ສູນກາງແນວລາວສ້າງຊາດ

Lao Front For National Development

ສູນກາງແນວລາວສ້າງຊາດ ຍົກລະດັບຄວາມຮູ້ການຜະລິດລາຍການ ໂທລະພາບ

ກົມໂຄສະນາ-ອົບຮົມ ສູນກາງແນວລາວສ້າງຊາດ ໄດ້ຈັດກອງປະຊຸມຍົກລະດັບຄວາມຮູູ້ການຜະລິດລາຍການໂທລະພາບ ຂຶ້ນ ພາຍໃຕ້ການເປັນປະທານຂອງ ທ່ານ ແກ້ວຈະເລີນ ເຊ່ຍຍິ່ງຢ່າງ ຄະນະປະຈຳ, ຫົວໜ້າກົມໂຄສະນາ-ອົບຮົມ ໂດຍມີພະນັກງານຈາກກົມໂຄສະນາ-ອົບຮົມ, ຫ້ອງການ, ສູນຝຶກອົບຮົມ ແລະ ບັນດາກົມຕ່າງໆອ້ອມຂ້າງ ສນຊ ເຂົ້າຮ່ວມ ທີ່ສູນຝຶກອົມຮົມ ສູນກາງແນວລາວສ້າງຊາດ ໃນລະຫວ່າງວັນທີ 21-27 ມີນາ 2017 ນີ້.

ກອງປະຊຸມຄັ້ງນີ້, ທ່ານ ບົວໄລ ພານຸວົງ ຫົວໜ້າພະແນກຂ່າວໂທລະພາບແຫ່ງຊາດລາວ ພ້ອມດ້ວຍຄະນະທີມງານລາຍການໂທລະພາບ ໃຫ້ກຽດເປັນວິທະຍາກອນ ເຊິ່ງໄດ້ນຳເອົາຂໍ້ມູນ, ບົດຮຽນທີ່ສຳຄັນ ແລະ ຈຳເປັນນຳມາຖ່າຍທອດໃຫ້ເຊັ່ນ: ການ​ຂຽນບົດ​ຂຽນຂ່າວ ເພື່ອເຮັດໃຫ້ຂ່າວເດັ່ນ, ຫນ້າດຶງດູດ ແລະ ມີປະສິດທິພາບສູງຂຶ້ນກວ່າເກົ່າ; ຮຽນຮູ້ການເລືອກເຝັ້ນຂໍ້ມູນ, ການ​ເລືອກ​ປະ​ເດັນ​ທີ່​ຈະ​ໄປ​ຜະລິດ​ຂ່າວ, ການໃຊ້ສັັັັັັັັັັັັັັັັັັັັບພາສາ ແລະ ອື່ນໆ; ນອກຈາກນັ້ນ ຍັງໄດ້ຮຽນກ່ຽວກັນບຄວາ​ມຮູ້​ພື້ນ​ຖານກ່ຽວກັບລະບົບ​ໂທລະພາບ-ວີດີໂອ, ຮຽນຮູ້ທັກສະສິລະປະການປະທະກະຖາຕື່ມອີກ. ນອກຈາກໄດ້ຮຽນທິດສະດີແລ້ວວິທະ ຍາກອນຍັງໄດ້ແນະນຳ,​ ນຳພາລົງປະຕິບັດຕົວຈິງ ເພື່ອເຮັດໃຫ້ສຳມະນາກອນເຂົ້າໃຈໃນບົດ ຮຽນທີ່ຮຽນມາຫລາຍຂຶ້ນ. ຊຸດຝຶກອົບຮົມຄັ້ງນີ້, ຍັງເປັນການສ້າງນັກຂ່າວ, ນັກສື່ມວນຊົນໃນແຕ່ລະກົມຂອງສູນກາງແນວລາວສ້າງຊາດ ເພື່ອເປັນຄູ່ຮ່ວມງານໃຫ້ກົມໂຄສະນາ-ອົມຮົມ ໃນການເຜີຍແຜ່, ການເຄື່ອນໄຫວ, ຜົນງານຕ່າງໆຂອງການນຳ ຂອງຄະນະກຳມະການສູນກາງແນວລາວສ້າງຊາດຕື່ມອີກ.

ໂອກາດນີ້, ທ່ານ ແກ້ວຈະເລີນ ເຊ່ຍຍິ້ງຢ່າງ ເປັນກຽດໂອ້ລົມຕໍ່ກອງປະຊຸມ ເຊິ່ງທ່ານໄດ້ຍົກໃຫ້ເຫັນຄວາມໝາຍຄວາມສຳຄັນຂອງວຽກງານສື່ມວນຊົນ ທີ່ເປັນວຽກງານໜຶ່ງທີ່ມີຄວາມສຳຄັນ, ເປັນກະບອກສຽງໃຫ້ແກ່ພັກ-ລັດ, ຂອງບັນດາອົງການຈັດຕັ້ງ, ກະຊວງ, ທະບວງກົມຕ່າງໆ ໄດ້ສົ່ງຂໍ້ມູນຂ່າວສານອັນສຳຄັນ ແລະ ຈຳເປັນອອກສູ່ສັງຄົມໄດ້ຮັບຮູ້. ນອກຈາກນີ້, ທ່ານຍັງໄດ້ຮຽກຮ້ອງໃຫ້ຜູ້ເຂົ້າຮ່ວມນຳເອົາບົດຮຽນທີ່ໄດ້ຮັບໄປໝູນໃຊ້ເຂົ້າໃນວຽກງານຕົວຈິ່ງ ໃຫ້ເກີດດອກອອກຜົນ, ເອົາ ໃຈໃສ່ໃນການຝຶກຝົນຕົນເອງໃຫ້ມີຄວາມຊຳນານ ເພື່ອເຮັດໃຫ້ວຽກງານສື່ມວນຊົນຂອງແນວລາວສ້າງຊາດ ມີຄຸນນະພາບສູງຂຶ້ນເລື່ອຍໆ.

info@lfnd.org.la | 021 213754 | (856-21) 453191