ສູນກາງແນວລາວສ້າງຊາດຮ່ວມກັບອົງການຢູນີເຊັບຈັດກອງປະຊຸມຝຶກອົບຮົມ ສ້າງຍຸດທະສາດໃນວຽກງານສື່ສັງຄົມອອນລາຍໃຫ້ແກ່ພະນັກງານຫຼັກແຫຼ່ງຂອງແນວລາວສ້າງຊາດນະຄອນຫຼວງ, ແນວລາວສ້າງຊາດບັນແຂວງທົ່ວປະເທດ, ອົງການຈັດຕັ້ງມະຫາຊົນຂັ້ນສູນກາງ, ມີບັນດາພະແນກການທີ່ກ່ຽວຂ້ອງຂອງແຂວງອຸດົມໄຊ ແລະ ແນວລາວສ້າງຊາດ 7 ເມືອງຂອງແຂວງອຸດົມໄຊເຂົ້າຮ່ວມ ເຊິ່ງກອງປະຊຸມຈະດຳເນີນເປັນເວລາ 5 ວັນ ທີ່ແຂວງອຸດົມໄຊ ແຕ່ວັນທີ 22-27 ຕຸລາ 2023 ນີ້ ໂດຍການເປັນປະທານຂອງ ທ່ານ ນາງ ຄໍາຈັນ ພົມແສງສະຫວັນ ຮອງປະທານສູນກາງແນວລາວສ້າງຊາດ ບໍ່ປະຈຳການ, ມີທ່ານ ວັນໄຊ ຕະວິນຍານ ຮອງຫົວໜ້າ​ ຄະນະໂຄສະນາອົບຮົມສູນກາງພັກ, ມີທ່ານ ອຸດົມ ແສງຈັນ ຮອງປະທານແນວລາວສ້າງຊາດ​ ແຂວງອຸດົມໄຊ ແລະ ທ່ານ ໄຊໂກສົນ ຊານຸບານ ຕາງໜ້າ ຫົວໜ້າພະແນກໂຄສະນາ ແລະ ສື່ມວນຊົນຈາກອົງການ ຢູນີເຊັບພ້ອມດ້ວຍຄະນະຮັບຜິດຊອບກອງປະຊຸມເຂົ້າຮ່ວມ.

     ກອງປະຊຸມ ໄດ້ຄົ້ນຄວ້າລົງເລີກຫຼັກການໃນການຂຽນຂ່າວ, ຫຼັກການສຳພາດ ໂດຍ​ນຳ​ໃຊ້​ໂທລະສັບ​ມືຖື ແລະການຜະລິດຂ່າວ ໂດຍ​ຍົກ​ໃຫ້​ເຫັນ​ວຽກງານ​ ຂໍ້ມູນຂ່າວສານ COVID-19​ ແລະ​ ຂ່າວ​ທີ່ພວກເຮົາເຮັດກ່ຽວກັບການສັກຢາປ້ອງກັນ,​ ການ​ບໍລິຫານຈັດການສື່ສັງຄົມອອຍລາຍ: (ການສ້າງຍຸດທະສາດການສື່ສານຜ່ານ Facebook page ແນວລາວສ້າງຊາດ, ວາງແຜນການສ້າງ Facebook page ໃຫ້ແຕ່ລະແຂວງ,​ ວາງແຜນການຈັດຕັ້ງຕາຕາລາງ ບົດຂ່າວໃຫ້ແຕ່ລະແຂວງ,​ ກຳນົດສິດ ແລະຫນ້າທີ່ ຂອງທີມງານ Facebook page ໃນແຕ່ລະ​ແຂວງ,​ ສ້າງ​ Facebook​ page ໃຫ້ແຕ່ລະແຂວງ, ກຳນົດຄ່າຕິດຕັ້ງ ແລະເພີ່ມຂໍ້ມູນໃຫ້ຄົບຖ້ວນໃນ Facebook page ໃຫ້ແຕ່ລະແຂວງ). ການບໍລິຫານຈັດການ Contents ໃນ​ Facebook page (ຝຶກແອບ​ ການສ້າງຕາຕະລາງຜັງ Content ໃນ​ແຕ່ລະ​ເດືອນ,​ ກຳນົດຂັ້ນຕອນ ແລະຄາດໝາຍ Contents ໃນ​ແຕ່ລະ​ເດືອນ,​ ຝຶກແອບການອ່ານຂໍ້ມູນ​ Insinght​ ເພື່ອສ້າງເປັນບົດລາຍງານປະຈຳເດືອນ, ປະຈຳໄຕມາດ​ ແລະ ປະຈຳປີ); ຝຶກແອບການສ້າງໂປສະເຕີ Poster ສຳລັບຂ່າວອອນລາຍ (ການສ້າງ ​Posters ສຳລັບວຽກງານສັກຢາ, ການຖ່າຍຮູບ​ ແລະ​ ຂຽນຂ່າວສຳລັບເຟັດບຸກ, ການອອກແບບ​ Posters​ ໂດຍ​ໃຊ້ໂປຣແກຣມ​ Canva,​ ການສ້າງວິດີໂອ​ ສະຄຼິບ ໂດຍ​ນຳໃຊ້​ໂທລະສັບ​ມືຖື​ ເພື່ອ​ລົງ​ໂຄສະນາ​ໃນເຟັດບຸກ​ ຫົວຂໍ້ກ່ຽວກັບການໃຫ້ວັກຊີນ.​ ກອງປະຊຸມຈະໄດ້ຈັດແບ່ງກັນເປັນກຸ່ມ​ ແລະ​ ລົງສຳພາດຂ່າວຕົວຈິ່ງ: ກຳນົດ​ຫົວ​ຂໍ້,​ ກຸ່ມເປົ້າໝາຍ,​ ຄຳຖາມ​ ປະຕິບັດຕົວຈິ່ງ​ ຢູ່ບ້ານແຟນ ເມືອງໄຊ ແຂວງອຸດົມໄຊ.