ສູນກາງແນວລາວສ້າງຊາດ

Lao Front For National Development

ຮອງປະທານສູນກາງແນວລາວສ້າງຊາດ ເຄື່ອນໄຫວຊຸກຍູ້ວຽກງານກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງແນວລາວສ້າງຊາດ ຢູ່ແຂວງໄຊຍະບູລີ

ທ່ານ ນາງ ສີພະຈັນ ນັນທະວົງສາ ຄະນະປະຈໍາພັກ, ຮອງປະທານສູນກາງແນວລາວສ້າງຊາດ ພ້ອມຄະນະ ໄດ້ເຂົ້າພົບປະ ແລະ ເຮັດວຽກກັບ ທ່ານ ດວງຕາ ໄຊວຸດ ຮອງເລຂາພັກແຂວງ ຮອງເຈົ້າແຂວງໄຊຍະບູລີ ຜູ້ຊີ້ນໍາວຽກງານພັກ-ພະນັກງານ, ມີປະທານແນວລາວສ້າງຊາດແຂວງ, ມີຄະນະຈັດຕັ້ງແຂວງ, ກວດກາພັກ-ລັດແຂວງ, ພະແນກພາຍໃນແຂວງ, ສະພາປະຊາຊົນແຂວງເຂົ້າຮ່ວມ, ໃນວັນທີ 1 ເມສາ 2024.
ຕອນບ່າຍຂອງວັນດຽວກັນທ່ານຮອງປະທານສູນກາງແນວລາວສ້າງຊາດ ພ້ອມຄະນະຍັງໄດ້ພົບປະໂອ້ລົມ ພະນັກງານແນວລາວສ້າງຊາດແຂວງ ເພື່ອຊຸກຍູ້ວຽກງານບຸກຄະລາກອນ ຕິດພັນກັບການຊຸກຍູ້ວຽກງານກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງແນວລາວສ້າງຊາດແຂວງ wໄຊຍະບູລີ. ໂດຍມີທ່ານ ຄໍາສີີ ແພງສະຫວັນ ກຳມະການປະຈໍາພັກແຂວງ, ປະທານແນວລາວສ້າງຊາດແຂວງ, ພ້ອມດ້ວຍຮອງປະທານ, ຫົວໜ້າ, ຮອງຫົວໜ້າຂະແໜງ ຕະຫຼອດພະນັກງານພາຍໃນແນວລາວສ້າງຊາດແຂວງ ເຂົ້າຮ່ວມ.
ຈາກນັ້ນ ທ່ານປະທານແນວລາວສ້າງຊາດແຂວງ ກໍໄດ້ລາຍງານການເຄື່ອນໄຫວວຽກງານຂອງແນວລາວສ້າງຊາດໃນໄລຍະຜ່ານມາເຊິ່ງຍົກໃຫ້ເຫັນຜົນງານດ້ານດີ, ດ້ານອ່ອນ, ຂໍ້ຄົງຄ້າງ ແລະ ບາງບົດຮຽນທີ່ຖອດຖອນໄດ້ ເພື່ອປັບປຸງແກ້ໄຂໃຫ້ດີຂຶ້ນໃນຕໍ່ໜ້າ ແລະ ໄດ້ຮັບຟັງການລາຍງານຈາກພາກ ສ່ວນກ່ຽວຂ້ອງຂອງສູນກາງແນວລາວສ້າງຊາດ ເຊີ່ງໄດ້ມີຄໍາເຫັນແນະນໍາ ໂດຍສະເພາະແມ່ນການກະກຽມວຽກງານດ້ານບຸກຄະລາກອນ, ດ້ານເນື້ອໃນ, ດ້ານເສດຖະກິດ ແລະ ວຽກງານໂຄສະນາ – ຂະບວນການ. ໂອກາດນີ້ ທ່ານ ຮອງປະທານສູນກາງແນວລາວສ້າງຊາດ ກໍມີຄໍາເຫັນໂອ້ລົມ ໂດຍເນັ້ນໜັກໃຫ້ແນວລາວສ້າງຊາດແຂວງຕ້ອງໄດ້ເອົາໃຈໃສ່ຕໍ່ວຽກງານກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນ ຂອງແນວລາວສ້າງຊາດ ແລະ ປະຕິບັດ 4 ຮ່ວມ, 4 ເສີມສ້າງ ຕິດພັນກັບ 9 ເນື້ອໃນຂໍ້ແຂ່ງຂັນຂອງແນວລາວສ້າງຊາດ ໃຫ້ມີຜົນສໍາເລັດຕາມຄາດໝາຍທີ່ວາງໄວ້.
ຂ່າວ+ພາບ: ສຸກສຳລານ
 
info@lfnd.org.la | 021 213754 | (856-21) 453191