ສູນກາງແນວລາວສ້າງຊາດ

Lao Front For National Development

ເຈົ້າແຂວງຫຼວງພະບາງ ໄດ້ຕ້ອນຮັບ ຄະນະຜູ້ແທນສະພາທີ່ປືກສາການເມືອງທົ່ວປະເທດຈີນ

ທ່ານ ຄຳຂັນ ຈັນທະວີສຸກ ກຳມະການສູນກາງພັກ, ເລຂາພັກແຂວງ ເຈົ້າແຂວງໆຫຼວງພະບາງ ໄດ້ຕ້ອນຮັບ ຄະນະຜູ້ແທນສະພາທີ່ປືກສາການເມືອງທົ່ວປະເທດຈີນ ນຳໂດຍ ທ່ານ ນາງ ເສີນ ໂຢໂຢ ຮອງປະທານສະພາທີ່ປືກສາການເມືອງທົ່ວປະເທດຈີນ ພ້ອມດ້ວຍຄະນະ ທີ່ໄດ້ມາເຄື່ອນໄຫວເຮັດວຽກຢູ່ແຂວງຫຼວງພະບາງ ຢ່າງເປັນທາງການ ໃນວັນທີ 26 ພະຈິກ 2023 ໂດຍມີທ່ານ ນາງ ອິນລາວັນ ແກ້ວບຸນພັນ ກໍາມະການສູນກາງພັກ, ຮອງປະທານສູນກາງແນວລາວສ້າງຊາດ ແລະ ພະນັກງານທີ່ຂ້ອງເຂົ້າຮ່ວມ.
ຈຸດປະສົງການມາຢ້ຽມຢາມໃນຄັ້ງນີ້ ກໍເພື່ອເພີ່ມທະວີສາຍພົວພັນຮ່ວມມື ລະຫວ່າງ ລາວ-ຈີນ ແລະ ໄດ້ປຶກສາຫາລືໃນການຊອກຫາທ່າແຮງ ຮ່ວມມືຂອງສອງຝ່າຍ ເພື່ອສົ່ງເສີມການທ່ອງທ່ຽວ ແລະ ອຸດສາຫະກຳ, ດ້ານວັດທະນະທໍາ, ດ້ານການສຶກສາ, ການຮ່ວມມືດ້ານການພັດທະນາເສດຖະກິດ-ສັງຄົມ ແລະ ການທ່ອງທ່ຽວໃນແຂວງຫຼວງພະບາງ ແລະ ແບບແຜນການຮ່ວມມືໃນຕໍ່ໜ້າ. ພ້ອມກັນນັ້ນ,
ຄະນະໄດ້ເດີນທາງໄປຢ້ຽມຢາມໂຄງການລົງທຶນເພື່ອທົດລອງແກ້ໄຂຄວາມທຸກຍາກ ລາວ-ຈີນ ທີ່ບ້ານຊຽງລ້ອມ ເປັນໂຄງການໜຶ່ງທີ່ຊຸກຍູ້ປະຊາຊົນມີອາຊີບທີ່ໝັ້ນຄົງ, ມີລາຍຮັບເພີ່ມຂຶ້ນ, ແກ້ໄຂຄວາມທຸກຍາກເທື່ອລະກ້າວ ຕິດພັນກັບການພັດທະນາບ້ານໃຫຍ່ໃຫ້ກາຍເປັນຕົວເມືອງນ້ອຍໃນຊົນນະບົດ ແລະ ຄະນະໄດ້ໄປທ່ຽວຊົມສະຖານທີ່ທ່ອງທ່ຽວນໍ້າຕົກຕາດກວາງຊີຕື່ມອີກ.
ບກ: ອິນທະຫວາ
ຂ່າວ+ພາບ: ສຸວັນລີ
info@lfnd.org.la | 021 213754 | (856-21) 453191