ສູນກາງແນວລາວສ້າງຊາດ

Lao Front For National Development

ສູນກາງແນວລາວສ້າງຊາດ ໄດ້ສ້າງແຜນກໍານົດພະນັກງານ ນໍາພາ-ຄຸ້ມຄອງ

ໃນວັນທີ 12 ກັນຍາ 2018 ນີ້, ສູນກາງແນວລາວສ້າງຊາດ (ສນຊ) ໄດ້ຈັດກອງປະຊຸມສ້າງແຜນກໍານົດພະນັກງານນໍາພາ-ຄຸ້ມ ຄອງ ຂັ້ນສູນກາງຄຸ້ມຄອງ ຂອງ ສນຊ. ໂດຍການເປັນປະທານຂອງ ສະຫາຍ ຄໍາໃບ ດໍາລັດ ກໍາມະການສູນກາງພັກ, ຮອງປະທານ ສນຊ, ມີຄະນະພັກ ສນຊ, ມີຄະນະຮັບຜິດຊອບ ກໍານົດພະນັກງານນໍາພາ-ຄຸ້ມຄອງ ຈາກຄະນະຈັດຕັ້ງສູນກາງພັກ, ຄະນະພັກຮາກຖານ, ຄະນະໜ່ວຍພັກບັນດາກົມ, ຫ້ອງການ ແລະ ພ້ອມດ້ວຍສະມາຊິກພັກ-ພະນັກງານເຂົ້າຮ່ວມ.

ໃນກອງປະຊຸມດັ່ງກ່າວ ໄດ້ຮັບຟັງການຜ່ານມະຕິຂອງກົມການເມືອງສູນກາງພັກ ສະບັບເລກທີ 032/ກມສພ, ລົງວັນທີ 03/01/2018 ວ່າດ້ວຍວຽກງານການສ້າງແຜນ ກໍານົດພະນັກງານນໍາພາ-ຄຸ້ມຄອງ ແລະ ມະຕິຂອງກົມການເມືອງສູນກາງພັກ ສະບັບເລກທີ 030/ກມສພ, ລົງວັນທີ 03/01/2018 ວ່າດ້ວຍມາດຕະຖານຂອງພະນັກງານນໍາພາ-ຄຸ້ມຄອງ.

ການສ້າງແຜນກໍານົດພະນັກງານນໍາພາ-ຄຸ້ມຄອງ ແມ່ນວຽກງານທີ່ຈໍາເປັນ ແລະ ສໍາຄັນເພື່ອກະກຽມ ເປົ້າໝາຍບຸກຄະລາກອນ ໃນລັກສະນະເປີດກ້ວາງ ເພື່ອໃຫ້ ເລືອກເຟັ້ນເອົາພະນັກງານນໍາພາ-ຄຸ້ມຄອງຢ່າງອຸດົມສົມບູນ ອັນເປັນບ່ອນອິງພື້ນຖານສໍາຄັນໃຫ້ແກ່ການວາງແຜນການລະອຽດໃນການບໍາລຸງ, ກໍ່ສ້າງຖັນແຖວພະນັກງານສືບທອດ, ປ່ຽນແທນຕໍາແໜ່ງນໍາພາ-ຄຸ້ມຄອງຢູ່ແຕ່ລະຂັ້ນໃນຕໍ່ໜ້າ ແລະ ເພື່ອຕອບສະໜອງທາງດ້ານຈໍານວນ, ຄຸນນະພາບ ແລະ ການຫັນເປັນໜຸ່ມໃນໂຄງປະກອບ ທາງດ້ານບຸກຄະລາກອນ ຂອງ ສູນກາງແນວລາວສ້າງຊາດ ໃຫ້ຄົບຊຸດ ຕາມຄວາມຮຽກຮ້ອງຕ້ອງການ ໃນການພັດທະນາເສດຖະກິດ-ສັງຄົມ ແລະ ຄວາມຮຽນກຮ້ອງຂອງບັນດາຕໍາແໜ່ງງານນໍາພາ-ຄຸ້ມຄອງ,ຢູ່ແຕ່ລະຂັ້ນ ຂອງຂະແໜງການ ແນວລາວສ້າງຊາດ ແມ່ນແນໃສ່ຮັບປະກັນການຈັດຕັ້ງປະຕິບັດເທື່ອລະກ້າວ.

info@lfnd.org.la | 021 213754 | (856-21) 453191