ສູນກາງແນວລາວສ້າງຊາດ

Lao Front For National Development

ສູນກາງແນວລາວສ້າງຊາດ ມອບບັດສະມາຊິກພັກສົມບູນ ຊຸດທີ່ III

ຄະນະພັກ ສູນກາງແນວລາວສ້າງຊາດ ໄດ້ຈັດພິທີມອບບັດສະມາຊິກພັກສົມບູນ ຊຸດທີ III ຈຳນວນ 14 ສະຫາຍ ໃນວັນທີ 22 ກຸມພາ 2017 ໂດຍການເປັນປະທານຂອງທ່ານ ຄຳຫຼ້າ ລິ້ງນະສອນ ຄະນະພັກ, ຮອງປະທານຜູ້ຊີ້ນຳວຽກງານຈັດຕັ້ງ-ພະນັກງານ ສູນກາງແນວລາວ ສ້າງຊາດ ເຊິ່ງມີຄະນະພັກ, ສະມາຊິກພັກຂອງສູນກາງແນວລາວສ້າງຊາດເຂົ້າຮ່ວມ.

ທານ ກູ້ຊົງ ຮອງຫົວໜ້າກົມຈັດຕັ້ງ-ພະນັກງານ ສູນກາງແນວລາວສ້າງຊາດ ໄດ້ຂຶ້ນຜ່ານຂໍ້ຕົກລົງວ່າດ້ວຍການ ຮັບຮອງອອກບັດໃຫ້ສະມາຊິກພັກສົມບູນຕາມມະຕິຕົກລົງຂອງກົມການເມືອງສູນກາງພັກ ສະບັບເລກທີ 33/ກມສພ ແລະ ບົດແນະນຳຂອງຄະນະຈັດຕັ້ງສູນກາງພັກ ສະບັບເລກທີ 074/ຄຈສພ ໂດຍອີງຕາມຂໍ້ຕົກລົງຂອງຄະນະພັກ ສູນກາງ ແນວລາວສ້າງຊາດ ສະບັບເລກທີ 83/ຄພ ສນຊ, ລົງວັນທີ 14/11/2016 ດັ່ງນັ້ນ, ຄະນະພັກສູນກາງແນວລາວສ້າງຊາດ ຈຶ່ງຕົກລົງຮັບຮອງອອກບັດສະມາຊິກພັກສົມບູນ ຊຸດທີ III. ທ່ານ ຄໍາຫຼ້າ ລິ້ງນະສອນ ຕາງໜ້າຄະນະພັກ ໄດ້ໃຫ້ກຽດໂອ້ ລົມຕໍ່ພິທີວ່າ: ການມອບບັດສະມາຊິກພັກຄັ້ງນີ້ເພື່ອແນ່ໃສ່ເຮັດໃຫ້ພະນັກງານ-ສະມາຊິກພັກຮັບຮູ້ແຈ້ງ ແລະ ນຳໃຊ້ບັດ ສະມາຊິກພັກໃຫ້ຖືກຕ້ອງ ເປັນຕົ້ນ: ບັດສະມາຊິກພັກແມ່ນໃຊ້ເປັນເອກະສານຢັ້ງຢືນທີ່ໄດ້ເປັນສະມາຊິກພັກສົມບູນ, ໃຊ້ ແທນໃບຍົກຍ້າຍໃນເວລາໄປປະຕິບັດໜ້າທີ່ວຽກງານ ແລະ ຄົ້ນຄວ້າຮໍ່າຮຽນໄລຍະຍາວຢູ່ສະຖານທີ່ອື່ນ ພ້ອມທັງໃຊ້ເປັນ ບັດຍົກປະຊາມະຕິຮັບຮອງຢູ່ກອງປະຊຸມໃຫຍ່ຂອງພັກ ພ້ອມກັນນີ້, ທ່ານຍັງໄດ້ຮຽກຮ້ອງໃຫ້ສະມາຊິກພັກທຸກສະຫາຍ ໂດຍ ສະເພາະຜູ້ທີ່ໄດ້ຮັບບັດຄັ້ງນີ້ ຈົ່ງສືບຕໍ່ເຝິກຝົນຫຼໍ່ຫຼອມຕົນເອງໃຫ້ກາຍເປັນສະມາຊິກພັກຜູ້ດີເດັ່ນໃນການປະຕິບັດກົດລະ ບຽບຂອງພັກ ເພື່ອຮັບປະກັນໃຫ້ແກ່ການຊີ້ນຳ-ນຳພາວຽກງານທີ່ນອນ ຢູ່ໃນຂອບເຂດຄວາມຮັບຜິດຊອບຂອງຕົນໃຫ້ມີ ປະສິດທິຜົນດີ, ປະກອບສ່ວນເຂົ້າໃນການກໍ່ສ້າງພັກ ໃຫ້ມີຄວາມເຂັ້ມແຂງໜັກແໜ້ນທາງດ້ານຄຸນທາດການເມືອງ, ຄຸນ ສົມບັດສິນທຳປະຕິວັດ, ແບບແຜນນຳພາ ແລະ ແບບແຜນວິທີເຮັດວຽກດ້ວຍຄຸນະພາບອັນດີ.

info@lfnd.org.la | 021 213754 | (856-21) 453191