່ານ ຈອງອູຊັງ ທີ່ມີນໍ້າໃຈເອື້ອເຝຶ້ອເພື່ອແຜ່ ໃຫ້ເຄື່ອງຊ່ວຍເຫຼືອຈຳນວນດັ່ງກ່າວ ມາມອບໃຫ້ຄະນະສະຫະພັນແມ່ຍິງສູນກາງແນວລາວສ້າງຊາດ ແລະ ເຄື່ອງຈຳນວນດັ່ງກ່າວ ສູນກາງແນວລາວສ້າງຊາດ ຈະນຳໄປມອບຕໍ່ໃຫ້ປະຊາຊົນລາວບັນດາເຜົ່າຜູ້ທີ່ທຸກຍາກທີ່ຢູ່ເຂດຫ່າງໄກສອກຫຼິກ. ພ້ອມກັນນີ້, ທ່ານໄດ້ຕາງໜ້າຄະນະນໍາສູນກາງແນວລາວສ້າງຊາດ ມອບໃບຍ້ອງຍໍໃຫ້ແກ່ທີ່ປຶກສາສະມາຄົມການຄ້າລາວ-ເກົາຫຼີ ແລະ ຫວັງວ່າໂອກາດໜ້າຈະໄດ້ຮັບການຊ່ວຍເຫຼືອຈາກບັນດາທ່ານຕື່ມອີກ.

info@lfnd.org.la | 021 213754 | (856-21) 453191