ສູນກາງແນວລາວສ້າງຊາດ

Lao Front For National Development

ເຜີຍແຜ່ຄຳສັ່ງແນະນຳ ວ່າດ້ວຍການດຳເນີນຄະດີຟອກເງິນ ແລະ ການສະໜອງທືນໃຫ້ແກ່ການກໍ່ການຮ້າຍ

ໃນຕອນເຊົ້າຂອງວັນທີ 4 ເດືອນ 6 ປີ 2020 ທີ່ຫ້ອງປະຊຸມອົງການແນວລາວສ້າງຊາດ ແຂວງຫຼວງນ້ຳທາ ໄດ້ເຜີຍແຜ່ເອກະສານຄຳສັ່ງແນະນຳ ວ່າດ້ວຍການດຳເນີນຄະດີຟອກເງິນ ແລະ ການສະໜອງທືນໃຫ້ແກ່ການກໍ່ການຮ້າຍ, ດຳລັດ ວ່າດ້ວຍຄວາມຮັບຜິດຊອບໃນການຕ້ານສະກັດກັ້ນການຟອກເງິນ ແລະ ການສະໜອງທືນໃຫ້ແກ່ການກໍ່ການຮ້າຍ ມີພະນັກງານທີ່ກ່ຽວຂ້ອງ ເຂົ້າຮ່ວມ.

ໃນກອງປະຊຸມສະຫາຍ ນາງ ປ້ອມ ວີແຄລູ ຫົວໜ້າຂະແໜງໂຄສະນາອົບຮົມ ແລະ ສະຫາຍ ສົມຈ໋າຍ ແຝງຫຼ້າ ຫົວໜ້າຫ້ອງການແນວລາວສ້າງຊາດແຂວງ ໄດ້ເຜີຍແຜ່ຄຳສັ່ງແນະນຳ ວ່າດ້ວຍການດຳເນີນຄະດີຟອກເງິນ ແລະ ການສະໜອງທືນໃຫ້ແກ່ການກໍ່ການຮ້າຍ ສະບັບເລກທີ 01/ຄຕຟງ, ລົງວັນທີ 8/1/2020 ເຊິ່ງມີທັງໝົດ 6 ໝວດ, 25 ມາດຕາ ແລະ ດຳລັດ ວ່າດ້ວຍຄວາມຮັບຜິດຊອບໃນການຕ້ານສະກັດກັ້ນການຟອກເງິນ ແລະ ການສະ          ໜອງທືນໃຫ້ແກ່ການກໍ່ການຮ້າຍ ສະບັບເລກທີ 127/ລບ, ລົງວັນທີ 20/2/2020 ໂດຍມີ 4 ໝວດ, 16 ມາດຕາ; ເພື່ອໃຫ້ພະນັກງານ-ລັດຖະກອນ ເຂົ້າໃຈເນື້ອໃນທີ່ສຳຄັນຂອງການຟອກເງິນ ແລະ ການສະໜອງທືນໃຫ້ແກ່ການກໍ່ການຮ້າຍ ໂດຍສະເພາະ ເຈົ້າໜ້າທີ່ ສືບສວນ-ສອບສວນ, ພະນັກງານໄອຍະການ, ຜູ້ພິພາກສາ, ພະນັກງານຈັດຕັ້ງປະຕິບັດຄຳຕັດສິນຂອງສານ ໄດ້ຈັດຕັ້ງປະຕິບັດຢ່າງເປັນເອກະພາບໃນຂອບເຂດທົ່ວປະເທດ, ຊ່ວຍໃຫ້ການປະເມີນສະຖານະພາບຂອງ ສ ປປ ລາວ ກ່ຽວກັບການດຳເນີນຄະດີການຟອກເງິນ ແລະ ການສະໜອງທືນໃຫ້ແກ່ການກໍ່ການຮ້າຍ ໃນປີ 2019-2021 ໄດ້ມີສະຖິຕິ, ຕົວເລກ ແລະ ຂໍ້ມູນ ກ່ຽວກັບການດຳເນີນຄະດີການຟອກເງິນ ແລະ ການສະໜອງທືນໃຫ້ແກ່ການກໍ່ການຮ້າຍ.

ດັ່ງນັ້ນ, ເພື່ອເຮັດໃຫ້ການຜັນຂະຫຍາຍຄຳສັ່ງແນະນຳ ວ່າດ້ວຍການດຳເນີນຄະດີຟອກເງິນ ແລະ ການສະ  ໜອງທືນໃຫ້ແກ່ການກໍ່ການຮ້າຍ, ດຳລັດ ວ່າດ້ວຍຄວາມຮັບຜິດຊອບໃນການຕ້ານສະກັດກັ້ນການຟອກເງິນ ແລະ ການສະໜອງທືນໃຫ້ແກ່ການກໍ່ການຮ້າຍ ມີຄວາມໝາຍສຳຄັນນັ້ນ ແມ່ນຕ້ອງປະຕິບັດໜ້າທີ່ຂອງກະຊວງ, ອົງການ ແລະ ຫົວໜ່ວຍທີ່ມີໜ້າທີ່ລາຍງານ ຕາມທີ່ໄດ້ກຳນົດໄວ້ໃນກົດໝາຍ ວ່າດ້ວຍການຕ້ານ ສະກັດກັ້ນ ການຟອກເງິນ ແລະ ການສະໜອງທືນໃຫ້ແກ່ການກໍ່ການຮ້າຍ ຂອງດຳລັດສະບັບເລກທີ 127/ລບ, ລົງວັນທີ 20/2/2020 ແລະ ລະບຽບການອຶ່ນໆ ທີ່ກ່ຽວຂ້ອງ.

info@lfnd.org.la | 021 213754 | (856-21) 453191