ສູນກາງແນວລາວສ້າງຊາດ

Lao Front For National Development

ສາມອົງການຈັດຕັ້ງມະຫາຊົນ ສນຊ ຂົນເຄື່ອງບໍລິຈາກຊ່ວຍປະຊາຊົນປະສົບໄພນ້ຳຖ້ວມ ແຂວງອັດຕາປື

ໃນວັນທີ 26-27 ກໍລະກົດ 2018 ນີ້, ສາມອົງການຈັດຕັ້ງມະຫາຊົນ(ສະມາຊິກກຳມະບານ, ແມ່ຍິງ ແລະ ຊາວໜຸ່ມ) ຂອງ ສູນກາງແນວລາວສ້າງຊາດ(ສນຊ) ໄດ້ຮ່ວມແຮງຮ່ວມໃຈກັນອອກແຮງງານຂົນ, ເຄື່ອນຍ້າຍ ແລະ ຈັດລະບຽບເຄື່ອງບໍລິຈາກ ທີ່ໄດ້ຮັບຈາກການຊ່ວຍເຫຼືອ ເພື່ອເກັບຮັກສາໃຫ້ເປັນລະບຽບ ແລະ ນຳໄປມອບຕໍ່ໃຫ້ປະຊາຊົນຜູ້ປະສົບໄພພິບັດນ້ຳຖ້ວມ ຢູ່ ແຂວງອັດຕາປື.

ໃນນີ້, ບັນດາສະມາຊິກຊາວໜຸ່ມ, ກຳມະບານ, ແມ່ຍິງ ອາສາສະໝັກຂອງ ສນຊ ແລະ ກະຊວງໄປສະນີລາວ ໄດ້ພ້ອມກັນຊ່ວຍ ເຫຼືອການເຄື່ອນຍ້າຍຈາກບ່ອນບໍລິຈາກ ປະຕູໄຊ ມາເກັບຮັກສາໄວ້ຢູ່ສຳນັກງານສູນກາງແນວລາວສ້າງຊາດ ເພື່ອກະກຽມ ນຳ ໄປສົ່ງຕໍ່ໃຫ້ກັບປະຊາຊົນຜູ້ປະສົບໄພນ້ຳຖ້ວມ ເມືອງສະໜາມໄຊ ແຂວງອັດຕາປື ເຊິ່ງໃນວັນທີ 27 ກໍລະກົດນີ້ ກໍໄດ້ນຳເຄື່ອນ ຊ່ວຍເຫຼືອຈຳນວນໜຶ່ງໄປມອບໃຫ້ປະຊາຊົນກ່ອນແລ້ວ ໂດຍການຊ່ວຍເຫຼືອຂົນສົ່ງເຄື່ອງບໍລິຈາກທັງໝົດໃຫ້ເຖິງ ເມືອງ ສະ ໜາມໄຊ ແຂວງອັດຕາປື ໂດຍບໍ່ເສຍຄ່າ ຂອງກະຊວງໄປສະນີລາວ. ພ້ອມກັນນີ້, ກໍໄດ້ຊ່ວຍກັນຈັດລະບຽບເຄື່ອງທີ່ຍັງເຫຼືອ ແລະ ກຽມພ້ອມຈັດແຈງເຄື່ອງທີ່ໄດ້ຮັບການຊ່ວຍເຫຼືອໃໝ່ຕື່ມອີກ.

info@lfnd.org.la | 021 213754 | (856-21) 453191