ສູນກາງແນວລາວສ້າງຊາດ

Lao Front For National Development

ແນວລາວສ້າງຊາດນະຄອນຫຼວງວຽງຈັນ

ຕອນເຊົ້າຂອງວັນທີ 22 ທັນວາ 2016 ຢູ່ທີ່ຫ້ອງປະຊຸມຊັ້ນ III ສໍານັກງານອົງການປົກຄອງ ນະຄອນຫຼວງວຽງຈັນ, ອົງການແນວລາວ ສ້າງຊາດນະຄອນຫຼວງວຽງຈັນ ໄດ້ຈັດພິທີເຜີຍແຜ່ຜົນສໍາເລັດກອງປະຊຸມ ໃຫຍ່ ຄັ້ງທີ X ຜູ້ແທນທົ່ວປະເທດຂອງແນວລາວສ້າງຊາດ.

ໂດຍພາຍໃຕ້ການໃຫ້ກຽດເປັນປະທານເຜີຍແຜ່ຂອງທ່ານ ບຸນທ່ຽງ ຂຸນສີ ກໍາມະການສູນກາງແນວລາວສ້າງຊາດ, ຄະນະປະຈໍາພັກ, ປະທານແນວລາວສ້າງຊາດ ນະຄອນຫຼວງວຽງຈັນ.
ມີບັນດາທ່ານຄະນະກໍາມະການແນວລາວສ້າງຊາດ, ຫົວໜ້າພະແນກ ການ,​ ອົງການອ້ອມຂ້າງ ຕະຫຼອດຮອດພະນັກງານວິຊາການ ພາຍໃນອົງການແນວລາວສ້າງຊາດ ນະຄອນຫຼວງວຽງຈັນ ເຂົ້າຮ່ວມຮັບຟັງ ຈໍານວນ 80 ທ່ານ,​ ຍິງ 25 ທ່ານ.
ຜູ້​ເຂົ້າຮ່ວມກອງ​ປະຊຸມ ​ໄດ້​ຮັບ​ຟັງ​ກ່ຽວ​ກັບ​ການ​ຕີ​ລາຄາຜົນ​ສໍາ​ເລັດ ຂອງ​ກອງ​ປະຊຸມ​ໃຫຍ່ ຜູ້​ແທນ​ທົ່ວ​ປະ​ເທດ ຄັ້ງ​ທີ X ຂອງ​ແນວ​ລາວ​ສ້າງ​ຊາດ; ການ​ຮັບຮອງ​ເອົາ​ວິ​ໄສ​ທັດ, ​ແຜນ​ຍຸດ​ທະ​ສາດ, ທິດ​ທາງ​ໜ້າ​ທີ່ ​ແລະ ວຽກ​ງານ​ຈຸດ​ສຸມ ຂອງ​ແນວ​ລາວ​ສ້າງ​ຊາດ ສະ​ໄໝ​ທີ X. ນອກ​ນັ້ນ​ຍັງ​ໄດ້ ​ເຊື່ອມ​ຊຶມ​ກ່ຽວ​ກັບ​ກົດ​ລະບຽບ​ ​ແລະ ໂຄງການ​ແນວ​ດໍາ​ເນີນ​ງານ​ຂອງ​ແນວ​ລາວ​ສ້າງ​ຊາດ.
ກອງປະຊຸມໄດ້ດໍາເນີນໄປເປັນເວລາໜຶ່ງຕອນ ແລະ ອັດລົງໃນຕອນເຊົ້າຂອງວັນດຽວກັນ

info@lfnd.org.la | 021 213754 | (856-21) 453191