ສູນກາງແນວລາວສ້າງຊາດ

Lao Front For National Development

ຫຼວງນໍ້າທາ ຈັດພິທີມອບຫຼຽນໄຊ, ຫຼຽນກາ ແລະ ໃບຍ້ອງຍໍໃຫ້ແກ່ພະນັກງານ-ລັດຖະກອນ

ວັນທີ 8 ມີຖຸນາ 2021 ນີ້, ຢູ່ສະໂມສອນແຂວງ ແນວລາວສ້າງຊາດແຂວງຫຼວງນໍ້າທາ ໄດ້ຈັດພິທີປະດັບຫຼຽນໄຊ, ຫຼຽນກາ ແລະ ໃບຍ້ອງຍໍໃຫ້ແກ່ຜູ້ທີ່ມີຜົນງານ, ຄຸນງາມຄວາມດີ ຕະຫຼອດໄລຍະ 10 ປີຜ່ານມາ ແລະ ຫຼຽນກາລະນຶກແນວລາວສ້າງຊາດ 70 ປີ ຂຶ້ນຢ່າງເປັນທາງການ ໂດຍເປັນປະທານຂອງທ່ານ ຄໍາໄຫຼ ສີປະເສີດ ກຳມະການສູນກາງພັກ, ເຈົ້າແຂວງຫຼວງນໍ້າທາ, ມີບັນດາການນຳແຂວງ, ພະນັກງານປະຕິວັດອາວຸໂສບຳນານ, ພະນັກງານ-ລັດຖະກອນ, ຜູ້ຊົງຄຸນວຸດທິ ແລະ ພຣະສົງ ເຂົ້າຮ່ວມ.

ໃນພິທີ, ທ່ານ ຄໍາໄຫຼ ສີປະເສີດ ໄດ້ສະແດງຄວາມຍ້ອງຍໍຊົມເຊີຍຕໍ່ພະນັກງານການນຳຂັ້ນຕ່າງໆ ຂອງແຂວງ ທີ່ໄດ້ປະກອບສ່ວນເຂົ້າໃນພາລະກິດປະຕິວັດຕະຫຼອດໄລຍະຜ່ານມາ. ພ້ອມກັນນັ້ນ ທ່ານ ເຈົ້າແຂວງຫຼວງນໍ້າທາ ໄດ້ໃຫ້ກຽດ ປະດັບຫຼຽນໄຊອິດສະຫຼະ ຊັ້ນ II; ຫຼຽນໄຊອິດສະຫຼະ ຊັ້ນ III; ຫຼຽນໄຊແຮງງານ ຊັ້ນ I; ຫຼຽນໄຊແຮງງານ ຊັ້ນ II; ຫຼຽນໄຊແຮງງານ ຊັ້ນ III; ຫຼຽນກາແຮງງານ; ຫຼຽນກາລະນຶກ 70 ປີ ຂອງແນວລາວສ້າງຊາດ ແລະ ມອບໃບຍ້ອງຍໍລັດຖະບານ ໃຫ້ແກ່ບຸກຄົນທີ່ມີຜົນງານດີເດັ່ນ ໃນການປະກອບສ່ວນເຂົ້າໃນວຽກງານແນວລາວສ້າງຊາດ ຂອງແຂວງ ຕະຫຼອດໄລຍະຜ່ານມາ.

info@lfnd.org.la | 021 213754 | (856-21) 453191