ສູນກາງແນວລາວສ້າງຊາດ

Lao Front For National Development

ສູນກາງແນວລາວສ້າງຊາດ ຕາງໜ້າອົງການຈັດຕັ້ງມະຫາຊົນ ປະກອບຄໍາເຫັນ ຕໍ່ກອງປະຊຸມສະໄໝສາມັນເທື່ອ 4 ຂອງສະພາແຫ່ງຊາດ ຊຸດທີ VIII

ໃນວາລະດໍາເນີນກອງປະຊຸມສະໄໝສາມັນເທື່ອ 4 ຂອງສະພາແຫ່ງຊາດ ຊຸດທີ VIII ພາຍໃຕ້ການເປັນປະທານຂອງ ທ່ານ ນ. ປານີ ຢ່າທໍ່ຕູ້ ໃນວັນທີ 27 ຕຸລານີ້ ທ່ານ ນ ຄໍາຈັນ ພົມແສງສະຫວັນ ຮອງປະທານສູນກາງແນວລາວສ້າງຊາດ ໄດ້ຕາງໜ້າສູນກາງແນວລາວສ້າງຊາດ ແລະ ອົງການຈັດຕັ້ງມະຫາຊົນຂຶ້ນສູນກາງ ປະກອບຄໍາເຫັນຕໍ່ກອງປະຊຸມ

ເຊິ່ງກ່ອນອື່ນ ທ່ານຮອງປະທານສູນກາງແນວລາວສ້າງຊາດໄດ້ໃຫ້ຮູ້ວ່າ: ສູນກາງແນວລາວສ້າງຊາດ ແລະ ບັນດາອົງການຈັດ ຕັ້ງມະຫາຊົນຂັ້ນສູງກາງ ແມ່ນເຮັດໜ້າທີ່ເປັນຕົວແທນແຫ່ງສິດຜົນປະໂຫຍດອັນຊອບທໍາຂອງປະຊາຊົນ, ມີພາລະບົດບາດ ໃນການສຶກສາອົບຮົມ, ເຕົ້າໂຮມຄວາມສາມັກຄີປອງດອງປະຊາຊົນລາວບັນດາເຜົ່າ-ຊັ້ນຄົນ, ສາສະໜາ, ເພດ-ໄວ, ປຸລະດົມ ກໍາລັງແຮງຂອງມະຫາຊົນເຂົ້າຮ່ວມປະຕິບັດແນວທາງ, ນະໂຍບາຍຂອງພັກ, ກົດໝາຍຂອງລັດ, ແຜນພັດທະນາເສດຖະ ກິດ-ສັງຄົມແຫ່ງຊາດ ທັງມີບົດບາດໜ້າທີ່ ຕິດຕາມ-ກວດກາການເຄື່ອນໄຫວຂອງສະພາແຫ່ງຊາດ, ສະມາຊິກສະພາແຫ່ງ ຊາດ ຕາມທີ່ໄດ້ລະບຸໄວ້ໃນມາດຕາ 25, ມາດຕາ 90 ຂອງກົດໝາຍວ່າດ້ວຍສະພາແຫ່ງຊາດ ແລະ ມາດຕາ 9 ຂອງກົດ ໝາຍວ່າດ້ວຍແນວລາວສ້າງຊາດ ໂດຍປະຕິບັດຕາມພາລະບົດບາດ-ໜ້າທີ່ ທີ່ກ່າວມານັ້ນ, ສູນກາງແນວລາວສ້າງຊາດ ແລະ ອົງການຈັດຕັ້ງມະຫາຊົນຂັ້ນສູນກາງໄດ້ເອົາໃຈໃສ່ ແລະ ຖືສຳຄັນຕໍ່ການຕິດຕາມ-ກວດກາ ການປະຕິບັດໜ້າທີ່ຂອງສະມາຊິກ ສະພາແຫ່ງຊາດ, ສະມາຊິກສະພາປະຊາຊົນຂັ້ນແຂວງ ໂດຍຜ່ານປະຊາຊົນຜູ້ມີສິດເລືອກຕັ້ງ, ຮັບຟັງຄຳຄິດຄຳເຫັນ, ຄຳສະ ເໜີ, ຄວາມຂັດຂ້ອງໝອງໃຈຂອງປະຊາຊົນບັນດາເຜົ່າຢູ່ທ້ອງຖີ່ນຕ່າງໆ ເຊິ່ງອີງໃສ່ຜົນການຕິດຕາມ-ກວດກາ ໃນປີ 2017 ສູນກາງແນວລາວສ້າງຊາດ ແລະ ອົງການຈັດຕັ້ງມະຫາຊົນໄດ້ສັງລວມຄວາມຄິດເຫັນ, ຄໍາສະເໜີຂອງປະຊາຊົນບັນດາເຜົ່າຕໍ່ ສະພາແຫ່ງຊາດ ແລະ ສະພາປະຊາຊົນຂັ້ນແຂວງ; ຂໍ້ສະເໜີຕໍ່ອົງການບໍລິຫານ ໃນຂົງເຂດວັດທະນະທໍາ-ສັງຄົມ, ຂົງເຂດປ້ອງ ກັນຊາດ-ປ້ອງກັນຄວາມສະຫງົບ, ຂົງເຂດເສດຖະກິດ ແລະ ຂົງເຂດສິ່ງແວດລ້ອມດັ່ງນີ້:

1. ຂໍໃຫ້ສະພາແຫ່ງຊາດ ສືບຕໍ່ຊຸກຍູ້ລັດຖະບານ (ຂະແໜງການ-ທ້ອງຖີ່ນ) ເພື່ອສືບຕໍ່ພິຈາລະນາແກ້ໄຂຕໍ່ຄຳສະເໜີ
ຂອງປະຊາຊົນ, ອົງການຈັດຕັ້ງມະຫາຊົນ ທີ່ໄດ້ສະເໜີຕໍ່ກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດ ຊຸດທີ VIII ໃນເດືອນ 11/2016. ທີ່ຍັງບໍ່ທັນໄດ້ຮັບການພິຈາລະນາ, ປະຊາຊົນຍັງມີຄວາມລໍຄອຍຄຳຕອບຢູ່ ເປັນຕົ້ນ: ການປະຕິບັດນະໂຍບາຍຊົດເຊີຍຕໍ່ປະຊາຊົນ ທີ່ໄດ້ຮັບຜົນກະທົບຈາກໂຄງການພັດທະນາຕ່າງໆ ໃຫ້ຮີບຮ້ອນແກ້ໄຂໃຫ້ໄວ;

1. ສະເໜີສະພາແຫ່ງຊາດ, ສະພາປະຊາຊົນຂັ້ນແຂວງ ໃນການຊຸກຍູ້ຕິດຕາມ-ກວດກາຕໍ່ອົງການປົກຄອງທຸກຂັ້ນໃຫ້ເພີ່ມຄວາມເປັນເຈົ້າການປະຕິບັດໜ້າທີ່ ທີ່ກໍານົດໄວ້ໃນລັດຖະທຳມະນູນ ແລະ ກົດໝາຍຢ່າງຄົບຖ້ວນ ແລະ ມີປະສິດທິຜົນ ເພື່ອເຮັດໃຫ້ອົງການປົກຄອງແຕ່ລະຂັ້ນມີຄວາມເຂັ້ມແຂງ, ສາມາດຄຸ້ມຄອງລັດຕາມກົດໝາຍ ແລະ ລະບຽບຢ່າງເຂັ້ມງວດ ເຮັດໃຫ້ມະຕິຂອງພັກ ໃນການສ້າງລັດປະຊາທິປະໄຕປະຊາຊົນ ທີ່ປົກຄອງດ້ວຍກົດໝາຍໄດ້ປາກົດຜົນເປັນຈິງ;
