ສູນກາງແນວລາວສ້າງຊາດ

Lao Front For National Development

ເມືອງໄຊ ແຂວງອຸດົມໄຊ ສະເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 70 ປີ

ພິທີສະເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 70 ປີ (13 ສິງຫາ 1950 – 13 ສິງຫາ 2020) ຂອງເມືອງໄຊ ແຂວງອຸດົມໄຊ ໄດ້ຈັດຂຶ້ນໃນຕອນເຊົ້າວັນທີ 15 ກັນຍາ 2020 ຢູ່ທີ່ສະໂມສອນ ຂອງເມືອງ ໂດຍການເຂົ້າຮ່ວມຂອງ ທ່ານ ວັນນາ ແກ້ວສັນຕິ ຄະນະປະຈຳພັກແຂວງ, ກຳມະການສູນກາງແນວລາວສ້າງຊາດ, ປະທານແນວລາວສ້າງຊາດແຂວງ, ທ່ານ ຫົງທອງ ອິນທະວົງ ຮອງເລຂາພັກເມືອງ ຜູ້ຊີ້ນຳວຽກງານການເມືອງແນວຄິດ, ທ່ານ ຄຳດາ ຟົງມະນີ ຄະນະປະຈຳພັກເມືອງ, ປະທານແນວລາວສ້າງຊາດເມືອງໄຊ, ມີການນຳຕາງໜ້າບັນດາຫ້ອງການຂອງເມືອງ, ພະນັກງານອາວຸໂສບຳນານ ແລະ ອົງການປົກຄອງບ້ານອ້ອມຂ້າງເມືອງໄຊເຂົ້າຮ່ວມ.

ໃນພິທີສະເຫຼີມສະຫຼອງ ໄດ້ຮັບຟັງການເລົ່າຄືນ ມູນເຊື້ອການເຕີບໃຫຍ່ຂະຫຍາຍຕົວ ຂອງອົງການແນວລາວສ້າງຊາດ ຕະຫຼອດໄລຍະ 70 ປີ ທີ່ຜ່ານມາ ໂດຍຍົກໃຫ້ເຫັນເຖິງການເຄື່ອນໄຫວຂອງອົງການແນວລາວສ້າງຊາດ ຜ່ານ 3 ໄລຍະຄື: ໄລຍະແນວລາວອິດສະຫລະ, ແນວລາວຮັກຊາດ ແລະ ແນວລາວສ້າງຊາດໃນປະຈຸບັນ. ພ້ອມກັນນັ້ນກໍໄດ້ປະດັບຫລຽນກາລະນຶກ 70 ປີ ວັນສ້າງຕັ້ງແນວລາວສ້າງຊາດ ແລະ ມອບໃບຍ້ອງຍໍ ໃຫ້ບຸກຄົນທີ່ມີຜົນງານດີເດັ່ນໃນການປະກອບສ່ວນເຂົ້າໃນການເຄື່ອນໄຫວວຽກງານ ແນວລາວສ້າງຊາດ.

info@lfnd.org.la | 021 213754 | (856-21) 453191