ສູນກາງແນວລາວສ້າງຊາດ

Lao Front For National Development

ຫົວໜ້າກົມໂຄສະນາ ສນຊ ພ້ອມດ້ວຍຄະນະ ໄດ້ເຂົ້າ ຮ່ວມພິທີຖະແຫຼງຂ່າວ ການຈັດຕັ້ງກິດຈະກຳໂຄງ ການທຳມະຍາດຕຣາ 5 ແຜ່ນດິນລຸ່ມແມ່ນໍ້າຂອງ.

ຕອນບ່າຍ, ວັນທີ 27 ກັນຍາ 2019 ນີ້ ທ່ານ ແກ້ວຈະເລີນ ເຊ່ຍຢິ້ງຢ່າງ ຄະນະປະຈຳ ສນຊ, ຫົວໜ້າກົມໂຄສະນາ ສນຊ ພ້ອມດ້ວຍຄະນະ ໄດ້ເຂົ້າ ຮ່ວມພິທີຖະແຫຼງຂ່າວ ການຈັດຕັ້ງກິດຈະກຳໂຄງ ການທຳມະຍາດຕຣາ 5 ແຜ່ນດິນລຸ່ມແມ່ນໍ້າຂອງ.
ພິທີຖະແຫຼງຂ່າວດັ່ງກ່າວ ຈັດຂຶ້ນທີ່ຫ້ອງປະຊຸມຊັ້ນ 6 ບໍລິສັດໄທນະຄອນພັດທະນາ ຈຳກັດ ຈ.ນົນທະບູລີ ລາຊະອານາຈັກໄທ, ໂດຍມີຕົວແທນຄະນະຮັບຜິດຊອບງານຈາກລາຊະອານາຈັກໄທ, ສປປ ລາວ ແລະ ສະຫະພາບມຽນມາ ເຂົ້າຮ່ວມຖະແຫຼງຂ່າວຮ່ວມກັນ.
ກິດຈະກຳໂຄງການທຳມະຍາດຕຣາ 5 ແຜ່ນດິນລຸ່ມແມ່ນໍ້າຂອງ ປະກອບມີ ລາຊະອານາຈັກ ກຳປູເຈຍ, ສສ ຫວຽດນາມ, ສປປ ລາວ, ສ ມຽນມາ ແລະ ລາຊະອານາຈັກ ໄທ; ແຕ່ວັນທີ 14-31 ຕຸລາ 2019, ໂດຍເລີ່ມແຕ່ຈັງຫວັດຊຽງລາຍ ລາຊະອານາຈັກໄທ, ມຽນມາ, ຫວຽດນາມ, ລາວ ແລະ ປິດທີ່ລາຊະອານາຈັກ ກຳປູເຈຍ.

info@lfnd.org.la | 021 213754 | (856-21) 453191