2. ສະເໜີສະພາແຫ່ງຊາດ, ສະພາປະຊາຊົນຂັ້ນແຂວງ ໃນການຊຸກຍູ້ຕິດຕາມ-ກວດກາຕໍ່ອົງການປົກຄອງທຸກຂັ້ນໃຫ້ເພີ່ມຄວາມເປັນເຈົ້າການປະຕິບັດໜ້າທີ່ ທີ່ກໍານົດໄວ້ໃນລັດຖະທຳມະນູນ ແລະ ກົດໝາຍຢ່າງຄົບຖ້ວນ ແລະ ມີປະສິດທິຜົນ ເພື່ອເຮັດໃຫ້ອົງການປົກຄອງແຕ່ລະຂັ້ນມີຄວາມເຂັ້ມແຂງ, ສາມາດຄຸ້ມຄອງລັດຕາມກົດໝາຍ ແລະ ລະບຽບຢ່າງເຂັ້ມງວດ ເຮັດໃຫ້ມະຕິຂອງພັກ ໃນການສ້າງລັດປະຊາທິປະໄຕປະຊາຊົນ ທີ່ປົກຄອງດ້ວຍກົດໝາຍໄດ້ປາກົດຜົນເປັນຈິງ;

3. ສະເໜີໃຫ້ສະພາແຫ່ງຊາດ, ສະມາຊິກສະພາແຫ່ງຊາດ ເພີ່ມທະວີຄວາມຮັບຜິດຊອບ ທັງມີມາດຕະການແກ້ໄຂ ຜົນການຕິດຕາມກວດກາຕື່ມ ຜ່ານມາວຽກນີ້ຍັງມີຄວາມຊັກຊ້າແກ່ຍາວ ຂໍໃຫ້ມີກົນໄກປະສານງານຕໍ່ການຮັບ, ການແກ້ໄຂຄຳຮ້ອງ, ຄໍາສະເໜີ ຂໍຄວາມເປັນທໍາຂອງປະຊາຊົນ ເພື່ອເຮັດໃຫ້ການພິຈາລະນາແກ້ໄຂມີຄວາມເອກະພາບກັນ;
4. ສະເໜີຕໍ່ຄະນະສະມາຊິກສະພາແຫ່ງຊາດ ເພດຍິງຂໍໃຫ້ມີກົນໄກປະສານງານກັບສະຫະພັນແມ່ຍິງລາວ ໂດຍສະເພາະແມ່ນພາກສ່ວນທີ່ເຮັດໜ້າທີ່ປົກປ້ອງສິດ ແລະ ຜົນປະໂຫຍດຂອງແມ່ຍິງ ແລະ ເດັກນ້ອຍ;
5. ສະເໜີຄະນະປະຈຳສະພາແຫ່ງຊາດ ຕີຄວາມໝາຍ ທັງມີຄຳແນະນຳເຜີຍແຜ່ກ່ຽວກັບ ມາດຕາ 9 ແລະ ມາດຕາ 43 ຂອງລັດຖະທໍາມະນູນ ທີ່ໄດ້ລະບຸເຖິງການເຄົາລົບ ແລະ ປົກປ້ອງການເຄື່ອນໄຫວ ອັນຖືກກົດໝາຍຂອງພຸດທະສາສະນິກະຊົນ, ສາສະນິກະຊົນ ແລະ ສິດເສລີພາບໃນການເຊື່ອຖື ຫຼື ບໍ່ເຊື່ອຖື ຂອງພົນລະເມືອງ;
6. ສະເໜີໃຫ້ສະມາຊິກສະພາແຫ່ງຊາດ, ສະພາປະຊາຊົນຂັ້ນແຂວງ ລົງພົບປະໂອ້ລົມກຳມະກອນຜູ້ອອກ ແຮງງານຢູ່ໂຮງຈັກໂຮງງານຕ່າງໆ ໃນແຕ່ລະແຂວງ-ນະຄອນຫຼວງວຽງຈັນ ໃຫ້ຫຼາຍກ່ວາເກົ່າ;
