ສູນກາງແນວລາວສ້າງຊາດ

Lao Front For National Development

ຮອງປະທານສູນກາງແນວລາວສ້າງຊາດ ຊຸກຍູ້ວຽກງານແນວລາວສ້າຊາດ 3 ເມືອງ ແຂວງຫົວພັນ

ທ່ານ ຮສ ດຣ ສົມອົກ ກິ່ງສະດາ ຮອງປະທານສູນກາງແນວລາວສ້າງຊາດ ພ້ອມຄະນະ ໄດ້ເຄື່ອນໄຫວຢ້ຽມຢາມ ຊຸກຍູ້ວຽກງານແນວລາວສ້າງຊາດ ແລະ ໂອ້ລົມປະຊາຊົນ ຢູ່ 3 ເມືອງ: ເມືອງ ຫົວເມືອງ, ເມືອງ ຮ້ຽມ ແລະ ເມືອງ ຊ້ອນ ແຂວງ ຫົວພັນ ເຂົ້າຮ່ວມຮັບຟັງມີປະທານ-ຮອງປະທານແນວແນວລາວສ້າງຊາດເມືອງ-ບ້ານ; ຫົວໜ້າຫ້ອງການອ້ອມຂ້າງເມືອງ, ທະຫານ, ຕຳຫຼວດ ພ້ອມດ້ວຍພໍ່ແມ່ປະຊາຊົນຂອງ 3 ເມືອງດັ່ງກ່າວເຂົ້າຮ່ວມ ທີ່ສະໂມສອນເມືອງ ໃນຫວ່າງບໍ່ດົນຜ່ານນີ້.

ໃນການພົບປະໂອ້ລົມຄັ້ງນີ້,​ ທ່ານ ຮສ ດຣ ສົມອົກ ກິ່ງສະດາ ຮອງປະທານສູນກາງແນວລາວສ້າງຊາດ ໄດ້ຮັບຟັງການລາຍງານສະພາບລວມຂອງເມືອງໂດຍຫຍໍ້ ແລະ ການຈັດຕັ້ງປະຕິບັດວຽກງານແນວລາວສ້າງຊາດ ຈາກທ່ານປະທານແນວລາວສ້າງຊາດເມືອງ ພ້ອມກັນນັ້ນ, ທ່ານຮອງປະທານສູນກາງແນວລາວສ້າງຊາດໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ຜົນສຳເລັດໃນການຈັດຕັ້ງປະຕິບັດວຽກງານໃນໄລຍະຜ່ານມາ; ພ້ອມກັນນີ້, ທ່ານຮອງປະທານສູນກາງແນວລາວສ້າງຊາດໄດ້ໃຫ້ຮູ້ເຖິງສະພາບແວດລ້ອມສາກົນ-ພາກພື້ນ ແລະ ພາຍໃນປະເທດຍັງສືບຕໍ່ຜັນແປຢ່າງສະຫຼັບຊັບຊ້ອນ ແລະ ຍັງໄດ້ຍົກໃຫ້ເຫັນເຖິງມູນເຊື້ອ, ຜົນສຳເລັດກອງປະຊຸມໃຫຍ່ຄັ້ງທີ່ X ຂອງແນວລາວສ້າງຊາດ ແລະ ພາລະບົດບາດ, ຄວາມສຳຄັນຂອງວຽກງານແນວລາວສ້າງຊາດ ໂດຍໄດ້ເໜັ້ນຫຼາຍບັນຫາໃຫ້ອົງການປົກຄອງເມືອງ, ຄະນະກຳມະການແນວລາວສ້າງຊາດເມືອງ, ບ້ານ ແລະ ພາກສ່ວນທີ່ກ່ຽວຂ້ອງຈົ່ງເພີ່ມທະວີກ້ອນກຳລັງມະຫາສາມັກຄີທຸກຊົນເຜົ່າ, ຊັ້ນຄົນ, ສາສະຫນາ, ເພດ, ໄວ ໃຫ້ໜັກແໜ້ນເຂັ້ມແຂງ ຄຽງຄູ່ກັນນັ້ນຕ້ອງຮັບປະກັນສະຖຽນລະພາບທາງດ້ານການເມືອງ, ຄວາມສະຫງົບສຸກຂອງສັງຄົມ; ເອົາໃຈໃສ່ໂຄສະນາປຸກລະດົມ, ເສີມຂະຫຍາຍສິດເປັນເຈົ້າຂອງປະຊາຊົນ ໃນການປະຕິບັດແນວທາງນະໂຍ ບາຍຂອງພັກ ແລະ ແຜນພັດທະນາເສດຖະກິດ-ສັງຄົມຂອງລັດ, ຄົ້ນຄວ້າຜັນຂະຫຍາຍບັນດາແນວທາງນະໂຍຂອງບາຍພັກ-ລັດຫັນເປັນແຜນງານ, ເປັນໂຄງການລະອຽດ, ເອົາໃຈໃສ່ຫັນລົງຮາກຖານທ້ອງຖິ່ນຕິດພັນກັບວຽກງານສາມສ້າງ ຕາມ 4 ເນື້ອໃນ 4 ຄາດໝາຍ, ສືບຕໍ່ປະສານສົມທົບກັບພາກສ່ວນທີ່ກ່ຽວຂ້ອງແກ້ໄຂປະກົດການຫໍ້ຍທໍ້, ຄວາມຂັດແຍ້ງຕ່າງໆໃນທົ່ວສັງຄົມໃຫ້ໝົດໄປ.

ໂອກາດ ເຄື່ອນໄຫວຊຸກຍູ້ວຽກງານໃນຄັ້ງນີ້ ທ່ານ ຮສ ດຣ ສົມອົກ ກິ່ງສະດາຮອງປະທານສູນກາງແນວລາວສ້າງຊາດ ຍັງໄດ້ມອບເຄື່ອງຊ່ວຍເຫຼືອໃຫ້ປະຊາຊົນ 3 ເມືອງດັ່ງກ່າວຕື່ມອີກ ເຊິ່ງເຄື່ອງໄປມອບໃນຄັ້ງນີ້ມີ ເຄື່ອງນຸ່ງຫົ່ມ, ເຄື່ອງອຸປະ ໂພກ-ບໍລິໂພກ, ຄອມພິວເຕີ ແລະ ເຄື່ອງກິລາຈໍານວນໜຶ່ງ.

info@lfnd.org.la | 021 213754 | (856-21) 453191