ສູນກາງແນວລາວສ້າງຊາດ

Lao Front For National Development

ແນວລາວສ້າງຊາດແຂວງສະຫວັນນະເຂດ ເຊື່ອມຊຶມມະຕິ XI ຂອງພັກປະຊາຊົນປະຕິວັດລາວ ແລະ ມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງ

ໃນຕອນເຊົ້າຂອງວັນທີ 18 ມິຖຸນາ 2021ນີ້ ທີ່ຫ້ອງປະຊຸມແນວລາວສ້າງຊາດແຂວງສະຫວັນນະເຂດ. ຄະນະກຳມະການແນວລາວສ້າງຊາດແຂວງ ໄດ້ເຊຶ່ອມຊຶມມະຕິກອງປະຊຸມໃຫຍ່ ຄັ້ງທີ XI ຂອງພັກ ເຊິ່ງໃຫ້ກຽດບັນຍາຍເອກະສານໃນຄັ້ງນີ້ໂດຍ ສະຫາຍ ຄຳແພງ ເພັດທຸມພອນ ຄະນະປະຈຳພັກແຂວງ, ປະທານແນວລາວສ້າງຊາດແຂວງ;  ເຂົ້າຮ່ວມຮັບຟັງໃນຄັ້ງນີ້ມີບັນດາສະຫາຍຮອງປະທານ, ຄະນະປະຈຳ, ຫົວໜ້າຂະແໜງ, ຮອງຫົວໜ້າຂະແໜງ ພ້ອມດ້ວຍພະນັກງານວິຊາການພາຍໃນແນວລາວສ້າງຊາດແຂວງ ເຂົ້າຮ່ວມ.

ເອກະສານທີ່ນຳມາເຜີຍແຜ່ໃນຄັ້ງນີ້ ມີ 3 ເອກະສານຄື: ມະຕິກອງປະຊຸມໃຫຍ່ ຄັ້ງທີ XI ຂອງພັກປະຊາຊົນປະຕິວັດລາວ, ມະຕິກອງປະຊຸມໃຫຍ່ ຄັ້ງທີ IX ຂອງອົງຄະນະພັກແຂວງສະຫວັນນະເຂດ ແລະ ມະຕິກອງປະຊຸມໃຫຍ່ຄັ້ງທີ VII ຂອງແນວລາວສ້າງຊາດແຂວງສະຫວັນນະເຂດ.

ຈຸດປະສົງ ເພື່ອເຮັດໃຫ້ພະນັກງານພາຍໃນອົງການແນວລາວສ້າງຊາດ ໄດ້ເຊື່ອມຊຶມ, ເຂົ້າໃຈ ແລະ ກຳແໜ້ນເນື້ອໃນເອກະສານທີ່ສຳຄັນ ເພື່ອນຳໃຊ້ ເຂົ້າໃນວຽກງານ ແລະ ໜ້າທີ່ຄວາມຮັບຜິດຊອບຂອງຕົນໃຫ້ປະກົດຜົນເປັນຈິງ.

 

info@lfnd.org.la | 021 213754 | (856-21) 453191