7. ສະເໜີໃຫ້ອົງການບໍລິຫານ ໃນຂົງເຂດວັດທະນະທໍາກ່ຽວກັບການແກ້ໄຂປະກົດການຫຍໍ້ທໍ້ໃນສັງຄົມ ເປັນຕົ້ນ: ການຄຸ້ມຄອງຕໍ່ຮ້ານບັນເທິງ, ຮ້ານເກມ ທີ່ເກີດຂື້ນຢູ່ຕາມບ້ານ ໄດ້ເປີດບໍລິການທັງກາງເວັນ ແລະ ກາງຄືນ, ຄົນຂໍທານ ແລະ ອື່ນໆ;
8. ສະເໜີໃຫ້ພາກສ່ວນກ່ຽວຂ້ອງ ກວດກາ ແລະ ເຂັ້ມງວດຕື່ມ ຕໍ່ການຂຽນປ້າຍຊື່ຮ້ານ-ສະຖານທີ່ຕ່າງໆ ໃນນະຄອນຫຼວງ ກໍ່ຄືແຂວງຕ່າງໆ;
9. ສະເໜີພາກສ່ວນກ່ຽວຂ້ອງມີການຄຸ້ມຄອງເຂັ້ມງວດຕື່ມ ຕໍ່ການເຄື່ອນຍ້າຍແຮງງານຈາກຕົວເມືອງນອກມາຢູ່ໃນຕົວເມືອງໃຫຍ່; ຈາກຕົວເມືອງໃຫຍ່ໄປຕ່າງປະເທດ ແລະ ບັນຫາແຮງງານຕ່າງປະເທດເຂົ້າມາທຳມາຫາກິນຢູ່ ສປປ ລາວ ດ້ວຍການຄຸ້ມຄອງໃຫ້ເປັນລະບົບ ແລະ ເພີ່ມທະວີການປະຕິບັດລະບຽບ, ກົດໝາຍໃນການຄຸ້ມຄອງແຮງງານຊາວຕ່າງດ້າວ ທີ່ມາອາໄສຢູ່ ສປປ ລາວ;
10. ດ້ານການສຶກສາ ປະຊາຊົນຢູ່ບາງແຂວງສະເໜີວ່າ: ການເກັບຄ່າລົງທະບຽນຂອງໂຮງຮຽນຕ່າງໆ ຍັງເກັບແພງ, ເຮັດໃຫ້ຄອບຄົວທີ່ມີລູກຫຼາຍຄົນ, ທຸກຍາກ ບໍ່ສາມາດສົ່ງລູກເຂົ້າໂຮງຮຽນໄດ້ໝົດທຸກຄົນ;
– ສະພາບນັກຮຽນຕົກຫຼົ່ນກາງສົກຮຽນ ເປັນຕົ້ນ: ນັກຮຽນເພດຍິງຊົນເຜົ່າ. ຍ້ອນຄວາມທຸກຍາກ ແລະ ສະພາບການແຕ່ງງານກ່ອນໄວອາຍຸ (13 ປີ) ກໍ່ຍັງມີຫຼາຍ; ຄອບຄົວທີ່ບໍ່ມີອາຊີບໝັ້ນຄົງ, ຕ້ອງໄປອອກແຮງງານຢູ່ຕ່າງເມືອງ, ຕ່າງແຂວງ ແລະ ເອົາລູກໄປນຳ ເຮັດໃຫ້ເດັກເຫຼົ່ານັ້ນ ບໍ່ໄດ້ເຂົ້າໂຮງຮຽນຕາມເກນອາຍຸ;

– ສະເໜີໃຫ້ພິຈາລະນາ ຂະຫຍາຍສູນຝຶກອົບຮົມວິຊາຊີບ, ຝຶກສີມືແຮງງານຢູ່ບັນດາແຂວງ ທີ່ມີເງື່ອນໄຂຕື່ມ ເພື່ອຊ່ວຍປະຊາຊົນ, ຊາວໜຸ່ມ ຍິງ-ຊາຍ ທີ່ບໍ່ມີເງື່ອນໄຂຮຽນຕໍ່, ບໍ່ມີວິຊາຊີບ ໄດ້ມີໂອກາດຮຽນຮູ້ອາຊີບໃດໜື່ງ ເພື່ອມີເງື່ອນໄຂປະກອບອາຊີບ, ມີວຽກເຮັດງານທຳ, ມີລາຍຮັບໃຫ້ຕົນເອງ ແລະ ຄອບຄົວ;

