ສູນກາງແນວລາວສ້າງຊາດ

Lao Front For National Development

ສະຫຼຸບການເຄື່ອນໄຫວວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2019

ໃນວັນທີ 16 ກັນຍາ 2019 ນີ້, ທີ່ສູນກາງແນວລາວສ້າງຊາດ (ສນຊ) ໄດ້ສະຫຼຸບການຈັດຕັ້ງປະຕິບັດໂຄງການສ້າງຄວາມເຂັ້ມແຂງໃຫ້ແນວລາວສ້າງຊາດ ໃນການສົ່ງເສີມ ແລະ ປົກປ້ອງສິດ ຜົນປະໂຫຍດຂອງບັນດາເຜົ່າໃຫ້ມີສ່ວນຮ່ວມໃນການຄຸ້ມຄອງນໍາໃຊ້ຊັບພະຍາກອນທໍາມະຊາດ ແລະ ສິ່ງແວດລ້ອມແບບຍືນຍົງໃນໄລຍະ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2019 ໂດຍເປັນປະທານຂອງທ່ານ ເຍ່ຍເກີຢ່າ ໜໍຈໍຈົງຕົວ ຮອງປະທານ ສນຊ, ມີບັນດາທ່ານມາຈາກກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ແລະ ກອງທືນປົກປັກຮັກສາສິ່ງແວດລ້ອມ ຕະຫຼອດຮອດພະນັກງານທີ່ກ່ຽວຂ້ອງເຂົ້າຮ່ວມ.

ທ່ານ ນ ມະນີວັນ ແກ້ວໂກມິນ ຮອງຫົວໜ້າກົມຊົນເຜົ່າ ສນຊ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດໂຄງການສ້າງຄວາມເຂັ້ມແຂງໃຫ້ແນວລາວສ້າງຊາດ ໃນການສົ່ງເສີມ ແລະ ປົກປ້ອງສິດ ຜົນປະໂຫຍດຂອງບັນດາເຜົ່າໃຫ້ມີສ່ວນຮ່ວມໃນການຄຸ້ມຄອງນໍາໃຊ້ຊັບພະຍາກອນທໍາມະຊາດ ແລະ ສິ່ງແວດລ້ອມແບບຍືນຍົງ ເພື່ອເປັນການສ້າງຄວາມເຂັ້ມແຂງໃນການຈັດຕັ້ງປະຕິບັດແຜນງານ, ໂຄງການແນວລາວສ້າງຊາດໃຫ້ບັນດາລຸເປົ້າໝາຍ, ໄດ້ຍົກເອົາບາງຫົວຂໍ້ຂຶ້ນມາແລກປ່ຽນຄື: ການປ່ຽນແປງໃໝ່ໃນການນໍາພາຂອງພັກກ່ຽວກັບການຍົກລະດັບຂິດຄວາມສາມາດຂອງພະນັກງານແນວລາວສ້າງຊາດໃຫ້ກະທັດຣັດ, ເຂັ້ມແຂງ ອີງຕາມຄວາມຮຽກຮ້ອງຕ້ອງການຂອງໜ້າວຽກຕົວຈິງ ດ້ວຍການສ້າງພະນັກງານກັບທີ່ຫັນເຂົ້າສູ່ຄຸນນະພາບ. ໂຄສະນາຂົງເຂດແນວລາວສ້າງຊາດ ໃນການເຕົ້າໂຮມຄວາມສາມັກຄີປອງດອງຂອງປະຊາຊົນລາວບັນດາເຜົ່າ ດ້ວຍການໂຄສະນາຜ່ານທາງ ສື່ສິ່ງພິມ, ສື່ເອເລັກໂຕນິກ ແລະ ແນວລາວສ້າງຊາດເວລາໃດກໍເຮັດໜ້າທີ່ເປັນໃຈກາງໃນການສຶກສາອົບຮົມເຕົ້າໂຮມຄວາມສາມັກຄີປອງດອງຂອງປວງຊົນລາວບັນດາເຜົ່າ ແລະ ເປັນໃຈກາງໃນການຕິດຕາມກວດກາຂໍ້ມູນຄວາມເປັນຈິງຂອງປະຊາຊົນລາວບັນດາເຜົ່າ ຊຶ່ງທັງເປັນເມືອງບ່ອນຮັບຄໍາຮ້ອງ, ຄໍາສະເໜີ ແລະ ບັນຫາຕ່າງໆທີ່ຖືກຜົນກະທົບໂດຍກົງ ຫຼື ທາງອ້ອມ ແລະ ສະພາບສິ່ງແວດລ້ອມອື່ນໆ ພ້ອມດຽວກັນນີ້, ຜູ້ເຂົ້າຮ່ວມໄດ້ປະກອບຄໍາຄິດຄໍາເຫັນຢ່າງກົງໄປກົງມາຕໍ່ບົດສະຫຼຸບດັ່ງກ່າວໃຫ້ມີເນື້ອໃນໃຈເລີກເຊິ່ງ ໃນການຈັດຕັ້ງປະຕິບັດໃນຕໍ່ໜ້າ, ໃນໂອກາດນີ້, ທ່ານ ຮອງປະທານ ສນຊ ຍັງຮຽກຮ້ອງໃຫ້ທຸກພາກສ່ວນໃຫ້ເອົາໃຈໃສ່ສຶກສາອົບຮົມໃຫ້ຄົນມີນໍ້າໃຈໃນການປົກປັກຮັກສາສິ່ງແວດລ້ອມ ເພື່ອເປັນການທົບທວນໃນການເຄື່ອນໄຫວຜ່ານມາ ແລະ ຫາທາງແກ້ໄຂຂໍສະເໜີຕ່າງໆເຊັ່ນສະພາບບັນຫາຈາລະຈອນໃນຕົວເມືອງ, ເຫັນໄດ້ສະພາບແວດລ້ອມໃນຕົວເມືອງ ທີ່ຍັງແກ້ບໍ່ຕົກ ໂດຍສະເພາະແມ່ນ ການຖິ້ມຂີ້ເຫຍືອຊະຊາຍ, ການປ່ອຍນໍ້າເປື້ອນໂດຍບໍ່ມີການບໍາບັດ, ບັນຫາປອມແປງໃບຕາດີນ ແລະ ອື່ນໆ.

info@lfnd.org.la | 021 213754 | (856-21) 453191