ສູນກາງແນວລາວສ້າງຊາດ

Lao Front For National Development

ສຳເລັດ ກອງປະຊຸມໃຫຍ່ ຄັ້ງທີ V ຜູ້ແທນແນວລາວສ້າງຊາດ ເມືອງວຽງຄໍາ

ກອງ​ປະຊຸມ​ໃຫຍ່​ ​ຄັ້ງທີ V ຜູ້ແທນແນວ​ລາວ​ສ້າງ​ຊາດ ​ເມືອງວຽງຄຳ ​ໄດ້ໄຂ​ຂື້ນ​ ​ວັນ​ທີ  3 ກັນຍາ 2020 ນີ້, ຢູ່​ທີ່​ສະ​ໂມ​ສອນຂອງ​ເມືອງ, ​​ເປັນກຽດ​ເຂົ້າ​ຮ່ວມ​ມີ ​ໂດຍ​ທ່ານ ທອງ​ສະຫວັນ ວົງ​ສຳພັນ, ກຳມະການສູນກາງແນວລາວສ້າງຊາດ, ຄະນະ​ປະຈຳ​ພັກ​ແຂວງ, ປະທານ​ແນວ​ລາວ​ສ້າງ​ຊາດ​ແຂວງ​ວຽງຈັນ, ທ່ານ ພອນແກ້ວ ຂຸນພົນ ກຳມະການພັກແຂວງ, ​ເລຂາ​ພັກ​ເມືອງ, ​ເຈົ້າ​ເມືອງ​ວຽງຄຳ, ມີ​ບັນດາຄະນະ​ພັກ​ເມືອງ, ຕາງໜ້າບັນດາຫ້ອງການເມືອງ, ກຳມະການ​ແນວ​ລາວ​ສ້າງ​ຊາດ​ເມືອງ, ຜູ້​ຊົງ​ຄຸນ​ວຸດ​ທິ, ຜູ້ອາວຸໂສບໍານານ, ເລຂາພັກບ້ານ, ປະທານ​ແນວ​ລາວ​ສ້າງ​ຊາດ​ບ້ານ ພ້ອມ​ດ້ວຍ​ພະນັກງານ​ພາຍ​ໃນ​ເມືອງ ເຂົ້າ​ຮ່ວມ​.

ທ່ານ ນ.ແສງແກ້ວ ສີສຸວົງ ຮັກສາການປະທານແນວລາວສ້າງຊາດເມືອງ ໄດ້ຂື້ນກ່າວໄຂກອງປະຊຸມ, ພ້ອມທັງຜ່ານບົດສະຫຼຸບລາຍງານການເມືອງທັງສອງພາກ, ບົດສຳຫຼວດການນຳພາລວມໃນການເຄື່ອນໄຫວວຽກງານແນວລາວສ້າງຊາດ ໃນໄລຍະ 5 ປີ ຜ່ານມາ.  ກອງປະຊຸມໄດ້ມີມະຕິແຕ່ງຕັ້ງ ຄະນະກຳມະການແນວລາວສ້າງຊາດເມືອງ ຊຸດທີ V ຈຳນວນ 33 ທ່ານ. ​ແຕ່ງ​ຕັ້ງ​ສະຫາຍ ພອນເພັດ ຈິດຕະວົງ ເປັນປະທານ, ສະຫາຍ ນ.ແສງແກ້ວ ສີສຸວົງ ເປັນຮອງປະທານ ແລະ ຄະນະ​ທີ່​ປຶກສາ 3 ທ່ານ.

ໃນຕອນທ້າຍພິທີ, ໄດ້ຮັບຟັງການໂອ້ລົມຂອງ ທ່ານ ປະທານແນວລາວສ້າງຊາດແຂວງວຽງຈັນ

info@lfnd.org.la | 021 213754 | (856-21) 453191