ສູນກາງແນວລາວສ້າງຊາດ

Lao Front For National Development

ແນວລາວສ້າງຊາດແຂວງຊຽງຂວາງ ຈັດກອງປະຊຸມເຜີຍແຜ່ເຊື່ອມຊືມເອກະສານທີ່ສຳຄັນຂອງພັກ ແລະ ຂອງຊາດ

ໃນວັນທີ 3 ມີຖຸນາ 2021 ນີ້ ແນວລາວສ້າງຊາດແຂວງຊຽງຂວາງ ໄດ້ຈັດກອງປະຊຸມເຜີຍແຜ່ເຊື່ອມຊືມເອກະສານທີ່ສຳຄັນຂອງພັກ, ຂອງຊາດ ຂື້ນຢູ່ທີ່ຫ້ອງປະຊຸມຊັ້ນ III ຫ້ອງວ່າການແຂວງ, ໂດຍການເປັນປະທານຂອງ ທ່ານ ດວງໄຊ ທໍ່ຢ່າບຼົ່ງ ຄະນະຫນ່ວຍພັກແນວລາວສ້າງຊາດແຂວງ, ຮອງປະທານແນວລາວສ້າງຊາດແຂວງ, ມີຫົວໜ້າ-ຮອງຫົວໜ້າຂະແໜງ ຕະຫຼອດຮອດພະນັກງານ-ລັດຖະກອນພາຍ ໃນຫ້ອງການເຂົ້າຮ່ວມ.

ເອກະສານທີ່ນໍາມາເຜີຍແຜ່ໃນຄັ້ງນີ້ມີຄື: ມະຕິກອງປະຊຸມຄົບຄະນະຂອງຄະນະບໍລິຫານງານສູນກາງພັກ ຄັ້ງທີ 2 ສະໄໝທີ XI , ກົດລະບຽບ ພັກປະຊາຊົນ ປະຕິວັດລາວ ສະໄຫມທີ XI, ເຊື່ອມຊືມຜັນຂະຫຍາຍມະຕິກອງປະຊຸມໃຫ່ຍຄັ້ງທີ XI ຂອງພັກປະຊາຊົນປະຕິວັດລາວ, ດຳລັດວ່າດ້ວຍການແຕ່ງດອງ ລະຫວ່າງພົນລະເມືອງລາວ ກັບຄົນຕ່າງປະເທດ, ຄົນຕ່າງດ້າວ ແລະ ຄົນບໍ່ມີສັນຊາດ; ດຳລັດວ່າດ້ວຍກຳລັງສຳຮອງປ້ອງກັນຊາດ, ເນື້ອໃນມະຕິກອງປະຊຸມໃຫ່ຍ ຄັ້ງທີ່ VII ຂອງແນວລາວສ້າງຊາດແຂວງ, ດຳລັດວ່າດ້ວຍການເງີນ ແລະ ການບັນຊີ ຂອງທະນາຄານແຫ່ງ ສປປລາວ.

ຈຸດປະສົງຂອງການເຜີຍແຜ່ກໍ່ເພື່ອແນໃສ່ເຮັດໃຫ້ສະມາຊິກພັກ, ພະນັກງານ-ລັດຖະກອນ ພາຍໃນຫ້ອງການ ມີຄວາມຮັບຮູ້ເຂົ້າໃຈ, ມີສະຕິເຄົາລົບ ແລະ ປະຕິບັດລະບຽບກົດໝາຍຢ່າງເລິກເຊິ່ງ, ກ້ວາງຂວາງ ແລະ ທົ່ວເຖິງ; ຕ້ານ ແລະ ສະກັດກັ້ນປະກົດການຍໍ້ທໍ້ໃນສັງຄົມ, ຍົກສູງປະສິດທິພາບໃນການຄຸ້ມຄອງລັດ-ຄຸ້ມຄອງສັງຄົມດ້ວຍກົດໝາຍ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ, ປົກປັກຮັກສາຄວາມເປັນລະບຽບຮຽບຮ້ອຍ ແລະ ຍຸດຕິທຳ.

info@lfnd.org.la | 021 213754 | (856-21) 453191