ສູນກາງແນວລາວສ້າງຊາດ

Lao Front For National Development

ຮັບສະມາຊິກພັກໃໝ່

ສູນກາງແນວລາວສ້າງຊາດ (ສນຊ) ໄດ້ຈັດພິທີເລື່ອນສະມາຊິກພັກສໍາຮອງເປັນສະມາຊິກພັກສົມບູນ ໂດຍເປັນປະທານຂອງ ສະ ຫາຍ ຄໍາໃບ ດໍາລັດ ກໍາມະການສູນກາງພັກ, ຮອງເລຂາຄະນະພັກ, ຮອງປະທານ ສນຊ, ມີບັນດາສະຫາຍຄະນະໜ່ວຍພັກກົມ, ຫ້ອງການ ແລະ ສູນຝຶກອົບຮົມ ພ້ອມດ້ວຍພະນັກງານສະມາຊິກພັກເຂົ້າຮ່ວມ, ໃນວັນທີ 23 ສິງຫາ 2017.

ໃນພິທີດັ່ງກ່າວບັນດາສະຫາຍເລຂາໜ່ວຍພັກທັງ 4 ກົມຄື: ສະຫາຍ ພອນຄໍາ ສີວຽງໄຊ ຫົວໜ້າກົມຈັດຕັ້ງ, ສະຫາຍ ໄທລໍ່ ຫວາ ເຊັ້ງ ຮອງຫົວໜ້າຫ້ອງການ, ສະຫາຍ ໄມ ຄໍາວົງ ຫົວກົມຊົນເຜົ່າ, ສະຫາຍ ນ. ສີພະຈັນ ນັນທະວົງສາ ຫົວໜ້າກົມກວດກາ ໄດ້ ຂຶ້ນຜ່ານຂໍ້ຕົກລົງຂອງເລຂາໜ່ວຍພັກກົມ ວ່າດ້ວຍການເຫັນດີອະນຸມັດເລື່ອນສະມາຊິກພັກສໍາຮອງຂຶ້ນເປັນສະມາຊິກພັກສົມ ບູນ ຈໍານວນ 6 ສະຫາຍ ຍິງ 3 ສະຫາຍ.

ໃນໂອກາດດຽວກັນນີ້, ສະຫາຍ ຄໍາໃບ ດໍາລັດ ເປັນກຽດໂອ້ລົມ ເຊິ່ງທ່ານໄດ້ກ່າວສະແດງຄວາມຊົມເຊີຍຕໍ່ຜົນງານໃນການນໍາພາ ຂອງໜ່ວຍພັກ ແລະ ສະມາຊິກສໍາຮອງທີ່ໄດ້ບຸກບືນຕົນເອງກ້າວເຂົ້າເປັນສະມາຊິກພັກສົມບູນ. ພ້ອມກັນນັ້ນ, ທ່ານໄດ້ເນັ້ນໃຫ້ ຜູ້ທີ່ໄດ້ເລື່ອນຂຶ້ນເປັນສະມາຊິກພັກສົມບູນໃໝ່ ວ່າ: ພັກເປັນຜູ້ນໍາພາສູງສຸດກໍານົດແນວທາງນະໂຍບາຍ, ແຜນການແຕ່ລະໄລ ຍະ; ພາຍຫຼັງເປັນສະມາຊິກພັກສົມບູນແລ້ວຕ້ອງປະຕິບັດກົດລະບຽບພັກ, ຕ້ອງເອົາໃຈໃສ່ຄົ້ນຄວ້າຮໍ່າຮຽນມະຕິຂອງພັກ ແນວ ທາງນະໂຍບາຍຂອງພັກ; ຕາງໜ້າຝຶກຝົນຫຼໍ່ຫຼອມຄຸນສົມບັດສິນທໍາປະຕິວັດ, ຄຸນທາດການເມືອງ, ມີແບບແຜນວິທີເຮັດ ວຽກ-ແບບແຜນດໍາລົງຊີວິດ, ນໍາພາປຸກລະດົມໂຄສະນາຂົນຂວາຍ; ເອົາໃຈໃສ່ປັບປຸງ ແລະ ກໍ່ສ້າງພັກໃຫ້ເຂັ້ມແຂງ, ຕ້ອງຮັກ ສາຄຸນລັກສະນະ, ໃຫ້ມີການຕໍານິສົ່ງຂ່າວ; ເອົາໃຈໃສ່ໃກ້ຊິດຕິດແທດກັບມະຫາຊົນ, ສ້າງຄວາມຮັກແພງເຊິ່ງກັນ ແລະ ກັນ; ເອົາໃຈໃສ່ແນວທາງການຕ່າງເທດຂອງພັກໃຫ້ກວ້າງຂວາງ.

info@lfnd.org.la | 021 213754 | (856-21) 453191