ສູນກາງແນວລາວສ້າງຊາດ

Lao Front For National Development

ຮັບສະມາຊິກພັກໃໝ່

ສູນກາງແນວລາວສ້າງຊາດ ໄດ້ຈັດພິທີເລື່ອນສະມາຊິກພັກສໍາຮອງເປັນສະມາຊິກພັກສົມບູນ ໂດຍເປັນປະ ທານຂອງ ສະຫາຍ ຄໍາຫຼ້າ ລິ້ງນະສອນ, ຄະນະພັກ, ຮອງປະທານສູນກາງແນວລາວສ້າງຊາດ, ມີບັນດາສະຫາຍຄະນະໜ່ວຍພັກກົມ,ຫ້ອງການ ແລະ ສູນຝຶກອົບຮົມ ພ້ອມດ້ວບສະມາຊິກພັກເຂົ້າຮ່ວມ ໃນວັນທີ 11 ຕຸລາ 2018 ນີ້.

ໃນພິທີດັ່ງກ່າວບັນດາສະຫາຍເລຂາໜວ່ຍພັກທັງ 2 ກົມຄື: ສະຫາຍ ໄມຄໍາວົງ ຫົວໜ້າກົມຊົນເຜົ່າ ແລະ ສະຫາຍ ສຸລິປັນຍາ ລາຊສົມບັດ ຮອງຫົວໜ້າຫ້ອງການ ໄດ້ຂຶ້ນຜ່ານຂໍ້ຕົກລົງຂອງເລຂາໜ່ວຍພັກກົມ ວ່າດ້ວຍການເຫັນດີອະນຸມັດເລື່ອນສະມາ ຊິກພັກສໍາຮອງຂຶ້ນເປັນສະມາຊິກພັກສົມບູນ ຈໍານວນ 2 ສະຫາຍ, ຍິງ 1 ສະຫາຍ.

ໃນໂອກາດດຽວກັນນີ້, ສະຫາຍ ຄໍາຫຼ້າ ລິ້ງນະສອນ ເປັນກຽດໂອ້ລົມ ເຊິ່ງທ່ານໄດ້ກ່າວສະແດງຄວາມຊົມເຊີຍຕໍ່ຜົນງານໃນການຊີ້ນໍາ-ນໍາພາຂອງໜ່ວຍພັກ ແລະ ສະມາຊິກພັກສໍາຮອງ ທິ່ໄດ້ບຸກບືນຕົນເອງກ້າວເຂົ້າເປັນສະມາຊິກສົມບູນ. ​ພ້ອມກັນນັ້ນ, ທ່ານໄດ້ເນັ້ນໃຫ້ ຜູ້ທີ່ເລື່ອນຂຶ້ນເປັນສະມາຊິກພັກສົມບູນໃໝ່ວ່າ: ພັກເປັນຜູ້ນໍາພາສູງສຸດ ກໍານົດແນວ ທາງນະໂຍບາຍ, ແຜນການແຕ່ລະໄລຍະ; ພາຍຫຼັງເປັນສະມາຊິກພັກສົມບູນແລ້ວຕ້ອງປະຕິບັດກົດລະບຽບພັກ, ຕ້ອງເອົາໃຈໃສ່ຄົ້ນຄວ້າ, ຮໍ່າຮຽນມະຕິຂອງພັກ, ແນວທາງນະໂຍບາຍຂອງພັກ; ຕັ້ງໜ້າຝຶກຝົນຫຼໍ່ຫຼອມຄຸນສົມບັດສິນທໍາປະ ຕິວັດ, ຄຸນທາດການເມືອງ, ມີແບບແຜນວິທີເຮັດວຽກ-ແບບແຜນດໍາລົງຊິວິດ, ນໍາພາປຸກລະດົມໂຄສະນາຂົນຂວາຍ,ເອົາໃຈໃສ່ປັບປຸງ ແລະ ກໍ່ສ້າງພັກໃຫ້ເຂັ້ມແຂງ, ຕ້ອງຮັກສາຄຸນລັກສະນະ,​ໃຫ້ຕໍາໜິສົ່ງຂ່າວ; ເອົາໃຈໃສ່ໃກ້ຊິດຕິດ ແທດກັບມະຫາຊົນ, ສ້າງຄວາມຮັກແພງເຊິ່ງກັນ ແລະ ກັນ.

info@lfnd.org.la | 021 213754 | (856-21) 453191