ສູນກາງແນວລາວສ້າງຊາດ

Lao Front For National Development

ຮອງປະທານ ສນຊ ພົບປະການນໍາແຂວງໄຊຍະບູລີ

     ທ່ານ ນາງ ສີພະຈັນ ນັນທະວົງສາ, ຄະນະປະຈໍາພັກ, ປະທານກວດກາພັກ-ລັດ, ຮອງປະທານ ສູນກາງແນວລາວສ້າງຊາດ(ສນຊ) ພ້ອມດ້ວຍຄະນະ ໄດ້ເຂົ້າພົບປະຢ້ຽມຢາມ ທ່ານ ພົງສະຫວັນ ສິດທະວົງ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆໄຊຍະບູລີ, ໃນວັນທີ 1 ເມສາ 2024 ນີ້ ທີ່ຫ້ອງວ່າການປົກຄອງແຂວງໄຊຍະບູລີ.
     ໂອກາດນີ້, ທ່ານ ຮອງປະທານ ສນຊ ໄດ້ແຈ້ງຈຸດປະສົງ ໃນການລົງມາເຄື່ອນໄຫວວຽກງານຄັ້ງນີ້ ໃຫ້ ທ່ານ ເຈົ້າແຂວງໄດ້ຮັບຊາບ ໂດຍສະເພາະແມ່ນລົງຊຸກຍູ້ ຂະບວນການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງແນວລາວສ້າງຊາດເປັນຕົ້ນ: ດ້ານເນື້ອໃນ, ບຸກຄະລາກອນ-ໂຄງປະກອບກົງຈັກ, ຂະບວນການ ແລະ ອື່ນໆທີ່ປິ່ນອ້ອມ ໃຫ້ໄປຕາມທິດທາງລວມຂອງພັກ-ລັດ ແລະ ສູນກາງແນວລາວສ້າງຊາດ ວາງອອກ.
     ຈາກນັ້ນ, ທ່ານ ພົງສະຫວັນ ສິດທະວົງ ໄດ້ສະແດງຄວາມຍິນດີຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການເຄື່ອນໄຫວຢ້ຽມຢາມ ແລະ ເຮັດວຽກ ຢູ່ແຂວງໄຊຍະບູລີ ໃນຄັ້ງນີ້ ຂອງທ່ານຮອງປະທານສູນກາງແນວລາວສ້າງຊາດ ພ້ອມດ້ວຍຄະນະ ເຊິ່ງສະແດງເຖິງຄວາມເປັນຫ່ວງເປັນໃຍ, ການໄກ້ຊິດຕິດແທດຂອງສູນກາງ ແລະ ຄວາມເປັນເອກະພາບສູງ ໃນການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນຂອງຕົນ.
info@lfnd.org.la | 021 213754 | (856-21) 453191