ສູນກາງແນວລາວສ້າງຊາດ

Lao Front For National Development

ຮອງ​ປະ​ທານ​ແນວ​ລາ​ວ​ສ້າງ​ຊາດ​ແຂວງ​ອຸ​ດົມ​ໄຊ ​ລົງ​ຊຸກ​ຍູ້​ວຽກ​ງານ​​ແນວ​ລາວ​ສ້າງ​ຊາດ ທີ່​ເມືອງແບງ

 

ໃນ​ວັນ​ທີ 14-15 ມີ​ນາ 2021 ນີ້ ທ່ານ ນາງ ຈັນ​ທະ​ຈອນ ດວງ​ສຸກ ຮອງ​ປະ​ທານ​ແນວ​ລາວ​ສ້າງ​ຊາດ​ແຂວງ​ອຸ​ດົ​ມ​ໄຊ ພ້ອມ​ດ້ວຍ​ຄະນະ ໄດ້​ລົງ​ເຄື່ອນ​ໄຫວເຮັດ​ວຽກ​ຢູ່ເມືອງ​ແບງ ແລະ ລົງ​ພົບ​ປະ​ກັບ​ປະຊາຊົນ 3 ​ບ້ານ​ຄື: ​ບ້ານ​ຫ້ວຍ​ລາ, ບ້ານ​ສາມ​ກາງ ແລະ ບ້ານ​ໂພ​ໄຊ. ​   ​

ການລົງ​ເຄື່ອນ​ໄຫວ​ເຮັດ​ວຽກ​ຄັ້ງ​ນີ້​​, ໄດ້​ຮັບ​ຟັງ​ການ​ລາຍ​ງານ​ສະ​ພາບລວມຂອງ 3 ບ້ານດັ່ງກ່າວ ​ໂດຍ​ຫຍໍ້  ເປັນຕົ້ນແມ່ນ ການຈັດຕັ້ງປະຕິບັດຂະບວນ​ການ​ສ້າງ​ຄອບ​ຄົວ ແລະ ບ້ານ​ມັກ​ຄີ​ປອງດອງ ຕິດ​ພັນ​ກັບ​ວຽກງານກອງ​ທຶນ​ພັດ​ທະ​ນາ​ບ້ານ.

​ພ້ອມກັນນັ້ນ, ທ່ານ​ຮອງ​ປະ​ທານ​ແນວ​ລາວ​ສ້າງ​ຊາດ​ແຂວງ ​ໄດ້ໃຫ້ກຽດໂອ້ລົມຕື່ມວ່າ: ໃຫ້ອົງ​ການ​ປົກ​ຄອງ​ບ້ານ ຈ່ົງ​​ສຶບ​ຕໍ່ຮ່ວມ​ມື​ກັນ​ຈັດ​ຕັ້ງ​ປະ​ຕິ​ບັດ​ຂະ​ບວນ​ການ​ສ້າງ​ຄອບ​ຄົວ ແລະ ບ້ານ​ສາ​ມັກ​ຄີປອງດອງຕິດ​ພັນ​ກັບ​ການ​​ປັບ​ປຸງ ແລະ ສ້າງກອງ​ທືນ​ພັດ​ທະ​ນາ​ບ້ານ ​ເພື່ອ​ເຮັດໃຫ້​ເສດ​ຖະ​ກິດຄອບ​ຄົວ​​ຂອງ​ປະ​ຊາ​ຊົນ​ ພາຍ​ໃນ​ບ້ານ​ດີ​ຂື້ນ ແລະ ​ສາ​ມາດ​ປະ​ກາດ​ຮັບ​ຮອງ​ເປັນ​ບ້ານ​ສາ​ມັກ​ຄີ​ປອງດອງ​ໃນ​ຕໍ່​ໜ້າ.  ໃນ​ໂອ​ກາດ​ທີ່ ​ທ່ານ​ໄດ້​ລົງ​​ເຄື່ອນ​ໄຫວ​ຊຸກ​ຍູ້​ວຽກ​ງານ​ໃນ​ຄັ້ງ​ນີ້ ກໍໄດ້​ມອບ​ເງິນ ຈຳ​ນວນໜື່ງໃຫ້​ບ້ານ​ໂພ​ໄຊ ເພື່ອ​ປະ​ກອບ​ສ່ວນ​ໃຫ້ອົງ​ການ​ປົກ​ຄອງ​ບ້ານ ນຳ​ໃຊ້​ເຂົ້າ​ໃນ​ການກໍ່​ສ້າງ​ສະ​ໂມ​ສອນ​ຂອງ​ບ້ານ​ຕື່ມ​ອີກ.

info@lfnd.org.la | 021 213754 | (856-21) 453191