ສູນກາງແນວລາວສ້າງຊາດ

Lao Front For National Development

ສູນກາງແນວລາວສ້າງຊາດ ເຊື່ອມຊືມເອກະສານທີ່ສໍາຄັນ ກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກສະໄໝທີ XI

ສູນກາງແນວລາວສ້າງຊາດ ໄດ້ຈັດກອງປະຊຸມເຜີຍແຜ່ຜົນສໍາເລັດກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI ຂຶ້ນ ໃນວັນທີ 9 ຕຸລາ 2023 ນີ້ ທີ່ສູນກາງແນວລາວສ້າງຊາດ ໂດຍການເປັນປະທານ ຂອງສະຫາຍ ປອ. ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ, ເລຂາຄະນະພັກ, ປະທານສູນກາງແນວລາວສ້າງຊາດ, ສະຫາຍ ຄໍາໄຫຼ ສີປະເສີດ ຮອງເລຂາຄະນະພັກ, ຮອງປະທານ ສູນກາງແນວລາວສ້າງຊາດ, ມີບັນດາສະຫາຍຮອງປະທານປະຈໍາການ, ບໍ່ປະຈໍາການ, ອາດິດການນໍາຂັ້ນສູງ, ຫົວໜ້າຄະນະທີ່ປຶກສາ, ຄະນະປະຈໍາພັກ, ກໍາມະການຄະນະພັກ, ພະນັກງານປະຕິວັດອາວຸດໂສບໍານານ ແລະ ສະມາຊິກພັກ, ພະນັກງານ ສູນກາງແນວລາວສ້າງຊາດເຂົ້າຮ່ວມ.ຈຸດປະສົງຂອງກອງປະຊຸມຄັ້ງນີ້ ແມ່ແນໃສ່ເພື່ອເຮັດໃຫ້ຄະນະພັກທຸກຂັ້ນ ແລະ ສະມາຊິກພັກ, ພະນັກງານ-ລັດຖະກອນ ທົ່ວສູນກາງແນວລາວສ້າງຊາດ ໄດ້ເຊື່ອມຊຶມ, ຮັບຮູ້, ເຂົ້າໃຈກໍາແໜ້ນເນື້ອໃນມະຕິກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI ຢ່າງເລິກເຊິ່ງ ແລະ ທົ່ວເຖິງ ເປັນເຈົ້າການຍົກສູງຄວາມຮັບຜິດຊອບໜ້າທີ່ການເມືອງໃນການປະຕິບັດມະຕິດັ່ງກ່າວໃຫ້ປະກົດຜົນເປັນຈິງ ແລະ ເປັນບ່ອນອີງໃຫ້ແກ່ຄະນະພັກແຕ່ລະຂັ້ນໃນການຈັດຕັ້ງຜັນຂະຫຍາຍມະຕິດັ່ງກ່າວໃຫ້ເປັນແຜນງານ, ໂຄງການລະອຽດໂດຍຕິດພັນກັບວຽກງານຕົວຈິງຂອງຕົນເອງ.ຊຶ່ງເອກະສານທີ່ນຳມາເຜີຍແຜ່ໃນຄັ້ງນີ້ປະກອບມີ: ມະຕິກອງປະຊຸມຄົບຄະນະກາງສະໄໝ ຂອງຄະນະບໍລິຫານງານສູນກາງພັກ ສະໄໝທີ XI; ຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກໃນໄລຍະຜ່ານມາ; ບົດລາຍງານກ່ຽວກັບການສະຫຼຸບການຈັດຕັ້ງປະຕິບັດກາງສະໄໝ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ XI (2021-2025) ຕິດພັນກັບການຈັດຕັ້ງປະຕິບັດວາລະແຫ່ງຊາດ ແລະ ທິດທາງແຜນການທ້າຍສະໄໝຮອດປີ 2025; ມະຕິວ່າດ້ວຍການສືບຕໍ່ຍູ້ແຮງ ການຜັນຂະຫຍາຍແນວທາງປ່ຽນແປງໃໝ່ເຂົ້າສູ່ລວງເລິກ ສ້າງການຫັນປ່ຽນທີ່ແຂງແຮງ, ເລິກເຊິ່ງ ແລະ ຮອບດ້ານໃນການນຳພາຂອງພັກ; ແຜນດຳເນີນງານເພື່ອຜັນຂະຫຍາຍມະຕິ ວ່າດ້ວຍການຍູ້ແຮງ ການຜັນຂະຫຍາຍແນວທາງປ່ຽນແປງ ໃໝ່ເຂົ້າສູ່ລວງເລິກສ້າງການຫັນປ່ຽນຢ່າງແຂງແຮງ, ເລິກເຊິ່ງ ແລະ ຮອບດ້ານໃນວຽກງານຈຸດສຸມ.
ຂ່າວ-ພາບ: ແສງຫຼ້າ
ບກ. ສືເຊັ່ງ ຈື້ໄຊ
info@lfnd.org.la | 021 213754 | (856-21) 453191