ສູນກາງແນວລາວສ້າງຊາດ

Lao Front For National Development

ຮັບຮອງແຜນກໍ່ສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານ

ໂດຍປະຕິບັດຕາມແຜນລວມ ຂອງອົງຄະນະພັກສູນກາງແນວລາວສ້າງຊາດ ແລະ ຄຳແນະນຳຂອງຄະນະພັກສູນກາງແນວ ລາວສ້າງຊາດ ກ່ຽວກັບການສ້າງໜ່ວຍພັກແຂງ-ຮູ້ນຳພາຮອບດ້ານ ຂອງບັນດາໜ່ວຍພັກອ້ອມຂ້າງອົງຄະນະພັກ ສນຊ ສະບັບ ເລກທີ 554/ຄພ.ສນຊ, ລົງວັນທີ 12/06/2016;

ໜ່ວຍພັກສູນຝຶກອົບຮົມ ສນຊ ໄດ້ຈັດພິທີຮັບຮອງເອົາແຜນການກໍ່ສ້າງໜ່ວຍພັກແຂງ-ຮູ້ນຳພາຮອບດ້ານ ໂດຍການໃຫ້ ກຽດເຂົ້າຮ່ວມຂອງ ສະຫາຍ ຄຳຫຼ້າ ລິ້ງນະສອນ ຄະນະພັກ, ຮອງປະທານສູນກາງແນວລາວສ້າງຊາດ, ບັນດາສະຫາຍເລຂາ, ຮອງເລຂາໜ່ວຍພັກຫ້ອງການ-ບັນດາກົມອ້ອມຂ້າງ, ພ້ອມດ້ວຍຄະນະ ຕາງໜ້າອົງການຈັດຕັ້ງມະຫາຊົນ ແລະ ສະມາຊິກ ພັກ-ພະນັກງານ ຂອງໜ່ວຍສູນຝຶກອົບຮົມເຂົ້າຮ່ວມ ໃນວັນທີ 01 ພະຈິກ 2017.

ສະຫາຍ ປອ ບຸນຈອມ ວົງເພັດ ເລຂາໜ່ວຍພັກ ຫົວໜ້າສູນກຝຶກອົບຮົມ ສນຊ ໄດ້ຂຶ້ນສະເໜີແຜນການກໍ່ສ້າງ ໜ່ວຍພັກແຂງ-ຮູ້ນຳພາຮອບດ້ານ ຂອງໜ່ວຍພັກສູນຝຶກອົບຮົມຕາມ 4 ດ້ານ 5 ເນື້ອໃນ ຂອງພັກວາງອອກ ພ້ອມທັງວາງ ຄາດໝາຍສູ້ຊົນແຕ່ລະດ້ານ, ແຕ່ລະເນຶ້ອໃນ ໃນການຊີ້ນຳ-ນຳພາ ປີ 2018 ນີ້ ເພາະວ່າຈຸດພິເສດໜ່ວຍພັກນີ້ ແມ່ນຫາກໍ່ ໄດ້ຮັບການສ້າງຕັ້ງຂຶ້ນໃໝ່ ໂດຍແຍກອອກຈາກໜ່ວຍພັກ ກົມໂຄສະນາ-ອົບຮົມ ສນຊ ໃນຕົ້ນປີ 2017 ນີ້. ເຊິ່ງມີສະມາຊິກ ພັກ ຈຳນວນ 6 ສະຫາຍ, ຍິງ 3 ສະຫາຍ ແລະ ມີລັດຖະກອນ 11 ທ່ານ. ຄະນະໜ່ວຍພັກສູນຝຶກອົບຮົມໄດ້ຮັບການແຕ່ງຕັ້ງ ບົ່ງຕົວ, ສ່ວນສະມາຊິກພັກ ແມ່ນໄດ້ຍົກຍ້າຍມາຈາກບັນດາໜ່ວຍພັກຕ່າງໆອ້ອມຂ້າງ ສນຊ.

ໃນພິທີ ສະຫາຍ ຄຳຫຼ້າ ລິ້ງນະສອນ ໄດ້ມີຄຳເຫັນໂອ້ລົມ, ຊີ້ນຳ ໂດຍສະເພາະຕໍ່ບັນດາເນື້ອໃນ ແລະ ວິທີຈັດຕັ້ງປະຕິບັດ ເພື່ອພ້ອມກັນສູ້ຊົນຕາມຄາດໝາຍທີ່ວາງໄວ້, ໃນນີ້ຕ້ອງມີການປະເມີນຕາມກຳນົດເວລາ ແລະ ແຜນການລວມຂອງອົງຄະ ນະພັກ ສນຊ ໃນປີ 2018.

info@lfnd.org.la | 021 213754 | (856-21) 453191