ສູນກາງແນວລາວສ້າງຊາດ

Lao Front For National Development

ເມືອງຊຽງຮ່ອນຈັດກອງປະຊຸມຄົບຄະນະກຳມະການແນວລາວສ້າງຊາດ ຄັ້ງທີ 3 ສະໄໝທີ V

ກອງປະຊຸມຄົບຄະນະກໍາມະການແນວລາວສ້າງຊາດ ເມືອງຊຽງຮ່ອນ ຄັ້ງທີ 2 ສະໄໝທີ V ໄດ້ເປີດຂື້ນໃນວັນທີ 12 ມີນາ 2021ນີ້  ທີ່ຫໍປະຊຸມຂອງເມືອງ ໂດຍການເປັນປະທານຂອງ ທ່ານ ທອງຂາວ ສຸດຈະລິດ ຄະນະປະຈຳພັກເມືອງ ປະທານແນວລາວສ້າງຊາດເມືອງຊຽງຮ່ອນ ເປັນກຽດເຂົ້າຮ່ວມຂອງທ່ານ ອິນຕາ ນິ້ມນວນ ຮອງເລຂາພັກເມືອງຊຽງຮ່ອນ ພ້ອມດ້ວຍຄະນະກຳມະການແນວລາວສ້າງຊາດເມືອງ ແລະ ບ້ານເຂົ້າຮ່ວມ.

ໃນກອງປະຊຸມ ທ່ານ ເພັດ ສິລິວັນ ຮອງປະທານແນວລາວສ້າງຊາດເມືອງຊຽງຮ່ອນ ໄດ້ຜ່ານບົດສະຫຼຸບຕີລາຄາວຽກ ວຽກງານຮອບດ້ານ ຂອງຄະນະກຳມະການແນວລາວສ້າງຊາດເມືອງປະຈຳປີ 2020 ແລະ ກໍານົດທິດທາງແຜນການປີ 2021  ເມືອງຊຽງຮ່ອນປະກອບດ້ວຍຫຼາຍຊົນເຜົ່າ ດຳລົງຊີວິດຢູ່ຮ່ວມກັນດ້ວຍຄວາມສາມັກຄີປອງດອງ, ທົ່ວເມືອງມີຜົນລະເມືອງທັງໝົດ 34.627 ຄົນ ຍິງ 17.76 ຄົນ ປະກອບມີ 6 ເຜົ່າຄື: ເຜົ່າລາວ, ເຜົ່າລື້, ເຜົ່າຍວນ, ເຜົ່າກຶມມຸ, ເຜົ່າມົ້ງ ແລະ ເຜົ່າໄປຣ. ໃນໄລຍະຜ່ານມາ ​ກຳ​ມະ​ການ​ແນວ​ລາວ​ສ້າງ​ຊາດ​ເມືອງ ໄດ້​ນຳ​ເອົາ​ແນວ​ທາງ​ນະ​ໂຍ​ບາຍ​ຂອງ​ພັກ, ​ກົດ​ໜາຍ​ຂອງ​ລັດ ແລະ ​ແຜນ​ພັດ​ທະ​ນາ​ເສດ​​ຖະ​ກິດ-ສັງ​ຄົມ​ຂອງ​ລັດວາງ​ອອກ​ແຕ່​ລະ​ໄລ​ຍະ​ ໄປ​ສຶກ​ອົບ​ຮົມ​ໃຫ້​ປະ​ຊາ​ຊົນ​ບັນ​ດາ​ເຜົ່າ ຢ່າງ​ເປັນ​ປົກ​ກະ​ຕິ ​ຕໍ່​ເນື່ອງ​ ​ເຮັດ​ໃຫ້​ປະ​ຊາ​ຊົນ​ຮັບ​ຮູ້ ​ແລະ ​ມີ​ຄວາມ​ເຊືອ​ໜັ້ນ​ຕໍ່​ການ​ນຳ​ພາ​ຂອງ​ພັກ-ລັດຂື້ນ​ເທື່ອ​ລະ​ກ່າວ ເຮັດ​ໃຫ້​ເຂົ້າ​ເຈົ້າ​ໄດ້​ຫັນ​ປ່ຽນ​ວິ​​​ທີ​ຊີ​ວິດ​​ຈາກ​ຮູບ​ແບບ​ການ​ຜະ​ລິດ​ແບບ​ພໍ​ຢູ່​ພໍ​ກິນ ກ້າວ​ໄປ​ເຖິງ​ການ​ຜະ​ລິດກາຍ​ເປັນ​ສີນ​ຄ້າ​ໃຫ້​ຫຼາຍ​ຂື້ນເຮັດ​ໃຫ້​ປະ​ຊາ​ຊົນ​ບັນ​ດາ​ເຜົ່າມີຊີວິດການເປັນຢູ່​ດີ​ຂື້ນ ເສດ​ຖະ​ກິດ​ຂອງເມືອງໄດ້​ມີການ​​ຂະ​ຫ​ຍາຍ​ຕົວ​ລະ​ດັບ 14,82% ຕໍ່​ປີ ພ້ອມນີ້​ຍັງ​ໄດ້ລົງເຜີຍແຜ່ມະຕິ 108 /ກມສພ, ວ່າດ້ວຍວຽກງານແນວໂຮມ ແລະ ວຽກງານມະຫາຊົນຂອງພັກໃນໄລຍະໃໝ່ ມາຮອດປະຈຸບັນໄດ້ປະກາດ​​ບ້​ານ​ສາ​ມັກ​ຄີ​ປອງດອງແລ້ວ ​33 ບ້ານ, ​ມີຄອບຄົວສາມັກຄີປອງດອງ 5,719 ຄອບ​ຄົວ. ຈາກນັ້ນຜູ້ເຂົ້າຮ່ວມກອງປະຊຸມຍັງໄດ້ພ້ອມກັນປະກອບຄຳຄິດຄຳເຫັນຕໍ່​ການ​ເຄື່ອນ​ໄຫວວຽກງານແນວລາວສ້າງຊາດ ເພື່ອເປັນທິດທາງໃນຕໍ່ໜ້າ.

