ສູນກາງແນວລາວສ້າງຊາດ

Lao Front For National Development

ຮ່ວມນ້ຳໃຈຊ່ວຍເຫຼືອປະຊາຊົນທີ່ປະສົບໄພນ້ຳຖ້ວມ ແຂວງຄຳມ່ວນ

ທີ່ວັດນາໄຊ, ເມືອງໄຊເສດຖາ, ນະຄອນຫຼວງວຽງຈັນ, ໃນວັນທີ 6 ສິງຫາ 2018 ນີ້, ສູນກາງແນວລາວສ້າງຊາດ(ສນຊ) ໄດ້ຮັບເຄື່ອງຊ່ວຍເຫຼືອມູນຄ່າ 350 ລ້ານກີບ ຈາກການຊ່ວຍເຫຼືອລະດົມຂອງຄະນະສົງວັດນາໄຊ, ເປັນກຽດຮັບໂດຍທ່ານ ຄຳໃບ ດຳລັດ ກຳມະການສູນກາງພັກ, ຮອງປະທານສູນກາງແນວລາວສ້າງຊາດ.

ເຄື່ອງທີ່ໄດ້ຮັບໃນຄັ້ງນີ້, ແມ່ນເຂົ້າສານຈໍານວນ 50 ໂຕ່ນ ລວມມູນຄ່າ 350 ລ້ານກີບ ໂດຍໄດ້ຮັບການອຸປະຖຳຈາກບັນດາສະມາຄົມ, ບໍລິສັດ, ຫ້າງຮ້ານ ແລະ ຜູ້ທີ່ມີນ້ຳໃຈຊ່ວຍເຫຼືອຜູ້ປະສົບໄພນ້ຳຖ້ວມ ຢູ່ແຂວງຄຳມ່ວນ.

ພ້ອມກັນນີ້, ທ່ານ ຮອງປະທານ ສນຊ ກໍໄດ້ຕາງໜ້າປະຊາຊົນຜູ້ທີ່ໄດ້ຮັບຜົນກະທົບ ສະແດງຄວາມຂອບໃຈເປັນຢ່າງຍິ່ງ ຕໍ່ຄະ ນະສົງວັດນາໄຊ, ບັນດາສະມາຄົມ, ບໍລິສັດ, ຫ້າງຮ້ານ ແລະ ຜູ້ທີ່ມີນ້ຳໃຈນຳເຂົ້າສານຈຳນວນດັ່ງກ່າວມາມອບໃຫ້ ສນຊ, ເຊິ່ງເຂົ້າສານທີ່ໄດ້ຮັບນີ້ ສນຊ ຈະນຳໄປມອບຕໍ່ໃຫ້ 5 ຕົວເມືອງຄື: ເມືອງມະຫາໄຊ, ບົວລະພາ, ຍົມມະລາດ, ເຊບັ້ງໄຟ ແລະ ເມືອງໜອງບົົກ ແຂວງຄຳມ່ວນ ເມືອງລະ 10 ໂຕ່ນ ເພື່ອແບ່ງເບົາບັນເທົາທຸກພໍ່ແມ່ປະຊາຊົນທີ່ໄດ້ຮັບໄພພິບັດນ້ຳຖ້ວມໃນຄັ້ງນີ້.

info@lfnd.org.la | 021 213754 | (856-21) 453191