11. ບັນຫາການຮັບບັນຈຸເອົາລັດຖະກອນຢູ່ແຕ່ລະຂັ້ນ ໃນແຕ່ລະປີ ຍັງມີຫາງສຽງຈົ່ມວ່າເຖິງຄວາມບໍ່ໂປ່ງໃສ ດ້ວຍຮູບການຕ່າງໆ ຂອງພະນັກງານ, ຂອງການຈັດຕັ້ງ ເຮັດໃຫ້ລູກຫຼານປະຊາຊົນຜູ້ທຸກຍາກ,ທີ່ໄດ້ຮຽນຈົບວິຊາສະເພາະຢ່າງຫຼວງຫຼາຍໃນແຕ່ລະປີ ຖ້າບໍ່ມີເງີນ, ບໍ່ມີເສັ້ນສາຍ ບໍ່ມີໂອກາດໄດ້ຮັບບັນຈຸເປັນລັດຖະກອນ;
12. ຂໍສະເໜີພາກສ່ວນທີ່ກ່ຽວຂ້ອງ ໃຫ້ເພີ່ມທະວີການຈັດຕັ້ງເຜີຍແຜ່ສຶກສາອົບຮົມລະບຽບ-ກົດໝາຍທີ່ກ່ຽວຂ້ອງ ທັງມີມາດຕະການເດັດຂາດ ເພື່ອແກ້ໄຂ. ບັນຫາອຸປະຕິເຫດບົນທ້ອງຖະໜົນ, ສະພາບຂີ່ລົດກວນເມືອງ,​ ຂີ້ລັກງັດແງະ ທີ່ນັບມື້ນັບເພີ່ມຂື້ນຫຼາຍ;
13. ສະເໜີພາກສ່ວນທີ່ກ່ຽວຂ້ອງ ຄົ້ນຄວ້າ, ແກ້ໄຂບັນຫາການໃຊ້ຄວາມຮຸ່ນແຮງຢູ່ໃນຄອບຄົວ, ການທຳຮ້າຍຮ່າງກາຍ, ຈິດໃຈ ທີ່ມີຜົນກະທົບຈາກຢາບ້າ,​ ຈາກການຫຼີ້ນກິນຟຸມເຟື່ອຍ, ສະພາບແມ່ຍິງລາວແຕ່ງງານກັບຄົນຕ່າງປະເທດ ທີ່ຖືກຕ້ອງ ແລະ ບໍ່ຖືກຕ້ອງ ຕາມລະບຽບການ ເຮັດໃຫ້ແມ່ຍິງເຫຼົ່ານັ້ນ ຈຳນວນໜື່ງ ຕົກເປັນເຫຍື່ອຂອງການຄ້າມະນຸດ;
14. ສະເໜີກະຊວງກ່ຽວຂ້ອງ ຄົ້ນຄ້ວາພິຈາລະນາ ການຄິດໄລ່ເງີນເດືອນຂອງນາຍທະຫານ ແລະ ນາຍຕຳຫຼວດ ຜູ້ທີ່ອອກພັກຜ່ອນບຳນານ ກ່ອນມີກົດໝາຍ ແລະ ຜູ້ທີ່ອອກບຳນານພາຍຫຼັງມີກົດໝາຍ ວ່າດ້ວຍນາຍ ແລະ ພົນທະຫານ ຂໍໃຫ້ປະຕິບັດເປັນເອກະພາບກັນ;
15. ການປະຕິບັດນະໂຍບາຍ ຄິດໄລ່ເງິນອຸດໜຸນເສຍອົງຄະຂອງພະນັກງານ, ນັກຮົບ ເຫັນວ່າຍັງບໍ່ທັນສອດຄ່ອງ, ສະເໜີໃຫ້ເອົາປະເພດເສຍອົງຄະເປັນຫຼັກ, ຜ່ານມາເອົາຊັ້ນເປັນຫຼັກ ເພື່ອມາຄິດໄລ່ເງິນເສຍອົງຄະ;
16. ໃຫ້ພິຈາລະນາແກ້ໄຂການປະຕິບັດນະໂຍບາຍອຸດໜູນເສຍຊີວິດ ໃນຂົງເຂດດັ່ງກ່າວນີ້ ໃຫ້ໄວຕື່ມ ຜ່ານມາຍັງແກ່ຍາວຫຼາຍປີ.
