ສູນກາງແນວລາວສ້າງຊາດ

Lao Front For National Development

ແຂວງຫຼວງພະບາງ ປຶກສາຫາລືກ່ຽວກັບວຽກງານຂອງແນວລາວສ້າງຊາດ

ແນວລາວສາ້ງຊາດແຂວງຫຼວງພະບາງ ຈັດກອງປະຊຸມເພື່ອປຶກສາຫາລືວຽກງານແນວລາວສ້າງຊາດ ຂຶ້ນວັນທີ 7 ທັນວາ 2020 ຜ່ານມານີ້ ຢູ່ຫ້ອງປະຊຸມແນວລາວສ້າງຊາດແຂວງ; ໂດຍເປັນປະທານຂອງ ທ່ານ ເອິງ ລໍສະຫວັນ ປະທານແນວລາວສ້າງຊາດແຂວງຫຼວງພະບາງ, ມີບັນດາຮອງປະທານ ແລະ ຫົວໜ້າຂະແໜງເຂົ້າຮ່ວມ.

ໃນກອງປະຊຸມ, ໄດ້ປຶກສາຫາລືຫຼາຍບັນຫາເປັນຕົ້ນ: ປຶກສາກ່ຽວກັບທິດຊີ້ນໍາຂອງສະຫາຍເລຂາພັກແຂວງ ຕໍ່ການກະກຽມຄວາມພ້ອມ ຂອງກອງປະຊຸມໃຫ່ຍ ຄັ້ງທີ VII ຜູ້ແທນແນວລາວສ້າງຊາດແຂວງ, ແຜນການນໍາພາຜູ້ແທນແນວລາວສ້າງຊາດແຂວງ ເຂົ້າຮ່ວມກອງປະຊຸມຄະນະປະຈໍາເປີດກວ້າງ ຄັ້ງທີ 5 ສະໄໝທີ 10, ແຜນການກະກຽມກອງບຸນຜ້າປ່າສາມັກຄີ ປະຈໍາປີ 2020 ເພື່ອລະດົມທຶນສົມທົບກໍ່ສ້າງອານຸສາວະລີ ເຈົ້າໄຊຍວະເສດຖາທິລາດ ຢູ່ແຂວງອັດຕະປື, ປຶກສາຫາລືການມອບຫຼຽນກາລະນຶກ 70 ປີ ໃຫ້ແນວລາວສ້າງຊາດເມືອງ-ນະຄອນ ແລະ ງົບປະມານກອງປະຊຸມໃຫ່ຍ ຄັ້ງທີ VII ຜູ້ແທນແນວລາວສ້າງຊາດແຂວງ.

ໃນໂອກາດດັ່ງກ່າວ ທ່ານ ເອິງ ລໍສະຫວັນ ໄດ້ຕີລາຄາສູງຕໍ່ກອງປະຊຸມປຶກສາຫາລືໃນຄັ້ງນີ້ ເຊິ່ງເປັນການ ກະກຽມຄວາມພ້ອມໃນການຈັດຕັ້ງປະຕິບັດໜ້າທີ່ວຽກງານຂອງແນວລາວສ້າງຊາດແຂວງ ໃຫ້ບັນລຸຜົນສໍາເລັດຕາມ ລະດັບຄາດໝາຍ.

info@lfnd.org.la | 021 213754 | (856-21) 453191