ທ່ານ ເຍ່ຍເກີຢ່າ ໜໍຈໍຈົງຕົວ ຄະນະປະຈໍາພັກ, ຮອງປະທານ ສູນກາງແນວລາວສ້າງຊາດ(ສນຊ)​ ພ້ອມດ້ວຍຄະນະ ໄດ້ເຂົ້າພົບປະຢ້ຽມຢາມ ທ່ານ ວັນວິໄລ ແດນພູຫລວງ ຮອງເລຂາພັກແຂວງ ຜູ້ຊີ້ນຳວຽກງານພັກ-ພະນັກງານ ແຂວງບໍລິຄຳໄຊ ໃນວັນທີ 25 ມີນາ 2024 ນີ້ ທີ່ຫ້ອງປະຊຸມແຂວງດັ່ງກ່າວ.

ໂອກາດນີ້, ທ່ານ ຮອງປະທານ ສນຊ ໄດ້ແຈ້ງຈຸດປະສົງ ແລະ ລະດັບຄາດໝາຍ ໃນການລົງມາເຄື່ອນໄຫວວຽກງານ ຂອງຄະນະສູນກາງແນວລາວສ້າງຊາດໃນຄັ້ງນີ້ໃຫ້ ທ່ານ ວັນລິໄລ ແດນພູຫລວງ ໄດ້ຮັບຊາບ ໂດຍສະເພາະແມ່ນລົງມາຊຸກຍູ້ ຂະບວນການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງແນວລາວສ້າງຊາດເປັນຕົ້ນ: ດ້ານເນື້ອໃນ, ບຸກຄະລາກອນ-ໂຄງປະກອບກົງຈັກ, ຂະບວນການ ແລະ ອື່ນໆທີ່ປິ່ນອ້ອມ ໃຫ້ໄປຕາມທິດທາງລວມຂອງພັກ-ລັດ ແລະ ສູນກາງແນວລາວສ້າງຊາດ ວາງອອກ.

ຈາກນັ້ນ, ທ່ານ ວັນວິໄລ ແດນພູຫລວງ ໄດ້ສະແດງຄວາມຍິນດີຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການເຄື່ອນໄຫວຢ້ຽມຢາມ ແລະ ເຮັດວຽກ ຢູ່ແຂວງບໍລິຄຳໄຊ ໃນຄັ້ງນີ້ ຂອງທ່ານຮອງປະທານສູນກາງແນວລາວສ້າງຊາດ ພ້ອມດ້ວຍຄະນະ ເຊິ່ງສະແດງເຖິງຄວາມເປັນຫ່ວງເປັນໃຍ, ການໄກ້ຊິດຕິດແທດຂອງສູນກາງ ແລະ ຄວາມເປັນເອກະພາບສູງ ໃນການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງຕົນ.

ຂ່າວ-ຮູບ: ເຢ້

ບ.ກ: ພ.​ ບຸບຜາ