ວັນທີ 12 ມີນາ 2021 ນີ້ ຢູ່ທີ່ພະແນກແຜນການ ແລະ ການລົງທຶນ ອົງການແນວລາວສ້າງຊາດແຂວງອຸດົມໄຊ ໄດ້ຈັດພິທີເຜີຍແຜ່ມະຕິກອງປະຊຸມໃຫ່ຍຜູ້ແທນແນວລາວສ້າງຊາດ ແຂວງອຸດົມໄຊ ຄັ້ງທີ VII, ໃຫ້ກຽດເຂົ້າຮ່ວມ ແລະ ເປັນປະທານຂອງ ທ່ານ ນາງ ຈັນທະຈອນ ດວງສຸກ ຮອງປະທານແນວລາວສ້າງຊາດແຂວງອຸດົມໄຊ, ມີພະນັກງານລັດຖະກອນຈາກ 6 ພະແນກການ, ບັນດາທະນາຄານ, ລັດວິສາຫະກິດ, ສະມາຄົມລົດໂດຍສານ, ໂຮງແຮມ, ເຮືອນພັກ ແລະ ຮ້ານອາຫານ ເຂົ້າຮ່ວມ  71  ທ່ານ  ຍິງ 25 ທ່ານ.

ພິທີໃນຄັ້ງນີ້ ທ່ານ ນາງ ຈັນທະຈອນ ດວງສຸກ ໄດ້ເຜີຍແຜ່ເຊື່ອມຊືມມະຕິກອງປະຊຸມໃຫ່ຍຜູ້ແທນແນວລາວສ້າງຊາດແຂວງອຸດົມໄຊ ຄັ້ງທີ VII, ມະຕິຕົກລົງຂອງຄະນະປະຈໍາແນວລາວສ້າງຊາດແຂວງ ວ່າດ້ວຍການແບ່ງຄວາມຮັບຜິດຊອບໃຫ້ຄະນະກໍາມະການແນວລາວສ້າງຊາດ ແຂວງອຸດົມໄຊ ສະໄໝທີ VII ເລກທີ 199/​ຄ​ປ​ຈ.ອ​ຊ ລົງ​ວັນ​ທີ 10 ມີນາ 2021 ແລະ ເຜີຍແຜ່ກົດໝາຍແນວລາວສ້າງຊາດສະບັບປັບປຸງ ເລກທີ49/ສພຊ ​ລົງ​ວັນ​ທີ 20 ມິຖຸນາ 2018. ​ການ​ລົງ​ເຜີຍ​ແຜ່​ເຊື່ອມ​ຊືມ​ເອ​ກະ​ສານ​ໃນ​ຄັ້ງ​ນີ້ ເພື່ອເຮັດໃຫ້ຜູ້ເຂົ້າຮ່ວມເຂົ້າໃຈ ແລະ ຮັບຮູ້ ພາລະບົດບາດ, ​ສິດ​ໜ້າ​ທີ່ ​ຂອງ​ຄະ​ນະ​ກຳ​ມະ​ການ​ແນວ​ລາວ​ສ້າງ​ຊາດ​ແຂວງ ແລະ ນຳ​ເອົາ​ເນື້ອ​ໃນ​ມະ​ຕິກອງປະຊຸມໃຫ່ຍຜູ້ແທນແນວລາວສ້າງຊາດແຂວງອຸດົມໄຊ ຄັ້ງທີ VII ໄປ​ຈັດ​ຕັ້ງ​ຜັນ​ຂະ​ຫຍາຍ​ຢູ່​ກົມ​ກອງ​ທີ່​ຕົນ​ສັງ​ກັດ.