ສູນກາງແນວລາວສ້າງຊາດ

Lao Front For National Development

ທ່ານຮອງປະທານຜູ້ປະຈໍາການສູນກາງແນວລາວສ້າງຊາດ ລາຍງານຜົນງານການເຄື່ອນໄຫວວຽກງານແນວໂຮມ ໃນໄລຍະ 1 ປີຜ່ານມາຕໍ່ກອງປະຊຸມສາມັນຄົບຄະນະກຳມະການສູນກາງແນວລາວສ້າງຊາດຄັ້ງທີ 3 ສະໄຫມທີ XI

ທ່ານ ຄໍາໄຫຼ ສີປະເສີດ ກໍາມະການສູນກາງພັກ, ຮອງປະທານຜູ້ປະຈໍາການ ສູນກາງແນວລາວສ້າງຊາດ ໄດ້ລາຍງານຕໍ່ກອງປະຊຸມສາມັນຄົບຄະນະກໍາມະການ ສູນກາງແນວລາວສ້າງຊາດຄັ້ງທີ 3 ສະໄໜທີ XI ວ່າ: ໂດຍປະຕິບັດຕາມມະຕິກອງປະຊຸມສາມັນຄົບຄະນະກໍາມະການສູນກາງແນວລາວສ້າງຊາດ ຄັ້ງທີ 2 ສະໄໜທີ XI ທີ່ໄດ້ກໍານົດເອົາແຜນວຽກຈຸດສຸມໃນປີ 2023 ໃນວຽກງານແນວໂຮມ ເຫັນວ່າ ອົງການແນວລາວສ້າງຊາດແຕ່ລະຂັ້ນໄດ້ເອົາໃຈໃສ່ເຄື່ອນໄຫວຕາມພາລະບົດບາດ, ສິດ ແລະ ໜ້າທີ ຂອງຕົນເພື່ອໂຄສະນາ, ສຶກສາອົບຮົມ, ປຸກລະດົມຂົນຂວາຍໃຫ້ປະຊາຊົນລາວບັນດາເຜົ່າ, ຊັ້ນຄົນ, ສາສະໜາ ແລະ ຄົນເຊື້ອຊາດລາວທີ່ດໍາລົງຊີວິດຢູ່ຕ່າງປະເທດ ມີຄວາມສາມັກຄີເປັນປຶກແຜ່ນພ້ອມກັນເຊີດຊູນໍ້າໃຈຮັກຊາດ, ຮັກບ້ານເກີດເມືອງນອນ, ມີຄວາມສາມັກຄີຮັກແພງຊ່ວຍເຫຼືອເຊິ່ງກັນ ແລະ ກັນ. ມີສະຕິຕື່ນຕົວທາງດ້ານການເມືອງເປັນເຈົ້າການໃນການປົກປັກຮັກສາ ແລະ ສ້າງສາພັດທະນາປະເທດຊາດ ແລະ ທ່ານຍັງໄດ້ຕິລາຄາຄືນຜົນງານການຈັດຕັ້ງປະຕິບັດແຜນພັດທະນາອົງການແນວລາວສ້າງຊາດ ໃນໄລຍະ 1 ປີ ຜ່ານມາ ( 2023 ) ວ່າ: ອົງການແນວລາວສ້າງຊາດມີ 5 ແຜນງານ, 29 ໂຄງການທີ່ໄດ້ກໍານົດໄວ້ໃນແຜນພັດທະນາປີ 2023 ເຫັນວ່າຜ່ານການຈັດຕັ້ງປະຕິບັດບັນດາໂຄງການດັ່ງກ່າວສ່ວນໃຫຍ່ແມ່ນໄດ້ຮັບການຈັດຕັ້ງປະຕິບັດຢ່າງເປັນຮູບປະທໍາໃນລະດັບຕ່າງໆຈໍານວນ 22 ໂຄງການ, ສ່ວນໂຄງການທີ່ຍັງເຫຼືອແມ່ນຈະໄດ້ສຶບຕໍ່ຈັດຕັ້ງປະຕິບັດໃຫ້ສໍາເລັດຕາມແຜນການ 5 ປີ ທີ່ໄດ້ກໍານົດໄວ້ແຕ່ ( 2021-2025 ).
ຂຽນໂດຍ: ສຊ ຈື້ໄຊ

info@lfnd.org.la | 021 213754 | (856-21) 453191