17. ສະເໜີກະຊວງ-ອົງການ ທຸກພາກສ່ວນກ່ຽວຂ້ອງຂໍໃຫ້ມີການຕິດຕາມ-ກວດກາ ຄຸ້ມຄອງການນຳເຂົ້າ, ຄຸ້ມຄອງລາຄາສິນຄ້າຢ່າງປົກກະຕິ ບໍ່ແມ່ນລົງເລິກແຕ່ບາງໄລຍະ-ຂໍໃຫ້ເອົາໃຈໃສ່ຕື່ມ ຕໍ່ການຄຸ້ມຄອງກວດກາ ຄຸນນະພາບສິນຄ້າທີ່ໄປຈຳໜ່າຍຢູ່ທ້ອງຕະຫຼາດ, ຢູ່ທ້ອງຖີ່ນເຂດຫ່າງໄກ ເພື່ອປົກປ້ອງ ແລະ ຊ່ວຍເຫຼືອປະຊາຊົນທີ່ບໍ່ຮູ້ເທົ່າເຖິງການ ຈະໄດ້ຮັບຜົນກະທົບຕໍ່ສຸຂະພາບ;
18. ສະເໜີຕໍ່ ກະຊວງ-ອົງການກ່ຽວຂ້ອງ ກ່ຽວກັບມາດຕະການຄວມຄຸມການນຳໃຊ້ ສານໄຍຫີນ ເຂົ້າໃນການຜະລິດກະເບື້ອງ, ເພດານ, ກາໂລ ໃຫ້ເຂັ້ມງວດ ແລະ ກ້າວໄປເຖິງຢຸດຕິການນຳເຂົ້າ ເພາະເປັນອັນຕະລາຍຕໍ່ສຸຂະພາບ ຂອງກຳມະກອນ ແລະ ປະຊາຊົນ ທີ່ຢູ່ໃກ້ຄຽງ;
19. ບັນຫາທີ່ດິນ ສະເໜີກະຊວງ ແລະ ອົງການປົກຄອງທ້ອງຖີ່ນທີ່ກ່ຽວຂ້ອງເພື່ອລົງເລິກເກັບກຳຂໍ້ມູນ, ພິຈາລະນາແກ້ໄຂ ຕໍ່ສະພາບຫາງສຽງຂອງພະນັກງານ, ປະຊາຊົນກ່ຽວກັບບັນຫາການຄຸ້ມຄອງ-ນຳໃຊ້ດິນໃນເຂດຕ່າງໆ;
20. ແນວລາວສ້າງຊາດ, ສະຫະພັນນັກຮົບເກົ່າແຫ່ງຊາດ ແລະ ອົງການຈັດຕັ້ງມະຫາຊົນ ຂໍສະເໜີຕໍ່ສະພາແຫ່ງຊາດ, ລັດຖະບານ, ອົງການປົກຄອງທຸກຂັ້ນ ເພື່ອຄົ້ນຄ້ວາພິຈາລະນາ ຕໍ່ການຈັດສັນງົບປະມານ, ການປະກອບພາຫະນະອຸປະກອນຮັບໃຊ້ ໃຫ້ອົງການຕ່າງໆທີ່ກ່າວມາ ໂດຍສະເພາະຢູ່ຂັ້ນແຂວງ, ຂັ້ນເມືອງ, ຂັ້ນບ້ານ ເພື່ອສ້າງເງື່ອນໄຂໃຫ້ເຂົາເຈົ້າໄດ້ປະຕິບັດພາລະບົດບາດ-ໜ້າທີ່ຂອງແຕ່ລະອົງການ ໃຫ້ມີຄວາມສະດວກ, ບໍ່ຫຼຸດໂຕນກັບຂະແໜ່ງການຕ່າງໆ. ດ້ານໜື່ງກໍ່ເປັນການຍົກບົດບາດ ໃຫ້ແກ່ອົງການມະຫາຊົນຕໍ່ສັງຄົມ;
