ສູນກາງແນວລາວສ້າງຊາດ

Lao Front For National Development

ແນວລາວສ້າງຊາດແຂວງຫົວພັນມອບຢາໃຫ້ພະແນກສາທາລະນະສຸກແຂວງ

ວັນທີ 11 ມິຖຸນາ 2021 ນີ້ ທ່ານ ວີເຕັ່ງ ຈື່ໄມເຕັ່ງ ຮອງປະທານແນວລາວສ້າງຊາດແຂວງ ໄດ້ນໍາເອົາຢາຈໍານວນໜຶ່ງທີ່ໄດ້ຮັບການຊ່ວຍເຫຼືອຈາກສາທາລະນະລັດເກົາຫຼີ ໄປມອບຕໍ່ໃຫ້ພະແນກສາທາລະນະສຸກແຂວງ, ກ່າວຮັບໂດຍທ່ານ ດຣ ນາງ ພວງວອນ ລັດຕະນະສຸກ ຮອງຫົວໜ້າພະແນກສາທາລະນະສຸກແຂວງ ແລະ ມີພະນັກງານທັງສອງຝ່າຍເຂົ້າຮ່ວມ.

ຢາທີ່ນໍາໄປມອບໃນຄັ້ງນີ້ປະກອບມີ: ວິຕາວິນ B ຢາບໍາລຸງສາຍຕາເດັກ, ຢາໂອເຊທາມີເວຍ ຢາຕ້ານເຊື້ອໄວຣັດໄຂ້ຫວັດໃຫຍ່ສາຍພັນA, ເຄື່ອງກວດປັດສະວະການຖືພາ ເຊິ່ງຄິດເປັນມູນຄ່າທັງໝົດ 3.000.000 ກວ່າກີບ. ຈຸດປະສົງທີ່ນໍາໄປມອບໃນຄັ້ງນີ້ ເພື່ອໃຫ້ພະແນກສາທາລະນະສຸກແຂວງນໍາໄປມອບຕໍ່ໃຫ້ບັນດາສຸກສາລາທີ່ຢູ່ເຂດຫ່າງໄກສອກຫຼີກຫຼືບັນດາກຸ່ມເປົ້າໝາຍໄດ້ນໍາໃຊ້ເຂົ້າໃນການປິ່ນປົວຄົນເຈັບໃຫ້ມີສຸຂະພາບແຂງແຮງ.

 

info@lfnd.org.la | 021 213754 | (856-21) 453191