ສູນກາງແນວລາວສ້າງຊາດ

Lao Front For National Development

ແນວລາວສ້າງຊາດເມືອງຮຸນ ແຂວງອຸດົມໄຊ ເຊື່ອມຊຶມມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ປະຊາຊົນ ປະຕິວັດລາວ

ໃນວັນທີ 18 ມິຖຸນາ 2021 ຢູ່ທີ່ຫ້ອງປະຊຸມອົງການ​ຈັດ​ຕັ້ງ​ມະຫາຊົນ​ເມືອງ, ອົງການແນວລາວສ້າງຊາດເມືອງຮຸນ, ສະຫະພັນນັກຮົບເກົ່າ ແລະ ອົງການຈັດຕັ້ງມະຫາຊົນ ໄດ້ຈັດກອງປະຊຸມເຜີຍແຜ່ເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ປະຊາຊົນປະຕິວັດລາວ, ມະຕິ IX ຂອງອົງຄະນະພັກແຂວງ, ແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ IX (2021-2025) ຕິດພັນກັບການເຜີຍແຜ່ເຊື່ອມຊືມມະຕິ VII ກອງປະຊຸມໃຫ່ຍຜູ້ແທນແນວລາວສ້າງຊາດເມືອງຮຸນ ແລະ ​ເຜີຍ​ແຜ່​ຜົນສຳ​ເລັດ​ກອງ​ປະຊຸມ​ຄັ້ງ​ປະຖົມ​ມະລຶກ ສສຊ ຊຸດ​ທີ IX ​ແລະ ສສຂ ຊຸດ​ທີ II.

ເປັນກຽດເຜີຍແຜ່ ໂດຍ ສະຫາຍ ຫົງທອງ ບົວລີໄຊ ກໍາມະການປະຈໍາພັກເມືອງ ປະທານແນວລາວສ້າງຊາດເມືອງຮຸນ, ມີຄະນະພັກ ພ້ອມດ້ວຍສະມາຊິກພັກ ແລະ ພະນັກງານພາຍແນວລາວສ້າງຊາດ, ສະຫະພັນນັກຮົບເກົ່າ ແລະ ອົງການຈັດຕັ້ງມະຫາຊົນ ເຂົ້າຮ່ວມຮັບຟັງ.

ການເຜີຍແຜ່ເອກະສານຄັ້ງນີ້ ກໍເພື່ອແນໃສ່ເຮັດໃຫ້ ສະມາຊິກພັກ, ພະນັກງານ ຮັບຮູ້, ເຂົ້າໃຈຢ່າງເລິກເຊິ່ງ ຕໍ່ກັບເນື້ອໃນເອກະສານດັ່ງກ່າວ ໂດຍສະເພາະແມ່ນບັນຫາທີ່ຕິດພັນກັບວຽກງານວິຊາສະເພາະ ເພື່ອຈະນໍາເອົາໄປຈັດຕັ້ງຜັນຂະຫຍາຍເຂົ້າໃນການເຄື່ອນໄຫວວຽກງານຕົວຈິງໃຫ້ໄດ້ຮັບຜົນສຳເລັດ.

info@lfnd.org.la | 021 213754 | (856-21) 453191