ສູນກາງແນວລາວສ້າງຊາດ

Lao Front For National Development

ແນວລາວສ້າງຊາດແຂວງສາລະວັນເຜີຍແຜ່ເຊື່ອມຊືມເອກະສານສໍາຄັນຂອງພັກ

ວັນທີ 14 ມີຖຸນາ 2021 ຜ່ານມານີ້, ແນວລາວສ້າງຊາດແຂວງສາລະວັນ ເຊື່ອມຊືມ ແລະ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກປະຊາຊົນປະຕິວັດລາວ ແລະ ມະຕິກອງປະຊຸມໃຫ່ຍຄັ້ງທີ IX ຂອງອົງຄະນະພັກແຂວງ ຂື້ນທີ່ຫ້ອງປະຊຸມຂອງຕົນ, ໂດຍພາຍໃຕ້ການເປັນປະທານຂອງທ່ານ ຄຳຕາ ໂຮ່ຊົງເລືອງ ຄະນະປະຈຳພັກແຂວງ ປະທານແນວລາວສ້າງຊາດແຂວງ, ມີຮອງປະທານແນວລາວສ້າງຊາດແຂວງ, ຫົວໜ້າຂະແໜງ, ຮອງຂະ    ແໜງ, ພະນັກງານວິຊາການເຂົ້າຮ່ວມ.

ທ່ານ ບຸນທົງ ເມືອງຈັນ ເລຂາໜ່ວຍພັກ, ຮອງປະທານແນວລາວສ້າງຊາດແຂວງ ໃຫ້ກຽດເຜີຍແຜ່ຄຳສັ່ງຂອງຄະນະເລທິການສູນກາງພັກ ສະບັບເລກທີ 38/ຄລສພ ວ່າດ້ວຍການຈັດຕັ້ງເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກ, ມະຕິກອງປະຊຸມຄົບຄະນະຂອງຄະນະບໍລິຫານງານສູນກາງພັກ ຄັ້ງທີ 2 ສະໄໝທີ XI, ແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ 9 (2021-2025), ກົດລະບຽບ ແລະ ເອກສານລາຍງານການເມືອງ ຄັ້ງທີ XI ຂອງພັກ, ຜົນສຳເລັດການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ VIII ຂອງອົງຄະນະພັກແຂວງ, ທິດທາງລວມ, ທິດທາງຈຸດສຸມ ແລະ ໜ້າທີ່ຕົ້ນຕໍແຕ່ປີ 2021-2025 ເພື່ອນຳພາແຂວງສາລະວັນ ຫຼຸດພົ້ນອອກຈາກຄວາມທຸກຍາກເທື່ອລະກ້າວ.

ທ່ານ ຄຳຕາ ໂຮ່ຊົງເລືອງ ໄດ້ໂອ້ລົມຕໍ່ກອງປະຊຸມເຊື່ອມຊືມ ແລະ ຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ມະຕິກອງປະຊຸມໃຫ່ຍຄັ້ງທີ IX ຂອງອົງຄະນະພັກແຂວງ ແມ່ນມີຄວາມໝາຍຄວາມສຳຄັນ ເພື່ອພ້ອມກັນສ້າງຄວາມເປັນເອກະພາບ, ຄວາມຮັບຮູ້ເຂົ້າໃຈຕໍ່ເນື້ອໃນຂອງມະຕິດັ່ງກ່າວໃຫ້ມີທັດສະນະຖືກຕ້ອງ, ເປັນເອ ກະພາບໃນການຈັດຕັ້ງປະຕິ ບັດໃຫ້ມີຜົນສຳເລັດໃໝ່ ພ້ອມທັງແກ້ໄຂຂໍ້ຄົງຄ້າງ, ແບບແຜນວິທີເຮັດວຽກທີ່ບໍ່ສອດ ຄ່ອງໃນໄລຍະຜ່ານມາ ເພື່ອພັດທະນາແຂວງ ເວົ້າລວມ, ເວົ້າສະເພາະ ແມ່ນແນວລາວສ້າງຊາດແຂວງສາລະວັນໃຫ້ກ້າວຂຶ້ນ, ຫັນປ່ຽນທາງດ້ານແນວຄິດ-ຈິນຕະນາການ, ປັບປຸງ, ຍົກສູງຫຼັກໝັ້ນການເມືອງ, ຍົກສູງນ້ຳໃຈເສຍສະຫຼະ, ເພີ່ມທະວີຄວາມສາມັກຄີພາຍໃນພັກ ແລະ ພາຍໃນສັງຄົມໃຫ້ໜັກແໜ້ນເຂັ້ມແຂງ.

info@lfnd.org.la | 021 213754 | (856-21) 453191