ສູນກາງແນວລາວສ້າງຊາດ

Lao Front For National Development

ອວຍພອນ ທ່ານ ປະທານ ສະພາແຫ່ງຊາດ ໃນໂອກາດ ວັນລັດຖະທໍາມະນູນແຫ່ງຊາດ

ເນື່ອງໃນໂອກາດ ວັນສ້າງຕັ້ງລັດຖະທໍາມະນູນ 15 ສິງຫາ 1991 ຄົບຮອບ 27 ປີ ທ່ານ ຄໍາໃບ ດໍາລັດ ກໍາມະການສູນກາງພັກ, ຮອງປະທານ ສນຊ ພ້ອມດ້ວຍຄະນະ ໄດ້ໄປອວຍພອນ ທ່ານ ນ ປານີ ຢ່າທໍ່ຕູ້ ປະທານ ສະພາແຫ່ງຊາດ ໃນລະຫວ່າງ ວັນທີ 15 ສິງຫາ 2018 ນີ້, ທີ່ ສະພາແຫ່ງຊາດ.

ໃນໂອກາດນີ້, ທ່ານ ຄໍາໃບ ດໍາລັດ ຕາງໜ້າ ໃຫ້ຄະນະນຳຂອງ ສູນກາງແນວລາວສ້າງຊາດ ໄດ້ມອບ ກະຕ່າດອກໄມ້, ພ້ອມທັງໄດ້ອວຍພອນໄຊອັນປະເສີດແກ່ ທ່ານ ນ. ປານີ ຢ່າທໍ່ຕູ້, ພ້ອມດ້ວຍຄະນະ ຈົ່ງມີແຕ່ຄວາມຜາສຸກ ແລະ ມີພະລານາໄມແຂງ ແຮງ.

ພ້ອມກັນນີ້, ທ່ານ ນ. ປານີ ຢ່າທໍ່ຕູ້ ກໍໄດ້ສະແດງ ຄວາມຂອບໃຈຢ່າງຈິງໃຈ ຕໍ່ຄໍາອວຍພອນໄຊອັນປະເສີດ ແລະ ຄວາມປາ ຖະໜາດີ ຂອງທ່ານ ຮອງປະທານ ສນຊ ໄດ້ຕີລາຄາສູງຕໍ່ການຊີ້ນໍາໆພາຂອງຄະນະພັກ-ຄະນະນໍາ ຂອງສູນກາງແນວລາວສ້າງຊາດ ຕະຫຼອດໄລຍະຜ່ານມາ ແລະ ຫວັງຢ່າງຍິ່ງວ່າ ຈະໄດ້ຮັບການຖະນຸຖະໜອມ ບໍາລຸງຄູນສ້າງໃຫ້ເປັນຜູ້ສືບທອດຮຸ່ນຄົນຕໍ່ໆໄປອີກ.

info@lfnd.org.la | 021 213754 | (856-21) 453191