ສູນກາງແນວລາວສ້າງຊາດ

Lao Front For National Development

ເມືອງທົ່ງມີໄຊ ເມືອງສາມັກຄີປອງດອງ

ໃນ​ຕອນ​ເຊົ້າ​ຂອງວັນ​ທີ 9 ກໍລະກົດ 2020 ຢູ່​ທີ່ສະ​ໂມ​ສອນ​ຂອງ​ເມືອງ​ທົ່ງ​ມີ​ໄຊ, ແຂວງ​ໄຊ​ຍະ​ບູ​ລີ ໄດ້​ມີ​ພິ​ທີ​ເປີດ​ເມືອງ​​ທົ່ງ​ມີ​ໄຊ​ເປັນ​ເມືອງ​ປະ​ຕິ​ບັດຂະ​ບວນ​ການ​ສ້າງ​ຄອບ​ຄົວ ແລະ ບ້ານ​ສາ​ມັກ​ຄີ​ປອງດອງ ​ຂອງ​ແນວ​ລາວ​ສ້າງ​ຊາດ ເຊິ່ງ​ເປັນ​ເມືອງ​ທີ 3 ຂອງ​ແຂວງ​ໄຊ​ຍະ​ບູ​ລີ ແລະ ເປັນ​ເມືອງ​ທີ 4 ຂອງ​ທົ່ວ​ປະ​ເທດ. ໂດຍ​ເປັນ​ກຽດ​ເຂົ້າ​ຮ່ວມ​ຂອງ​ທ່ານ ພົງ​ສະ​ຫວັນ ສິດ​ທະ​ວົງ ກຳ​ມະ​ການ​ສູນ​ກາງ​ພັກ ເລ​ຂາ​ພັກ​ແຂວງ ເຈົ້າ​ແຂວງ​ໄຊ​ຍະ​ບູ​ລີ, ​ທ່ານ ຄຳ​ສິງ ສໍ​ລະ​ສຸກ ກຳ​ມະ​ການ​ປະ​ຈຳ​ພັກ​ແຂວງ ​ປະ​ທານ​ແນວ​ລາວ​ສ້າງ​ຊາດ​ແຂວງ, ​ທ່ານ ບຸນ​ໄທ ສ​ີ​ເທບ ສະ​ມາ​ຊິກ​ສະ​ພາ​ແຫ່ງ​ຊາດ ປະ​ຈຳ​ເຂດ​ເລືອກ​ຕັ້ງ​ແຂວງ​ໄຊ​ຍະ​ບູ​ລີ, ມີ​ການ​ນຳ​ຈາກ​ແນວ​ລາວ​ສ້າງ​ຊາດ​ແຂວງ, ຄະ​ນະ​ປະ​ຈຳ​ພັກເ​ມືອງ, ​ກຳ​ມະ​ການພັກ​ເມືອງ, ພະ​ນັກ​ງານ​ລັດ​ຖະ​ກອນ, ທະ​ຫານ​, ຕຳຫຼວດ, ພະ​ນັກ​ງານ​ປະ​ຕິ​ວັດ​ອາ​ວຸ​ໂສບຳ​ນານ, ​ຜູ້​ປະ​ກອບ​ການ​ທຸ​ລະ​ກິດ, ນາຍ​ບ້ານ, ປະ​ທານ​ແນວ​ລາວ​ສ້າງ​ຊາດ​ບ້ານເຂົ້າ​ຮ່ວມ.

ໃນ​ພິ​ທີດັງ​ກ່າວ ທ່ານ ​ບຸນ​ທົງ ສີ​ປະ​ເສີດ ຄະ​ນະ​ປະ​ຈຳ​ພັກ​ເມືອງ ປະ​ທານ​ແນວ​ລາວ​ສ້າງ​ຊາດເມືອງ ໄດ້​ລາຍ​ງານ​ການ​ຈັດ​ຕັງ​ປະ​ຕິ​ບັດ​ຂະ​ບວນ​ການ​ສ້າງ​ຄອບ​ຄົວ ແລະ ບ້ານ​ສາ​ມັກ​ຄີ​ປອງດອງ ຂອງ​ແນວ​ລາວ​ສ້າງ​ຊາດ​ເມືອງທົ່ງມີໄຊ ປະກອບມີ 13 ບ້ານ, 2.015 ຄອບຄົວ ໄດ້ຮັບຮອງເປັນບ້ານສາມັກຄີປອງດອງ 13 ບ້ານ, ໄດ້ຄອບຄົວສາມັກຄີປອງດອງ 1.924 ຄອບຄົວ ຜ່ານການກວດກາປະເມີນຜົນການຈັດຕັ້ງປະຕິບັດຂະບວນການ ກໍ່ເຫັນວ່າມີຫຼາຍຂະບວນການທີ່ພົ້ນເດັ່ນ ສະແດງອອກຄະນະພັກ, ອົງການປົກຄອງຄະນະກຳມະການແນວລາວສ້າງຊາດບ້ານ ໄດ້ເຄື່ອນໄຫວຕາມພາລະບົດບາດ, ສິດ ແລະ ມີແບບແຜນເຮັດວຽກທີ່ດີ, ເປັນແບບຢ່າງທີ່ດີໃຫ້ແກ່ປະຊາຊົນ. ຮູ້ສືກສາອົບຮົມ-ເຕົ້າໂຮມຄວາມສາມັກຄີ,  ປະຊາຊົນມີຄວາມເຂົ້າໃຈຕໍ່ແນວທາງນະໂຍບາຍຂອງພັກ, ລະບຽບກົດໝາຍ ແລະ ມະຕິຄຳສັ່ງຕ່າງໆ ຂອງລັດ ສາມາດນຳໄປປະຕິບັດ ຢູ່ໃນຄອບຄົວປະຊາຊົນຮູ້ປູກຮູ້ລ້ຽງ ແຂ່ງຂັນກັນສ້າງເສດຖະກິດຄອບຄົວ ເຮັດໃຫ້ຊີວິດການເປັນຢູ່ນັບມື້ນັບດີຂຶ້ນ ມາຮອດປະຈຸບັນສະເລ່ຍລາຍຮັບ ໃນທົ່ວເມືອງ 2,142ໂດລາ/ຄົນ/ປີ ຫຼື 17,000,000/ຄົນ/ປີ ແລະ ຄອບຄົວທຸກຍາກຍັງເຫຼືອພຽງ 4 ຄອບຄົວ ເທົ່າກັບ 0,19%.