21. ການແກ້ໄຂບັນຫາການນໍາລົດເຂົ້າທີ່ບໍ່ຖືກຕ້ອງນັ້ນ ຍັງບໍ່ທັນເອກະພາບ ທາງດ້ານລະບຽບການ, ບໍ່ທັນກຳນົດລະອຽດ ເລີ່ມແຕ່ການປະກອບເອກະສານ ຕ້ອງມີເອກະສານຫຍັງແດ່ ? ປະຕິບັດຂັ້ນຕອນແນວໃດ ? ການແກ້ໄຂ ຂອງແຕ່ລະແຂວງ ບໍ່ຄືກັນ ແລະ ກົນໄກການເສຍພາສີອາກອນ, ການຈ່າຍຄ່າປັບໃໝ ຢາກໃຫ້ເວົ້າແຈ້ງ ແລະ ເປັນເອກະພາບໃນທົ່ວປະເທດ, ຂໍໃຫ້ກະຊວງກ່ຽວຂ້ອງກວດຄືນ;
22. ສະເໜີຂະແໜງການກ່ຽວຂ້ອງມີການກວດກາ, ເຂັ້ມງວດຕື່ມ ຕໍ່ການສ້າງເສັ້ນທາງໃໝ່ ໃນນະຄອນຫຼວງວຽງຈັນ, ການອະນຸຍາດໃຫ້ຖົມດິນ ໃນການກໍ່ສ້າງໂຄງການຕ່າງໆ ບໍ່ໃຫ້ຕັນແລວນ້ຳ, ບ່ອນລະບາຍນ້ຳ ຝົນຕົກແຕ່ລະຄັ້ງ ເກີດມີບັນຫານ້ຳຖ້ວມ, ນ້ຳຂັງ ເຮືອນປະຊາຊົນ, ບາງເສັ້ນທາງນ້ຳບໍ່ໄຫຼ, ບາງເສັ້ນທາງສ້າງແລ້ວເຄີ່ງໜື່ງກໍ່ປະ ເຮັດໃຫ້ດິນຖົມທໍ່ນ້ຳ ເກີດນ້ຳຖ້ວມ; ສ້າງຄວາມຫຍຸ້ງຍາກ-ລຳບາກໃຫ້ແກ່ການໄປ-ມາ, ເວລານ້ຳແຫ້ງກໍ່ເກີດເປັນຂີ້ຝຸ່ນ ເປື້ອນເປີ;
23. ການຕິດຕາມ-ກວດກາບັນດາໂຄງການລົງທຶນ ໂຄງການຂຸດຄົ້ນຄຳ, ໂຄງການກໍ່ສ້າງເຂື່ອນໄຟຟ້ານ້ຳຕົກ ມີບາງໂຄງການສົ່ງຜົນສະທ້ອນຕໍ່ການດຳລົງຊີວິດຂອງປະຊາຊົນ ຂອບເຂດການຂຸດຄົ້ນ ມີຂີ້ຝຸ່ນຫຼາຍ, ມີກີ່ນ ລວມໄປເຖິງສະພາບຄ່າຊົດເຊີຍ ແລະ ບ່ອນທຳມາຫາກິນ….
