ສູນກາງແນວລາວສ້າງຊາດ

Lao Front For National Development

ຮອງປະທານ ສູນກາງແນວລາວສ້າງຊາດ ລົງເຄື່ອນໄຫວວຽກງານຊຸກຍູ້, ຕິດຕາມ, ກວດກາ ການເຄື່ອນໄຫວການຈັດຕັ້ງປະຕິບັດແຜນພັດທະນາ ເສດຖະກິດສັງຄົມ 5 ປີ ຄັ້ງທີ VIII ຂອງລັດຢູ່ແຂວງ ວຽງຈັນ

ໃນລະຫວ່າງວັນທີ 24-26 ກໍລະກົດ 2019 ນີ້, ທ່ານ ນາງ ຄໍາຈັນ ພົມແສງສະຫວັນ ຄະນະປະຈໍາພັກ, ປະທານກວດກາພັກ-ລັດ, ຮອງປະທານ ສູູນກາງແນວລາວສ້າງຊາດ ພ້ອມດ້ວຍຄະນະໄດ້ລົງເຄື່ອນໄຫວຊຸກຍູ້, ຕິດຕາມ, ກວດກາ ການເຄື່ອນໄຫວການຈັດຕັ້ງປະຕິບັດແຜນພັດທະນາ ເສດຖະກິດສັງຄົມ 5 ປີ ຄັ້ງທີ VIII ຂອງລັດຢູ່ແຂວງ ວຽງຈັນ.

ເພື່ອລົງຕິດຕາມ, ກວດກາການປັບປຸງກົງຈັກການຈັດຕັ້ງການຈັດຕັ້ງ ຂະແໜງກວດກາແນວລາວສ້າງຊາດແຂວງ, ໜ່ວຍງານກວດກາແນວລາວສ້າງຊາດເມືອງ, ພ້ອມທັງໄດ້ຮັບຟັງການລາຍງານຫຍໍ້ຈາກຂະແໜງກວດກາຂອງແຂວງ ແລະ ເມືອງ ເພື່ອຮັບຊາບກ່ຽວກັບການເຄື່ອນໄຫວວຽກງານແຕ່ລະດ້ານພ້ອມທັງໄດ້ເກັບກໍາສະພາບດ້ານຕັ້ງໜ້າ, ດ້ານຫຍໍ້ທໍ້, ຫາງສຽງຕ່າງໆ ຂອງສັງຄົມ ແລະ ຄວາມຂັດຂ້ອງໝອງໃຈຂອງປະຊາຊົນລາວບັນດາເຜົ່າ ຕໍ່ກັບແນວທາງນະໂຍບາຍຂອງພັກ-ລັດເພື່ອເປັນຂໍ້ມູນໃຫ້ຄະນະພັກ ຄະນະນໍາສູນກາງແນວລາວສ້າງຊາດ ແລະ ພາກສ່ວນທີ່ກ່ຽວຂ້ອງມີທິດທາງແກ້ໄຂ, ປຸກລະດົມ ແລະ ຊຸກຍູ້ໃຫ້ມີຄວາມຮັບຜິດຊອບດ້ານການເມືອງຂອງອົງການແນວລາວສ້າງຊາດຂັ້ນທອ້ງຖິ່ນ, ພະນັກງານ-ລັດຖະກອນຢູ່ໃນຂົງເຂດດັ່ງກ່າວແນໃສ່ຕ້ານ ແລະ ສະກັດກັ້ນບັນດາປະກົດການຫຍໍ້ທໍ້, ການສໍ້ລາດບັງຫຼວງ, ຮັບສິນບົນ, ສວຍໃຊ້ໜ້າທີ່ຕໍາແໜ່ງ, ການລະເມິດລະບຽບກົດໝາຍ ແລະ ອື່ນໆ ທີ່ເປັນການສ້າງຄວາມເສຍຫາຍໃຫ້ແກ່ພັກ-ລັດ ແລະ ປະຊາຊົນ. ນອກຈາກນັ້ນ ໄດ້ລົງເຮັດວຽກຢູ່ 4 ເມືອງ ຂອງແຂວງ ວຽງຈັນ ເປັນຕົ້ນແມ່ນ ເມືອງ ໂພນໂຮງ, ເມືອງ ຫີນເຫີບ, ເມືອງ ວັງວຽງ ແລະ ເມືອງ ກາສີ, ເພື່ອເປັນການຊຸກຍູ້ໃຫ້ແນວລາວສ້າງຊາດໄດ້ເຄື່ອນໄຫວຕາມພາລະບົດບາດ, ສິດ ແລະ ໜ້າທີ່ຂອງຕົນ. ພ້ອມກັນນັ້ນ ທ່ານ ຍັງໄດ້ລົງຢຽມຢາມສະຖານທີ່ຕົວຈິງບາງໂຄງການພັດທະນາຢູ່ເມືອງຫີນເຫີບເຊັ່ນ: ໂຄງການສວນກ້ວຍຈີນ, ໂຄງການປູກໄມ້ວິກ ແລະ ຜະລິດໄມ້ແປຮູບ ແລະ ໂຄງການອື່ນໆ ຢູ່ເມືອງຫີນເຫີບ ແຂວງວຽງຈັນ.

info@lfnd.org.la | 021 213754 | (856-21) 453191