ສູນກາງແນວລາວສ້າງຊາດ

Lao Front For National Development

ແຂ່ງຂັນກິລາເຕະບານມິດຕະພາບ 3 ພາກສ່ວນຕ້ອນຮັບກອງປະຊຸມສາມັນຄົມຄະນະກຳມະການ ສນຊ ຄັ້ງທີ 3 ສະໄໝທີ X

ສູນກາງແນວລາວສ້າງຊາດ (ສນຊ) ໄດ້ຈັດການແຂ່ງຂັນກິລາມິດຕະພາບ ຕ້ອນຮັບກອງປະ ຊຸມສາມັນຄົບຄະນະກຳມະການ ສູນກາງແນວລາວສ້າງຊາດ ຄັ້ງທີ 3 ສະໄໝທີ X ຂຶ້ນໃນວັນທີ 9 ມີນາ 2018, ທີ່ເດີ່ນກິລາກູດໄລ ນະຄອນຫຼວງວຽງຈັນ.

ໂດຍເປັນກຽດເຂົ້າຮ່ວມຂອງທ່ານ ເຢ່ຍເກີຍ່າ ໜໍຈໍຈົງຕົວ ຮອງປະທານ ສູນກາງແນວລາວສ້າງຊາດ ຫົວໜ້າອະນຸກຳມະການໂຄສະນາ-ຂະບວນການ, ບັນດາການນຳຂອງສູນກາງແນວລາວສ້າງຊາດ,ຄະນະຮັບຊອບຂອງ 3 ພາກສວ່ນ ພ້ອມດ້ວຍນັກກິລາຈາກສູນກາງແນວລາວສ້າງຊາດ, ທະນາຄານພົງສະຫວັນ ແລະ ສາສະໜາຕ່າງໆ ເຂົ້າຮ່ວມຢ່າງພ້ອມພຽງ ເຊິ່ງການແຂ່ງຂັນຄັ້ງນີ້ປະກອບດ້ວຍກິລາເຕະບານຍິງ ແລະ ເຕະບານຊາຍ.

ຜົນການແຂ່ງຂັນກິລາເຕະບານຍິງ ທີ 1 ແມ່ນສາສະໜາຕ່າງໆ ທີ 2 ແມ່ນສູນກາງແນວລາວສ້າງຊາດ, ສ່ວນເຕະບານຊາຍທີ 1 ແມ່ນທະນາຄານພົງສະຫວັນ, ທີ 2 ແມ່ນສາສະໜາຕ່າງໆ ແລະ ທີ 3 ແມ່ນສູນກາງແນວລາວສ້າງຊາດ. ສຳລັບລາງວັນ ທີ 1 ໄດ້ຮັບລາງວັນຂັນ 1 ໜ່ວຍ ພ້ອມເງິນສົດ 300,000 ກີບ, ທີ 2 ໄດ້ຮັບຂັນລາງວັນ 1 ໜ່ວຍ ພ້ອມເງິນສົດ 200,000 ກີບ ແລະ ລາງວັນທີ 3 ໄດ້ຮັບເງິນສົດ 100,000 ກີບ. ການແຂ່ງຂັນກິລາຄັ້ງນີ້, ເປັນການສ້າງຄວາມສາມັກຄີປອງດອງ ແລະເປັນການພົບປະສ້າງສັນ ລະຫວ່າງ 3 ພາກສ່ວນໃຫ້ມີບັນຍາກາດຄຶກຄື້ນຕື່ມອີກ.

ໃນວັນທີ 6 ມີນາ ກໍ່ໄດ້ຈັດການແຂ່ງຂັນກິລາເປຕັງ ລະຫວ່າງ ບັນດາກົມອ້ອມຂ້າງ ສນຊ ກັບບັນດາແນວລາວສ້າງຊາດເມືອງຈຳນວນໜຶ່ງ ທີ່ມາຈາກ 8 ແຂວງ ເພື່ອຕ້ອນຮັບວັນແມ່ຍິງສາກົນ ແລະ ກອງປະຊຸມສາມັນຄົບຄະນະກຳມະການ ສນຊ ຄັ້ງທີ 3 ສະໄໝທີ X.

info@lfnd.org.la | 021 213754 | (856-21) 453191