ສູນກາງແນວລາວສ້າງຊາດ

Lao Front For National Development

ສະຫຼຸບຂະບວນການແຂ່ງຂັນ 3 ດີ ຂອງໜ່ວຍສະຫະພັນແມ່ຍິງແນວລາວສ້າງຊາດແຂວງຫຼວງພະບາງ

ວັນທີ 19 ມັງກອນ ຜ່ານມານີ້ ຢູ່ຫ້ອງປະຊຸມແນວລາວສ້າງຊາດແຂວງ ໄດ້ຈັດກອງປະຊຸມສະຫຼຸບຂະບວນ ການແຂ່ງຂັນ 3 ດີ ຂອງໜ່ວຍສະຫະພັນແມ່ຍິງແນວລາວສ້າງຊາດແຂວງ ປະຈໍາປີ 2020 ໂດຍເປັນປະທານຂອງ ທ່ານ ນາງດວງມະນີ ອິນດາລັກ ຮອງປະທານແນວລາວສ້າງຊາດແຂວງ, ມີ ທ່ານ ບຸນສົມ ເດດດາວເຮືອງ ຮອງປະ ທານສະຫະພັນນັກຮົບເກົ່າ, ປະທານ-ຮອງປະທານຕະຫຼອດຮອດສະມາຊິກສະຫະພັນແມ່ຍິງ ໜ່ວຍແນວລາວສ້າງ ຊາດແຂວງ ເຂົ້າຮ່ວມ.

ໃນກອງປະຊຸມ ທ່ານ ນາງ ສີສະຫວັນ ວິໄລຈອນ ປະທານໜ່ວຍສະຫະພັນແມ່ຍິງ ໄດ້ຜ່ານບົດສະຫຼຸບການ ຈັດຕັ້ງປະຕິບັດຂໍ້ແຂ່ງຂັນ 3 ດີ: ໜ່ວຍສະຫະພັນແມ່ຍິງແນວລາວສ້າງຊາດແຂວງໄດ້ສືບຕໍ່ຈັດຕັ້ງຂະບວນການແຂ່ງ ຂັນ 3 ດີ ປະຈໍາປີ2020 ດ້ວຍການຈັດຕັ້ງຂໍ້ແຂ່ງຂັນ ເຊິ່ງມີສະມາຊິກສະຫະພັນແມ່ຍິງເຂົ້າຮ່ວມແຂ່ງຂັນ ທັງໝົດ 12 ທ່ານ ກວມເອົາ 100% ຂອງຈໍານວນສະມາຊິກສະຫະພັນແມ່ຍິງທັງໝົດ ແລະ ສາມາດຕີລາຄາຜົນງານຕາມຂໍ້ ແຂ່ງຂັນໂດຍອີງໃສ່ມາດຖານເງື່ອນໄຂຂອງການຄັດເລືອກກົມກອງ ແລະບຸກຄົນ 3 ດີ ໜ່ວຍສະຫະພັນແມ່ຍິງແນວ ລາວສ້າງຊາດແຂວງສາມາດຄັດເລືອກໄດ້ບຸກຄົນ 3 ດີ ທັງໝົດ 12 ທ່ານ, ໃນນັ້ນ 3 ດີ ປະເພດ 1 ໄດ້ 12 ທ່ານ.

ຕອນທ້າຍ ທ່ານ ຮອງປະທານແນວລາວສ້າງຊາດແຂວງ ຍ້ອງຍໍຊົມເຊີຍຕໍ່ຜົນງານທີ່ໜ່ວຍສະຫະພັນແມ່ຍິງ ຍາດມາໄດ້ ພ້ອມນັ້ນ, ຮຽກຮ້ອງເອື້ອຍນ້ອງແມ່ຍິງຕັ້ງໜ້າປະຕິບັດເນື້ອໃນຂໍ້ແຂ່ງຂັນ 3 ດີ ໃຫ້ໄດ້ຮັບຜົນດີ ເຊັ່ນ:​ພົນລະເມືອງດີ, ພັດທະນາດີ ແລະສ້າງຄອບຄົວດີ ເພີ່ມທະວີຄວາມສາມັກຄີເປັນປຶກແຜ່ນພາຍໃຕ້ການນໍາພາຂອງ ພັກ, ເຊີດຊູຄວາມຮັບຜິດຊອບໃນໜ້າທີຂອງຕົນ ປະກອບສວ່ນຢ່າງຕັ້ງໜ້າເຂົ້າໃນພາລະກິດແຫ່ງການປົກປັກຮັກສາ ແລະສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງຕາມຈຸດປະສົງທີ່ພັກໄດ້ວາງໄວ້.

 

info@lfnd.org.la | 021 213754 | (856-21) 453191