ສູນກາງແນວລາວສ້າງຊາດ

Lao Front For National Development

ສ້າງຄວາມເຂັ້ມແຂງວຽກງານແຜນການ-ການລົງທຶນ ແລະ ການຄຸ້ມຄອງການເງິນ

ສູນກາງແນວລາວສ້າງຊາດ (ສນຊ) ໄດ້ຈັດກອງປະຊຸມຝຶກອົບຮົມສ້າງຄວາມເຂັ້ມແຂງວຽກາານແຜນການ-ການລົງທຶນ ແລະ ການຄຸ້ມຄອງການເງິນ ຂຶ້ນໂດຍການເປັນປະທານຂອງ ທ່ານ ຄຳຫຼ້າ ລິ້ງນະສອນ ຮອງປະທານ ສູນກາງແນວລາວສ້າງຊາດ, ມີບັນດາທ່ານວິທະຍາກອນຈາກກະຊວງການເງິນ, ກະຊວງແຜນການ ແລະ ການລົງທຶນ, ສຳມະນາກອນອ້ອມຂ້າງ ສນຊ, ແນວລາວສ້າງຊາດບັນດາແຂວງ-ນະຄອນຫຼວງ ເຂົ້າຮ່ວມ ໃນວັນທີ 29-30 ພະຈິກ 2017,

ເພື່ອຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງແນວລາວສ້າງຊາດ ກໍຄືການຈັດຕັ້ງປະຕິບັດວິໄສທັດຮອດປີ 2030, ແຜນຍຸດທະສາດການພັດທະນາອົງການແນວລາວສ້າງຊາດ ໄລຍະ 10 ປີ (2016-2025) ຕາມແຜນການລົງທຶນຂອງລັດໃຫ້ມີຜົນສໍາລັດ ແລະ ມີປະສິດທິຜົນໃນແຕ່ລະໄລຍະ ແລະ ເພື່ອຍົກສູງຄວາມຮູ້ໃຫ້ແກ່ພະນັກງານ-ລັດຖະກອນ ໃນຂົງເຂດແນວລາວສ້າງຊາດ ແຕ່ລະຂັ້ນ ກ່ຽວກັບວຽກງານແຜນການ-ການລົງທຶນຂອງລັດ, ການຕິດຕາມການລົງທຶນຂອງລັດ, ດຶງດູດແຫຼ່ງທຶນ ແລະ ກົດໝາຍວ່າດ້ວຍການລົງທຶນຂອງລັດ.

ກອງປະຊຸມຄັ້ງນີ້, ໄດ້ຮັບຟັງການຜ່ານດຳລັດວ່າດ້ວຍການປະມູນຈັດຊື້ສິນຄ້າ, ການກໍ່ສ້າງ, ການສ້ອມແປງ ແລະ ການບໍລິການດ້ວຍທຶນຂອງລັດ (ສະບັບປັບປຸງ), ຂໍ້ຕົກລົງຂອງລັດຖະມົນຕີ ວ່າດ້ວຍກຳນົດໝາຍການໃຊ້ງົບປະມານບໍລິຫານຂອງລັດ (ສະບັບປັບປຸງ), ບົດແນະນຳກ່ຽວກັບການປະກອບເອກະສານ, ການກວດກາ ແລະ ການເກັບສຳເນົາ ເອກະສານລາຍຈ່າຍງົບປະມານແຫ່ງລັດ, ຂໍ້ຕົກລົງວ່າດ້ວຍການຄຸ້ມຄອງລາຍຮັບ-ລາຍຈ່າຍ ຄັງແຮນ້ຳມັນເຊື້ອໄຟ, ລະບຽບການກຳນົດໃນການເຄື່ອນໄຫວວຽກງານຕ່າງປະເທດ, ມະຕິຂອງກອງປະຊຸມສະພາແຫ່ງຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກ່ຽວກັບການຮັບຮອງເອົາກົດໝາຍວ່າດ້ວຍການລົງທຶນຂອງລັດ (ສະບັບປັບປຸງ), ດໍາລັດແນະນໍາປະຕິບັດກົດໝາຍວ່າດ້ວຍການລົງທຶນຂອງລັດ. ພ້ອມກັນນີ້, ໄດ້ມີການສົນທະນາໃນການສ້າງແຜນການແບບມີສ່ວນຮ່ວມຂັ້ນບ້ານ ເຊັ່ນ: ຫຼັກການ, ຂະບວນການ, ຂັ້ນຕອນ ແລະ ວິທີດຳເນີນການວາງແຜນແບບມີສ່ວນຮ່ວມ ເພື່ອແລກປ່ຽນບົດຮຽນເຊິ່ງກັນ ແລະ ກັນ.

info@lfnd.org.la | 021 213754 | (856-21) 453191