ສູນກາງແນວລາວສ້າງຊາດ

Lao Front For National Development

ແນວລາວສ້າງຊາດແຂວງຫົວພັນ ຈັດກອງປະຊຸມເຜີຍແຜ່ເຊື່ອມຊຶມເອກະສານຂອງພັກ ແລະ ລັດ

ແນວລາວສ້າງຊາດແຂວງຫົວພັນ ຈັດກອງປະຊຸມເຊື່ອມຊຶມເອກະສານຂອງພັກ ແລະ ລັດ ຂື້ນຢູ່ທີ່ຫ້ອງປະຊຸມແນວລາວສ້າງຊາດແຂວງ ໂດຍການເປັນປະທານຂອງ ສະຫາຍ ວົງເພັດ ກຽນສິງຮັກ ຄະນະປະຈໍາພັກແຂວງ ປະທານແນວລາວສ້າງຊາດແຂວງ ແລະ ເປັນກຽດເຂົ້າຮ່ວມຂອງສະຫາຍຄະນະໜ່ວຍພັກ, ສະມາຊິກພັກ, ບັນດາທ່ານຮອງປະທານ, ຫົວໜ້າ-ຮອງຫົວໜ້າຂະແໜງ ຕະຫຼອດຮອດ ພະນັກງານ-ລັດຖະກອນ ເຂົ້າຮ່ວມ ວັນທີ 15 ມີນາ 2021.

ເອກະສານທີ່ນໍາມາເຜີຍແຜ່ເຊື່ອມຊຶມຄັ້ງນີ້ມີ: ມະຕິກອງປະຊຸມໃຫຍ່ ຄັ້ງທີ 10 ຂອງອົງຄະນະພັກແຂວງຫົວພັນ ແລະ ດຳລັດ ສະບັບເລກທີ 562 ຂອງລັດຖະບານ ວ່າດ້ວຍການໂຄສະນາເຜີຍແຜ່ນິຕິກໍາ, ຈຸດປະສົງຂອງການເຜີຍແຜ່ຄັ້ງນີ້ ເພື່ອແນໃສ່ເຮັດໃຫ້ພະນັກງານສະມາຊິກພັກ, ພະນັກງານ-ລັດຖະກອນ ພາຍໃນຫ້ອງການມີຄວາມຮັບຮູ້ເຂົ້າໃຈ ແທດເຖິງຕົວຈິງ ແລະ ມີປະສິດທິຜົນສູງ, ສ້າງຂະບວນການຈັດຕັ້ງປະຕິບັດຢ່າງແຂງແຮງທົ່ວເຖິງ ກໍ່ໃຫ້ເກີດມີການຫັນປ່ຽນຕົວຈິງ ທີ່ມີລັກສະນະບຸກທະລຸໃນທຸກຂົງເຂດວຽກງານ ເພື່ອຍູ້ແຮງການພັດທະນາໃນດ້ານຕ່າງໆ ໃຫ້ບັນລຸຄາດໝາຍທີ່ກອງປະຊຸມໃຫຍ່ ຄັ້ງທີ 10 ຂອງອົງຄະນະພັກແຂວງວາງອອກ ເພື່ອແນໃສ່ເຮັດໃຫ້ພະນັກງານສະມາຊິກພັກ, ພະນັກງານ-ລັດຖະກອນ ມີສະຕິເຄົາລົບ ແລະ ປະຕິບັດ ກົດໝາຍຢ່າງເລິກເຊິ່ງ, ກວ້າງຂວາງ ແລະ ທົ່ວເຖິງ, ຕ້ານ ແລະ ສະກັດກັ້ນປະກົດການຫຍໍ້ທໍ້ໃນສັງຄົມ, ຍົກສູງປະສິດທິພາບການຄຸ້ມຄອງລັດ-ຄຸ້ມຄອງສັງຄົມ ດ້ວຍກົດໝາຍ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມ, ປົກປັກຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ຍຸຕິທໍາ.

 

info@lfnd.org.la | 021 213754 | (856-21) 453191