ສູນກາງແນວລາວສ້າງຊາດ

Lao Front For National Development

ອົງການແນວລາວສ້າງຊາດແຂວງ ປະເມີນຜົນພະນັກງານລັດຖະກອນ ປະຈໍາປີ 2020

ອົງການແນວລາວສ້າງຊາດ ແຂວງໄຊຍະບູລີ ໄດ້ປະເມີນຜົນການຈັດຕັ້ງປະຕິບັດວຽກງານພະນັກງານລັດຖະກອນ ປະຈໍາປີ 2020 ໃນວັນທີ 24 ທັນວາ 2020 ນີ້ຢູ່ທີ່ຫ້ອງປະຊຸມອົງການແນວລາວສ້າງຊາດແຂວງ.ໃຫ້ກຽດເຂົ້າຮ່ວມມີ ທ່ານ ດວງຕາ ໄຊວຸດ ຮອງເລຂາຄະນະບໍລິຫານງານພັກແຂວງ, ທ່ານ ຄໍາສີ ແພງສະຫວັນ  ຄະນະປະຈໍາພັກແຂວງ ປະທານແນວລາວສ້າງຊາດແຂວງ, ມີຄະນະປະທານ, ຕາງໜ້າຈາກພະແນກພາຍໃນແຂວງ, ພ້ອມດ້ວຍພະນັກງານ-ລັດຖະກອນພາຍໃນອົງການແນວລາວສ້າງຊ້າງແຂວງເຂົ້າຮ່ວມ.

ໃນພິທີຄະນະປະທານ ໄດ້ຂຶ້ນຜ່ານໃບເກັບກ່ຽວ ແລະ ປະເມີນຕົນເອງ ຈາກນັ້ນ ທ່ານ ທອງສາ ພົມມະຈັນ ຮອງປະທານແນວລາວສ້າງຊາດແຂວງ ໄດ້ລາຍງານການຮັບຮອງຜົນການປະເມີນການປະຕິບັດວຽກງານ ຂອງພະນັກງານ-ລັດຖະກອນ ປະຈໍາປີ 2020. ອົງການແນວລາວສ້າງຊາດແຂວງ ມີພະນັກງານ-ລັດຖະກອນ ທັງໝົດ 26 ທ່ານ , ຍິງ 11 ທ່ານ, ຜູ້ທີ່ມີເງື່ອນໄຂປະເມີນ ຈໍານວນ 22 ທ່ານ, ຍິງ 9 ທ່ານ, ຜູ້ທີ່ບໍ່ຖືກປະເມີນໂດຍມີເຫດຜົນ ຈໍານວນ 4 ທ່ານ, ຍິງ 2 ທ່ານ. ຜ່ານການປະເມີນຜົນພະນັກງານ-ລັດຖະກອນ ປະຈໍາປີ 2020 ເຫັນວ່າ: ໄດ້ປະເພດດີຫຼາຍ 10 ທ່ານ, ຍິງ 4 ທ່ານ,ປະເພດດີ 12 ທ່ານ, ຍິງ 5 ທ່ານ. ຈາກນັ້ນ ທ່ານ ດວງຕາ ໄຊວຸດ ຮອງເລຂາຄະນະບໍລິຫານງານພັກແຂວງ ໄດ້ມີຄໍາເຫັນໂອ້ລົມ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍໃນການປະເມີນຜົນຄັ້ງນີ້ ທ່ານຍັງໄດ້ເນັ້ນໜັກໃຫ້ເອົາໃຈໃສ່ສຶກສາອົບຮົມການເມືອງແນວຄິດ ໃຫ້ພະນັກງານລັດຖະກອນເຊື່ອມຊຶມບັນດາແນວທາງຂອງພັກ, ລະບຽບກົດໝາຍຂອງລັດ ໃຫ້ກວ້າງຂວາງຕື່ມ, ປັບປຸງແບບແຜນວິທີເຮັດວຽກ ແບບແຜນວິທີນໍາພາ ຂອງຄະນະພະແນກໃຫ້ສູງຂຶ້ນກວ່າເກົ່າ ເພື່ອຊີ້ນໍາ-ນໍາພາທຸກຂະແໜງການທີ່ຂຶ້ນກັບຄວາມຮັບຜິດຊອບຂອງຕົນ, ເອົາໃຈໃສ່ໃກ້ສິດຕິດແທດກັບຮາກຖານໃຫ້ຫຼາຍ. ພ້ອມດຽວກັນນີ້ ຕ້ອງໄດ້ປະສານສົມທົບກົມກຽວກັບບັນດາພາກສ່ວນທີ່ກ່ຽວຂ້ອງ ໃນການຈັດຕັ້ງປະຕິບັດໜ້າທີ່ວຽກງານຕາມການມອບໝາຍໃຫ້ຫຼາຍຂຶ້ນ ແຕ່ສິ່ງສໍາຄັນຕ້ອງໄດ້ພ້ອມກັນສືບຕໍ່ເສີມຂະຫຍາຍມູນເຊື້ອໃນບັ້ນປະເມີນຜົນຄັ້ງນີ້ໄວ້ ແລະ ສູ້ຊົນໃນການປະເມີນຜົນໃນສົກປີຕໍ່ໄປໃຫ້ໄດ້ດີຂຶ້ນຕື່ມອີກ.

info@lfnd.org.la | 021 213754 | (856-21) 453191