ສູນກາງແນວລາວສ້າງຊາດ

Lao Front For National Development

ອພສ ແຂວງເຊກອງ ມອບເຄື່ອງຊ່ວຍເຫຼືອຄະນະສະເພາະກິດປ້ອງກັນໂຄວິດ-19

ອົງການພຸດທະສາສະໜາສັມພັນລາວ(ອພສ) ແຂວງເຊກອງ ໄດ້ມອບເຄື່ອງຊ່ວຍເຫຼືອ ໃຫ້ແກ່ຄະນະສະເພາະກິດປ້ອງກັນ, ຄວບຄຸມ ແລະ ຕ້ານສະກັດກັ້ນການແຜ່ລະບາດພະຍາດໂຄວິດ-19 ແຂວງເຊກອງ ເຊິ່ງປະກອບມີ: ຕຽງນອນ 9 ຫຼັງ, ເປນອນ 40 ຫຼັງ, ເສື່ອ 74 ຜືນ, ສາດ 48 ຜືນ, ຜ້າຫົ່ມ 29 ຜືນ, ໝອນ 50 ໜ່ວຍ, ມຸ້ງ 20 ດາງ, ນໍ້າດື່ມ 11 ແຟັກ ແລະ ເງິນສົດຈຳນວນໜຶ່ງລວມມູນຄ່າທັງໝົດ 17.525.000 ກີບ.

ພິທີມອບ-ຮັບຈັດຂຶ້ນໃນວັນທີ 27 ເມສາ 2021 ຢູ່ທີ່ໂຮງໝໍແຂວງເຊກອງ; ຕ່າງໜ້າມອບໂດຍ ພຣະປຣີຊາຈິຣັດຖິຕິຄຸນ (ບຸນຍືນ ບັ້ງທອງ) ຮອງປະທານ ອພສ ແຂວງເຊກອງ ພ້ອມດ້ວຍຄະນະບໍລິຫານງານ ອພສ ແຂວງ ແລະເປັນກຽດກ່າວຮັບໂດຍ ທ່ານ ດຣ ນາງ ລໍາພັນ ໄຊຄໍາມີ ຫົວໜ້າກອງເລຂາສະເພາະກິດປ້ອງກັນ, ຄວບຄຸມ ແລະ ຕ້ານສະກັດກັ້ນການແຜ່ລະບາດພະຍາດໂຄວິດ-19 ຂັ້ນແຂວງ, ຮອງຫົວໜ້າພະແນກສາທາລະນະສຸກແຂວງເຊກອງ, ທ່ານ ວິໄຊ ຈິດຕະວົງ ຮອງປະທານແນວລາວສ້າງຊາດແຂວງເຊກອງ ພ້ອມດ້ວຍຄະນະສະເພາະກິດຂັ້ນແຂວງເຂົ້າຮ່ວມ.

info@lfnd.org.la | 021 213754 | (856-21) 453191