ສູນກາງແນວລາວສ້າງຊາດ

Lao Front For National Development

ຫຼາຍພາກສ່ວນ ສືບຕໍ່ອຸປະຖໍາ ສູນການແນວລາວສ້າງຊາດ ຕ້ອນຮັບ 67 ປີ

ເນື່ອງໃນໂອກາດ ສ້າງຂະບວນການຂ່ຳນັບຊົຍເຊີຍ ການສະເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 67 ປີ (13/08/1950-13/08/2017), ຫຼາຍພາກສ່ວນໄດ້ອຸປະຖໍາສູນກາງແນວລາວສ້າງຊາດ ເຂົ້າໃນຂະບວນການກິລາມິດຕະພາບ, ກິດຈະ ກຳຢ່າງເພື່ອສຸຂະພາບ ແລະ ຂະບວນການບໍລິຈາກເລືອດ.

ພິທີມອບ-ຮັບ ການອຸປະຖໍາ ໄດ້ຈັດຂຶ້ນທີ່ສູນກາງແນວລາວສ້າງຊາດ ປະກອບມີ: ທະນາຄານພົງສະຫວັນ ຈໍາກັດ ອຸປະຖໍາ ເງິນສົດຈໍານວນ 20.450.000 ກີບ ມອບໂດຍ ທ່ານ ໄຊນາວິນ ເດຊາກໍາພູ, ຮອງອໍານວຍການໃຫຍ່ທະນາຄານພົງສະຫວັນ ຈໍາກັດ ກ່າວຮັບ ໂດຍທ່ານ ຄະນອງລິດ ສີສົມບູນ ຄະນະປະຈໍາ, ຫົວໜ້າກົມສາສະໜາ; ກຸ່ມບໍລິສັດ ພົງສະຫວັນ ຈໍາກັດ ອຸປະ ຖໍາເງິນສົດ ຈໍານວນ 5,000,000 ກີບ; ສູນລວມຄຣິສຕະຈັກຂ່າວປະເສີດ ສປປ ລາວ ອຸປະຖໍາ ເສື້ອ 100 ຜືນ, ລວມມູນ ຄ່າ 3.200.000 ກີບ ແລະ ໂບດກາໂທລິກວຽງຈັນ ປະກອບສ່ວນເສື້ອ 100 ຜືນ ລວມມູນຄ່າ 3.200.000 ກີບ ກ່າວຮັບ ໂດຍທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວສ້າງຊາດ, ໂດຍມີພະນັກງານທີ່ກ່ຽວຂ້ອງທັງສອງ ຝ່າຍເຂົ້າຮ່ວມ; ການອຸປະຖໍາ ລະຫວ່າງ ວັນທີ 7-8 ສິງຫາ 2017 ນີ້, ລວມເປັນເງິນທັງໝົດ 31.850.000 ກີບ.

ທ່ານ ຈັນທະວົງ ແສນອາມາດມົນຕີ ໄດ້ຕາງໜ້າຄະນະພັກ-ຄະນະນໍາ ສູນກາງແນວລາວສ້າງຊາດ ໄດ້ສະແດງຄວາມຂອບໃຈ ເປັນຢ່າງຍິ່ງ ຕໍ່ກັບບັນດາທ່ານທີ່ມີນໍ້າໃຈເອື້ອເຝຶ້ອເພືອແຜ່ ໃຫ້ການປະກອບສ່ວນສະໜັບສະໜູນກິດຈະກໍາ-ກິລາບານເຕະ ມິດຕະພາບ, ຂະບວນການຍ່າງເພື່ອສຸຂະພາບ ແລະ ຂະບວນການບໍລິຈາກເລືອດ ເຊິ່ງແມ່ນສູນກາງແນວລາວສ້າງຊາດ ເປັນ ເຈົ້າການຈັດບັນດາກິດຈະກໍາຕ່າງໆດັ່ງກ່າວ ເພື່ອເຮັດໃຫ້ວັນສ້າງຕັ້ງແນວລາວສ້າງຊາດ ຄົບຮອບ 67 ປີ ກາຍເປັນວັນສາມັກ ຄີປອງດອງທົ່ວປວງຊົນ.

info@lfnd.org.la | 021 213754 | (856-21) 453191