ສູນກາງແນວລາວສ້າງຊາດ

Lao Front For National Development

ສູນກາງແນວລາວສ້າງຊາດ ພ້ອມຈັດກອງປະຊຸມ ຜູ້ຊົງຄຸນວຸດທິບັນດາຊົນເຜົ່າທົ່ວປະເທດ ຄັ້ງທີ 3 ປີ 2018

ທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວສ້າງຊາດ ຫົວໜ້າອະນຸໂຄສະນາ-ຂະບວນການ ກະກຽມ ແລະ ດໍາເນີນກອງປະຊຸມພົບປະຜູ້ຊົງຄຸນວຸດທິບັນດາຊົນເຜົ່າ ທົ່ວປະເທດ ຄັ້ງທີ 3 ປີ 2018 ໄດ້ຖະແຫຼງຂ່າວກ່ຽວກັບຄວາມພ້ອມໃນການຈັດກອງປະຊຸມຄັ້ງນີ້ວ່າ: ກອງປະຊຸມພົບປະຜູ້ຊົງຄຸນວຸດທິບັນດາຊົນເຜົ່າ ທົ່ວປະ ເທດ ຄັ້ງທີ 3 ຈະຈັດຂຶ້ນໃນ ວັນທີ 13 ສິງ ຫາ 2018 ໃນທ່າມກາງບັນຍາກາດທີ່ທົ່ວພັກ, ທົ່ວກອງທັບ ແລະ ປວງຊົນລາວທັງຊາດ ພວມຈັດຕັ້ງຜັນຂະຫຍາຍ ມະຕິກອງປະ ຊຸມໃຫຍ່ ຄັ້ງທີ X ຂອງພັກ, ແຜນພັດທະນາເສດຖະກິດ-ສັງຄົມ 5 ປີຄັ້ງທີ VIII ໄລຍະສອງປີເຄິ່ວ ກໍຄືມະຕິກອງປະຊຸມໃຫຍ່ຜູ້ ແທນແນວລາວສ້າງຊາດ ສະໄໝທີ X ຢ່າງເປັນຂະບວນຝົດຟື້ນ ຊຶ່ງການດໍາເນີນກອງປະຊຸມພົບປະຜູ້ຊົງຄຸນວຸດທິບັນດາຊົນເຜົ່າ ທົ່ວປະເທດ ຄັ້ງທີ 3ນີ້ ຈະກົງກັບວັນສ້າງຕັ້ງແນວລາວສ້າງຊາດ ແລະ ວັນສ້າງຕັ້ງສື່ມວນຊົນ ຄົບຮອບ 68 ປີ ( 13 ສິງຫາ 1950-13 ສິງຫາ 2018).

ການດໍາເນີນກອງປະຊຸມພົບປະຜູ້ຊົງຄຸນວຸດທິບັນດາຊົນເຜົ່າ ທົ່ວປະເທດ ຄັ້ງທີ 3 ປີ 2018 ພາຍໃຕ້ຫົວຂໍ້ຄໍາຂວັນທີ່ມີຊື່ວ່າ “ເສີມຂະຫຍາຍບົດບາດຜູ້ຊົງຄຸນວຸດທິບັນດາຊົນເຜົ່າ ໃນການເຕົ້າໂຮມຄວາມສາມັກຄີປອງດອງປະ ຊາຊົນບັນດາ ເຜົ່າ ເຂົ້າຮ່ວມພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ” ນີ້ແມ່ນເຫດການໜຶ່ງທີ່ສໍາຄັນໃນຊິວິດການເມືອງຂອງພັກ ແລະ ຂອງແນວລາວສ້າງຊາດ, ເປັນການຢັ້ງຢືນເຖິງຜົນງານແຫ່ງການປົກປັກຮັກສາ ແລະ ສ້າງສາພັດທະນາປະ ເທດຊາດ ພາຍໃຕ້ການນໍາພາຂອງພັກ ປະຊາຊົນ ປະຕິວັດລາວ ໃນການນໍາພາປະຕິບັດພາລະກິດປ່ຽນແປງໃໝ່ ຢ່າງຮອບດ້ານ ແລະ ມີຫຼັກການຂອງພັກ, ແມ່ນການສືບຕໍ່ຜັນຂະຫຍາຍ ແລະ ຈັດຕັ້ງປະຕິບັດກອງປະຊຸມໃຫຍ່ ຄັ້ງທີ X ຂອງພັກໃຫ້ປະກົດຜົນເປັນຈິງ, ທັງເປັນການຍົກລະດັບຄວາມຮັບຜິດຊອບການເມືອງໃນການປະຕິບັດສິດເປັນເຈົ້າປະເທດ ແລະ ເສີມຂະ ຫຍາຍປະຊາທິປະໄຕຂອງປະຊາຊົນບັນດາເຜົ່າຢ່າງກວ້າງຂວາງຕື່ມ; ພ້ອມທັງຍົກໃຫ້ເຫັນບັນດາມູນເຊື້ອ, ຮີດຄອງປະເພນີອັນດີງາມຂອງຜູ້ຊົງຄຸນວຸດທິບັນດາຊົນເຜົ່າ, ການເຕົ້າໂຮມຄວາມສາມັກຄີເປັນປຶກແຜ່ນ ຂອບັນດາົນເຜົ່າ, ຄວາມເປັນເຈົ້າຕົນເອງ.

ນອກນັ້ນ ກອງປະຊຸມພົບປະຜູ້ຊົງຄຸນວຸດທິ ຍັງໄດ້ສ້າງໂອກາດສະດວກໃຫ້ຜູ້ຊົງຄຸນວຸດທິ ໄດ້ພົບປະແລກປ່ຽນຄໍາຄິດເຫັນ, ບົດຮຽນແບບແຜນດໍາລົງຊິວິດ, ຮີດຄອງປະເພນີ, ວັດທະນະທໍາຂອງບັນດາເຜົ່າ ແລະ ໃຫ້ເຫັນໄດ້ມູນຊື້ອຄວາມເຊີເຊູນໍ້າໃຈຮັກຊາດຂອງຄົນລາວ ທີ່ດໍາລົງຊິວິດຢູ່ຕ່າງປະເທດ ໃຫ້ຮັບຮູ້, ເຂົ້າໃຈຕໍ່ແນວທາງ, ນະໂຍບາຍຂອງພັກ-ລັດ, ການພັດທະນາເສດຖະກິດສັງຄົມແຕ່ລະໄລຍະ ເພື່ອພ້ອມກນອວ່າຍໜ້າກັບຄືນມາປົກປັກຮັກສາ ແລະ ສ້າງສາພັດທະນາປະເທດຊາດອັນແສນຮັກຂອງຕົນໃຫ້ມີຄວາມຈະເລີນກ້າວໜ້າຢ່າງບໍ່ຢຸດຢັ້ງ.

info@lfnd.org.la | 021 213754 | (856-21) 453191