ຕອນທ້າຍທ່ານ ອິນຕາ ນິ້ມນວນ ຮອງເລຂາພັກເມືອງ ຍັງໄດ້ໂອ້ລົມໃຫ້ຄຳຄິດຄຳເຫັນ ກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ ກຳມະການແນວລາວສ້າງຊາດທີ່ຍາດໄດ້ຜົນງານໃນໄລຍະຜ່ານມາ ແລະ ທ່ານຍັງໄດ້ເໜັ້ນໜັກໃຫ້ຄະນະແນວ ຈົ່ງພ້ອມກັນ ເພີ່ມທະວີການສ້າງກ້ອນກໍາລັງມະຫາສາມັກຄີທົ່ວປວງຊົນໃນແຕ່ລະບ້ານໃຫ້ໜັກແໜ້ນ ເພື່ອເປັນພື້ນຖານໃນການສ້າງໃຫ້ປະຊາຊົນບັນດາເຜົ່າ ແລະ ທຸກຊັ້ນຄົນໃນສັງຄົມໃຫ້ມີຄວາມສາມັກຄີເປັນປຶກແຜ່ນ, ໂຄສະນາສຶກສາອົບຮົມ, ປຸກລະດົມ ແລະ ເສີມຂະຫຍາຍສິດເປັນເຈົ້າຂອງປະຊາຊົນບັນດາເຜົ່າໃນການປະຕິບັດແນວທາງນະໂຍບາຍຂອງພັກ, ລະບຽບກົດໝາຍຂອງລັດ ແລະ ແຜນພັດທະນາເສດຖະກິດ – ສັງຄົມຂອງເມືອງທີ່ວາງອອກໃນແຕ່ລະໄລຍະ ໃກ້ສິດຕິດ ແທດກັບພະນັກງານປະຕິວັດອາວຸໂສບໍານານ, ເຈົ້າກົກເຈົ້າເຫຼົ່າ, ຫົວໜ້າຊິງຊາວ ແລະ ຜູ້ຊົງຄຸນວຸດທິສືບຕໍ່ເປັນຄັນທຸງໃນການເຕົ້າໂຮມຄວາມສາມັກຄີທົ່ວປວງຊົນພາຍໃນເມືອງ.

info@lfnd.org.la | 021 213754 | (856-21) 453191