ສູນກາງແນວລາວສ້າງຊາດ

Lao Front For National Development

ສູນກາງແນວລາວສ້າງຊາດຈັດກອງປະຊຸມເຊື່ອມຊື່ມວຽກງານກວດກາ

ໃນວັນທີ 4 ພຶດສະພາ 2018, ສູນກາງແນວລາວສ້າງຊາດ ໄດ້ຈັດກອງປະຊຸມຈັດຕັ້ງຜັນຂະຫຍາຍເນື້ອໃນຈິດໃຈຂອງ ກອງປະ ຊຸມວຽກງານກວດກາທົ່ວປະເທດປະຈຳປີ 2017 ໂດຍການເປັນປະທານຂອງທ່ານ ນ. ຄຳຈັນ ພົມແສງສະຫວັນ ຮອງປະທານສູນ ກາງແນວລາວສ້າງຊາດ, ປະທານກວດກາພັກ-ລັດສູນກາງແນວລາວສ້າງຊາດ ໂດຍມີບັນດາທ່ານຮອງປະທານ, ຫົວໜ້າກົມ, ຮອງຫົວໜ້າກົມຕະຫຼອດຮອດພະນັກງານ-ລັດຖະ ກອນສູນກາງແນວລາວສ້າງຊາດ ເຂົ້າຮ່ວມ ທີ່ສູນກາງແນວລາວສ້າງຊາດ.

ໃນນີ້, ທ່ານ ນ. ສີພະຈັນ ນັນທະວົງສາ ຫົວໜ້າກົມກວດກາສູນກາງແນວລາວສ້າງຊາດ ໄດ້ຜ່ານບົດລາຍງານຜົນການຈັດ ຕັ້ງປະຕິບັດວຽກງານຕິດຕາມ-ກວດກາຂອງສູນກາງແນວລາວສ້າງຊາດໄລຍະປີ 2017 ຜ່ານມາ ແລະ ທິດທາງແຜນການໃນ ການຈັດຕັ້ງປະຕິບັດວຽກງານຕິດຕາມ-ກວດກາປະຈຳປີ 2018 ເຊິ່ງທ່ານໄດ້ກ່າວວ່າ: ຕະຫຼອດໄລຍະໜຶ່ງປີຜ່ານມາ ຄະນະ ກວດກາສູນກາງແນວລາວສ້າງຊາດໄດ້ເຮັດສຳເລັດຫຼາຍດ້ານເຊັ່ນ: ການເຊື່ອມຊື່ມ, ເຜີຍແຜ່ບັນດາບົດແນະນຳ, ນິຕິກຳ, ລະ ບຽບກົດໝາຍກ່ຽວກັບວຽກງານຕິດຕາມ-ກວດກາ ແລະ ຕ້ານການສໍ້ລາດບັງຫຼວງ, ໄດ້ສຳເລັດການປະເມີນຜົນວຽກງານ ຕິດຕາມ-ກວດກາທົ່ວປະເທດຂອງແນວລາວສ້າງຊາດໃນປີ 2017, ໄດ້ຄົ້ນຄ້ວາຄຳຮ້ອງ-ຄຳສະໜີ ຂອງປະຊາຊົນລາວບັນດາ ເຜົ່າຈຳນວນ 14 ສະບັບ ແລະ ແກ້ໄຂໄດ້ຈຳນວນໜຶ່ງ. ສ່ວນທິດທາງແຜນການໃນຕໍ່ໜ້າແມ່ນຈະສືບຕໍ່ຈັດຕັ້ງປະຕິບັດວຽກ ງານຕິດຕາມ-ກວດກາຂອງແນວລາວສ້າງຊາດໃຫ້ໄດ້ຮັບຜົນດີ, ສືບຕໍ່ຜັນຂະຫຍາຍບັນດາບົດແນະນຳ, ນິຕິກຳ, ລະບຽບ, ກົດ ໝາຍຕ້ານການສໍ້ລາດບັງຫຼວງລົງສູ່ຮາກຖານ, ທ້ອງຖີ່ນເພື່ອໃຫ້ມີການຈັດຕັ້ງປະຕິບັດວຽກງານຕິດຕາມ-ກວດກາຢ່າງມີປະ ສິດຕິພາບເປັນກ້າວໆ.

ໂອກາດນີ້, ທ່ານ ນ. ຄຳຈັນ ພົມແສງສະຫວັນ ໄດ້ໃຫ້ກຽດໂອ້ລົມຕໍ່ທີ່ປະຊຸມເຊິ່ງກ່ອນອື່ນທ່ານໄດ້ຍ້ອງຍໍຊົມເຊີຍ ບັນດາຜົນ ສຳເລັດທີ່ຄະນະກວດກາສູນກາງແນວລາວສ້າງຊາດໄດ້ຈັດຕັ້ງປະຕິບັດໃນໜຶ່ງປີຜ່ານມາ. ໃນນີ້, ທ່ານໄດ້ເຜີຍແຜ່ເນື້ອໃນຈິດ ໃຈຂອງກອງປະຊຸມວຽກງານກວດກາທົ່ວປະເທດປະຈຳປີ 2017 ເປັນຕົ້ນແມ່ນຂໍ້ກຳນົດສະບັບເລກທີ 05/ຄກສພ ວ່າດ້ວຍ ການຕິດຕາມ-ກວດກາຈັດຕັ້ງປະຕິບັດຜົນການກວດກາເພື່ອໃຫ້ຜົນຂອງການການກວດກາມີຄວາມສັກສິດ, ທັນການ ແລະ ຖຶກຕ້ອງຕາມລະບຽບ-ກົດໝາຍຂອງພັກ-ລັດວາງອອກ ພ້ອມກັນນີ້, ທ່ານໄດ້ເນັ້ນໃຫ້ຄະນະກວດກາ ພ້ອມດ້ວຍພະນັກງານ -ລັດຖະກອນສູນກາງແນວລາວສ້າງຊາດຕ້ອງກຳໃຫ້ໄດ້ບັນດາຂໍ້ກຳນົດ, ນິຕິກຳແລະ ລະບຽບກົດໝາຍ ວ່າດ້ວຍການຕ້ານ ການສໍ້ລາດບັງຫຼວງຂອງຄະນະກວດກາສູນກາງພັກ ຕິກພັນກັບຂົງເຂດວຽກງານແນວລາວສ້າງຊາດໃຫ້ໄດ້ຮັບຜົນດີ.

info@lfnd.org.la | 021 213754 | (856-21) 453191