24. ປະຊາຊົນບ້ານ ນໍ້າຍວນ ເມືອງ ອານຸວົງ ແຂວງ ໄຊສົມບູນ ຫ່າງຈາກເທດສະບານແຂວງ 28 ກິໂລແມັດ, ມີ 336 ຫຼັງຄາເຮືອນ, ມີ 386 ຄອບຄົວ, ມີບ້ານເຮືອນຕັ້ງໃກ້ກັບໂຄງການຂຸດຄົ້ນບໍ່ຄຳ (ພູເບ້ຍມາຍນິງ) ທີ່ຕັ້ງເຮືອນເປັນເຂດພູສູງຊັນ, ປະຊາຊົນມີຄວາມກັງວົນຢ້ານມີບັນຫາຜົນກະທົບຈາກສານເຄມີ, ບັນຫາດິນຖະຫຼົ່ມ ແລະ ອື່ນໆ. ຂໍສະເໜີໃຫ້ລັດຖະບານ, ແຂວງ ມີການລົງສຳຫຼວດປະເມີນຄວາມສ່ຽງຂອງບ້ານ ທີ່ຈະໄດ້ຜົນກະທົບໂດຍກົງ ຫຼື ທາງອ້ອມ. ນັບແຕ່ປີ 2004 ທີ່ມີການຂຸດຄົ້ນແຮ່ຄໍາ ປະຊາຊົນກໍ່ໄດ້ຮັບຜົນສະທ້ອນຫຼາຍ;
– ພ້ອມກັນນີ້ກໍ່ຂໍໃຫ້ມີການຈັດສັນທີ່ຕັ້ງພູມລໍາເນົາ ແລະ ບ່ອນທໍາມາຫາກິນໃຫ້ປະຊາຊົນເຂດດັ່ງກ່າວ, ເພາະເນື້ອທີ່ດິນທຳການຜະລິດຂອງປະຊາຊົນ ທີ່ໄດ້ຮັບສິດນຳໃຊ້ຖືກຕ້ອງ ຍັງບໍ່ທັນໄດ້ຮັບການທົດແທນເທື່ອ;
25. ການປົກປັກຮັກສາສີ່ງແວດລ້ອມທໍາມະຊາດ ແລະ ສັງຄົມຢູ່ບໍລິເວນຕົວເມືອງ ແລະ ຊົນນະບົດ ເຫັນວ່າຍັງເປັນບັນຫາທີ່ຕ້ອງໄດ້ເອົາໃຈໃສ່ ແກ້ໄຂຢ່າງເຂັ້ມງວດ ເປັນຕົ້ນ: ການບົວລະບັດຮັກສາ ຫຍ້າຮົກເຮື້ອຕາມຄູກັ້ນທາງ,​ ການຖີ້ມຂີ້ເຫຍື້ອຊະຊາຍ ຕາມແຄມທາງຫຼວງ,
ສູນກາງແນວລາວສ້າງຊາດ ຕາງໜ້າໃຫ້ບັນດາອົງການຈັດຕັ້ງມະຫາຊົນ, ປະຊາຊົນບັນດາເຜົ່າ ຂໍຮຽນສະເໜີຕໍ່ສະພາແຫ່ງ ຊາດ, ສະພາປະຊາຊົນຂັ້ນແຂວງ, ອົງການບໍລິຫານທຸກຂັ້ນ ເພື່ອຄົ້ນຄ້ວາພິຈາລະນາແກ້ໄຂ, ໃຫ້ຄຳຊີ້ແຈງອະທິບາຍ, ມີຄຳ ຕອບຕາມແຕ່ລະກໍລະນີທີ່ເຫັນສົມຄວນ ເພື່ອສ້າງຄວາມຮັບຮູ້-ເຂົ້າໃຈໃຫ້ແກ່ປະຊາຊົນລາວບັນດາເຜົ່າໃນຂອບເຂດທົ່ວປະ ເທດ ແກ້ໄຂຄວາມຄອງຄອຍຂອງປະຊາຊົນ, ສ້າງຄວາມເຊື່ອໝັ້ນຂອງປະຊາຊົນຕໍ່ບົດບາດຂອງສະພາແຫ່ງຊາດ ກໍ່ຄືພັກ-ລັດ ພວກເຮົາ ສ້າງໃຫ້ສັງຄົມມີຄວາມສາມັກຄີປອງດອງຍຸຕິທໍາ ແລະ ສິວີໄລ.

info@lfnd.org.la | 021 213754 | (856-21) 453191