ສູນກາງແນວລາວສ້າງຊາດ

Lao Front For National Development

ແຂວງສາລະວັນ ສຳເລັດການເຜີຍແຜ່ ມະຕິກອງປະຊຸມໃຫຍ່ ຄັ້ງທີ VII ຜູ້ແທນ ແນວລາວສ້າງຊາດແຂວງ

ໃນລະວ່າງ ວັນທີ 26 ພຶດສະພາ-17 ມິຖຸນາ 2021 ນີ້ ທ່ານ ຄຳຕາ ໂຮ່ຊົງເລືອງ ຄະນະປະຈຳພັກແຂວງ, ປະທານແນວລາວສ້າງຊາດແຂວງ ພ້ອມດ້ວຍທິມງານໄດ້ລົງເຜີຍແຜ່ຜົນສຳເລັດກອງປະຊຸມໃຫຍ່ຄັ້ງທີ VII ຜູ້ແທນແນວລາວສ້າງຊາດແຂວງສາລະວັນ ເຊິ່ງຕິດພັນກັບການເຜີຍແຜ່ເອກະສານກ່ຽວກັບ COVID 19 ຢູ່ເມືອງ 8 ເມືອງ ຂອງແຂວງດັ່ງກ່າວ, ເຊິ່ງມີບັນດາທ່ານເຈົ້າເມືອງ 8 ເມືອງ, ກຳມະການແນວລາວສ້າງຊາດແຂວງ, ເມືອງ ພ້ອມດ້ວຍພະນັກງານປະຕິວັດອາວຸໂສບຳນານ ແລະ ພຣະສົງ ເຂົ້າຮ່ວມ.

ພ້ອມກັນນີ້, ທ່ານ ຄຳຕາ ໂຮ່ຊົງເລືອງ ກໍໄດ້ຍົກໃຫ້ເຫັນພາລະບົດບາດ, ສິດ, ໜ້າທີ່ຂອງແນວລາວສ້າງຊາດ ແລະ ຜົນສຳເລັດ ກອງປະຊຸມໃຫຍ່ຄັ້ງທີ VII ຜູ້ແທນແນວລາວສ້າງຊາດແຂວງສາລະວັນ, ເພື່ອໃຫ້ຄະນະກຳມະການ ແນວລາວສ້າງຊາດແຂວງ, ກຳມະການແນວລາວສ້າງຊາດເມືອງ ໄດ້ຮັບຮູ້, ເຂົ້າໃຈ ແລະ ນຳໄປຈັດຕັ້ງຜັນຂະຫຍາຍໃຫ້ປະກົດຜົນເປັນຈິງ ແລະ ທ່ານ ຍັງໄດ້ກ່າວເຖິງຜົນຮ້າຍຂອງເຊື້ອພະຍາດ COVID 19 ເພື່ອປ້ອງກັນ, ບໍ່ໃຫ້ແຜ່ລະບາດເພີ້ມຂື້ນ ໃຫ້ຮັກສາໄລຍະຫ່າງທາງສັງຄົມ, ໃສ່ຜ້າອັດປາກ-ອັດດັງ ແລະ ໝັ່ນລ້າງມືໃສ່ສະບູ ຫຼື ເຈວຢູ່ເລື້ອຍໆ.

info@lfnd.org.la | 021 213754 | (856-21) 453191