ໃນ​ພິ​ທີ​ດັ່ງກ່າວ ທ່ານ ພົງ​ສະ​ຫວັນ ສິດ​ທະ​ວົງ ກຳ​ມະ​ການ​ສູນ​ກາງ​ພັກ ເລ​ຂາ​ພັກ​ແຂວງ ເຈົ້າ​ແຂວງ​ໄຊ​ຍະ​ບູ​ລີ ໄດ້​ເປັນ​ກຽດ​ຂື້ນມອບ ​ໃບ​ຢັ້ງ​ຢືນ​ຮັບ​ຮອງ​ເອົາ​ເມືອງ​ທົ່ງ​ມີ​ໄຊເປັນ​ເມືອງ​ສາ​ມັກ​ຄີ​ປອງດອງ ຈາກນັ້ນ; ​ທ່ານ ​ຍັງ​ມີ​ຄຳ​ເຫັນ​ໂອ້​ລົມ ເຊິ່ງ​ທ່ານ​ໄດ້​ຍ້ອງ​ຍໍ​ຊົມ​ເຊີຍ ຕໍ່​ຜົນ​ງານຫຼາຍ​ດ້ານ​ທີ່​ເມືອງ​ທົ່ງມີໄຊ ​ຍາດ​ມາໄດ້​ຜົນ​ງານ​ອັນ​ໃຫ​ຍ່ຫຼວງ ແລະ ໃຫ້​ສຶບ​ຕໍ່​ຊຸກ​ຍູ້ກວດ​ກາ​ປະ​ເມີນຄອບ​ຄົວ ແລະ ບ້ານ​ທີ່​ໄດ້​ຮັບ​ນາມ​ມະ​ຍົດ​ແລ້ວ ໃຫ້​ປົກ​ປັກ​ຮັກ​ສາ​ໄວ້​ໃຫ້​ໝັ້ນ​ຄົງ ແລະ ໃຫ້​ສຶບ​ຕໍ່​ກວດ​ກາ​ປະ​ເມີນ​ຜົນ​ຈຳ​ນວນ​ຄອບ​ຄົວ​ທີ່​ຍັງ​ບໍ່​ໄດ້​ຮັບ​ຮອງ ເພື່ອ​ສ້າງ​ໃຫ້​ໄດ້​ຄອບ​ຄົວ ແລະ ບຸກ​ຄົນ​ທີ່​ດີ​ເດັ່ນ, ໃຫ້​ຖື​ເອົາ​ວຽກ​ງານ​ສືກ​ສາ​ອົບ​ຮົ​ມການ​ເມືອງ-ແນວ​ຄິດ ແມ່ນ​ຄວາມ​ຮັບ​ຜິດ​ຊອບ​ຂອງ​ຄະ​ນະ​ພັກ, ​ແນວ​ລາວ​ສ້າງ​ຊາດ ລົງໄປເຜີຍແຜ່ໃຫ້​ປະ​ຊາ​ຊົນ​ຢ່າງ​ຕໍ່​ເນື່ອງ ໃຫ້​ຄະ​ນະ​ພັກ​ເອົາ​ໃຈ​ໃສ່​ຊີ້​ນຳ​ໆ​ພາ​ແນວ​ລາວ​ສ້າງ​ຊາດ​ຂັ້ນ​ເມືອງ-ຂັ້ນ​ບ້ານ ໃຫ້​ໜັກ​ແໜ້ນ​ເຂັ້ມ​ແຂງ​ທາງ​ດ້ານ​ການ​ຈັດ​ຕັ້ງ ແລະ ແບບ​ແຜນ​ວິ​ທີ​ເຮັດ​ວ​ຽກ​ເພື່ອ​ເປັນ​ເສ​ນາ​ທິ​ການ​ໃຫ້​ແກ່​ຂັ້ນ​ເທິງ​ເປັນ​ຢ່າງ​ດີ.

info@lfnd.org.la | 021 213754 | (856-21) 453191