ສູນກາງແນວລາວສ້າງຊາດ

Lao Front For National Development

ແນວລາວສ້າງຊາດແຂວງຫຼວງພະບາງ ປະເມີນພະນັກງານ-ລັດຖະກອນ ປະຈຳປີ 2020

ແນວລາວສ້າງຊາດແຂວງຫຼວງພະບາງ ໄດ້ປະເມີນຜົນງານການຈັດຕັ້ງປະຕິບັດ ວຽກງານຂອງພະນັກງານ-ລັດຖະກອນ ປະຈໍາປີ 2020 ຂື້ນທີ່ຫ້ອງປະຊຸມແນວລາວສ້າງຊາດແຂວງ; ໂດຍເປັນ ປະທານຂອງ ທ່ານ ເອິງ ລໍສະຫວັນ ເລຂາໜ່ວຍພັກ, ປະທານແນວລາວສ້າງຊາດແຂວງ, ມີພະແນກພາຍໃນແຂວງ, ຄະນະກວດກາແຂວງ, ຄະນະຈັດຕັ້ງແຂວງ, ມີບັນດາທ່ານຮອງປະທານ, ຫົວໜ້າ-ຮອງຫົວໜ້າຕະຫຼອດຮອດພະນັກງານວິຊາການເຂົ້າຮ່ວມ ໃນລະຫວ່າງວັນທີ່ 24-25 ພະຈິກ ຜ່ານມານີ້

ການປະເມີນໄດ້ຈັດເປັນ 2 ວາລະການປະເມີນຄື ການປະເມີນສໍາລັບພະນັກງານນໍາພາຄຸ້ມຄອງ (ຕໍາແໜ່ງບໍ ລິຫານປະເພດ 3-4) ສໍາລັບປະທານ, ຮອງປະທານ ແລະ ການປະເມີນສໍາລັບພະນັກງານທີ່ມີຕໍາແໜ່ງບໍລິຫານ (ປະເພດ5-6) ແລະ ວິຊາການທົ່ວໄປ. ການປະເມີນໃນຄັ້ງນີ້ ເບື້ອງຕົ້ນໄດ້ຜ່ານຄໍາແນະນໍາຂອງພະແນກພາຍ ໃນແຂວງ ເລກທີ 10/ພພນ,​ ຈາກນັ້ນ ພະນັກງານ-ລັກຖະກອນທຸກຄົນໄດ້ຂື້ນຜ່ານໃບເກັບກ່ຽວຜົນງານ, ຕີລາຄາ ຄະແນນການຈັດຕັ້ງປະຕິບັດວຽກງານໃນຕະຫຼອດໄລຍະ 1 ປີທີ່ຜ່ານມາ ຕາມ 3 ເນື້ອໃນມາດຕະຖານຄື: ມາດຕະ ຖານວັກແທກດ້ານຄຸນທາດການເມືອງ-ຄຸນສົມບັດສິນທໍາປະຕິວັດ, ມາດຕະຖານວັດແທກດ້ານຄວາມຮູ້ຄວາມສາ ມາດ ແລະ ປະສົບການ, ມາດຕະຖານການປະເມີນຜົນສໍາເລັດຂອງການປະຕິບັດວຽກງານຂອງພະນັກງານ-ລັດຖະ ກອນ ພ້ອມທັງປະກອບຄໍາເຫັນ, ສົ່ງຂ່າວເຊິ່ງກັນ ແລະ ກັນຢ່າງກົງໄປກົງມາ.

ທ່ານ ຮອງປະທານແນວລາວສ້າງຊາດແຂວງກ່າວວ່າ ການສະຫຼຸບຕີລາຄາການປະເມີນຜົນແມ່ນວຽກງານ ປົກກະຕິ ເພື່ອເປັນການກວດກາການເຄື່ອນໄຫວປະຕິບັດວຽກງານລັດຖະກອນທີ່ໄດ້ຮັບມອບໝາຍໃຫ້ສໍາເລັດ ແລະ ການຊອກຮູ້ໃຫ້ເຫັນ ດ້ານດີຜົນງານເພື່ອສືບຕໍ່ເສີມຂະຫຍາຍ ແລະ ດ້ານອອ່ນ ຂໍ້ຄົງຄ້າງ ເພື່ອປັບປຸງແກ້ໄຂໃຫ້ໄດ້ຢ່າງ ຂາດຕົວ ທັງເປັນການຄັດເລືອກຜົນງານຂອງບຸກຄົນ, ກົມກອງລວມໝູ່ທີ່ມີຜົນງານດີເດັ່ນ

 

info@lfnd.org.la | 021 213754 | (856-21) 453191